ଉଦଳା ୨୯।୮: ଆବେଦନକାରୀଙ୍କ ସହିତ ସାଙ୍ଘାତିକ ଖେଳ । ଫର୍ମକୁ ରାସ୍ତାରେ ଫୋପାଡ଼ି ଦେଲେ, ତାହା ପୁଣି ପାଣି ବୋହି ଯାଉଥିବା ସ୍ଥାନରେ । ନା ହୋଇଛି ନିଯୁକ୍ତି, ନା ଆବେଦନ ପତ୍ର ହୋଇଛି ଭେରିଫିକେସନ ହେଲେ ଅଫିସ ବାହାରକୁ ଯାଇ ରାସ୍ତା ଉପରେ ପଡି ରହିଲା ଆବେଦନପତ୍ର । ଏଭଳି ଏକ ସାଙ୍ଘାତିକ ଚିତ୍ର ସାମ୍ନାକୁ ଆସିଛି ମୟୁରଭଞ୍ଜ ଜିଲ୍ଲା କପ୍ତିପଦା ବ୍ଲକ ଆଇସିଡ଼ିଏସ କାର୍ଯ୍ୟାଳୟରୁ ।
କପ୍ତିପଦା ଶିଶୁ ବିକାଶ ଯୋଜନା କାର୍ଯ୍ୟାଳୟ ସାମ୍ନା ରାସ୍ତାରେ ପାଣି ବୋହିଯାଇଥିବା ସ୍ଥାନରେ ପଡି ରହିଥିଲା ଆବେଦନପତ୍ର । ପିଙ୍ଗୁ ବାନ୍ଦ୍ରବଣି ଅଙ୍ଗନବାଡିରେ ହେଲ୍ପର ପଦବୀ ନିମନ୍ତେ ପିଙ୍ଗୁ ଗ୍ରାମର ସୁଶ୍ରୀ ସଙ୍ଗୀତା ବିଶ୍ୱାଳ ଆବେଦନ କରିଥିଲେ । ଆବେଦନ ଫର୍ମ ସହିତ ସମସ୍ତ ଶିକ୍ଷାଗତ ଯୋଗ୍ୟତା ଏବଂ ଅନ୍ୟ ଦସ୍ତାବିଜ ଲଗାଇ ସେ ଆବେଦନପତ୍ରକୁ କପ୍ତିପଦା ଆଇସିଡ଼ିଏସରେ ଦେଇଥିଲେ । ଯାହାକି ୩ ଦିନ ପୂର୍ବରୁ ଆବେଦନକାରୀଙ୍କ ଭେରିଫିକେସନ ହେବା କଥା, ହେଲେ ହୋଇପାରିନାହିଁ । କିନ୍ତୁ କାର୍ଯ୍ୟାଳୟ ସାମ୍ନା ରାସ୍ତାରେ ତାଙ୍କ ସ୍ତ୍ରୀଙ୍କ ଆବେଦନ ପତ୍ର ପଡ଼ିଥିବା ସଙ୍ଗୀତାଙ୍କ ସ୍ୱାମୀଙ୍କୁ ଫୋନ କରି ଜଣାଇଥିଲେ ଜଣେ ବ୍ୟକ୍ତି । ଖବର ପାଇ ତାଙ୍କ ସ୍ୱାମୀ ଘଟଣାସ୍ଥଳରେ ପହଞ୍ଚି ସଙ୍ଗୀତାଙ୍କ ଆବେଦନପତ୍ର ରାସ୍ତାରେ ଫୋପାଡ଼ି ଦିଆଯାଇଥିବା ଏବଂ ତାହାକୁ ଜଣେ ଯୁବକ ପାଇ ରଖିଥିବା ଜାଣିବାକୁ ପାଇଥିଲେ । ଘଟଣା ବାବଦରେ ସିଡ଼ିପିଓଙ୍କୁ ପଚାରିବାରୁ ଅତି ବେପରୁଆ ଭାବେ ସେ ଉତ୍ତର ରଖି କହିଛନ୍ତି, ଯଦି ସେମିତି ହୋଇଛି ତା ହେଲେ ଉପଜିଲ୍ଲାପାଳଙ୍କ ସହିତ କଥା ହୋଇ ଯାହା କରିବେ ବୋଲି କହିଛନ୍ତି। ହେଲେ ନିଜେ କିମ୍ବା କର୍ମଚାରୀଙ୍କ ଦାୟିତ୍ୱହୀନତାକୁ ସେ ଉତ୍ତରଦାୟୀ କରି ନାହାନ୍ତି । ସେପଟେ ଆବେଦନକାରୀଙ୍କ ସ୍ୱାମୀ ଏହା ପଛର କାରଣକୁ ନେଇ ପ୍ରଶ୍ନ ଉଠାଇବା ସହିତ ଘଟଣାକୁ ନେଇ ମର୍ମାହତ ହୋଇଛନ୍ତି ।
You Can Read:
ମହିଳାଙ୍କୁ ପ୍ରେମ ନିବେଦନ କରି ଅନୈତିକ ସମ୍ପର୍କ ରଖିବାକୁ ପ୍ରବର୍ତ୍ତାଉଥିଲେ, ଚାକିରିରୁ ସସ୍ପେଣ୍ଡ ହେଲେ ହାବିଲଦାର
