ନୂଆଦିଲ୍ଲୀ : ପଶ୍ଚିମବଙ୍ଗରେ ଭୋଟର ତାଲିକାରେ ନାମ ସାମିଲ କରିବା ଦାୟିତ୍ୱ ଠିକ୍ରେ ତୁଲାଇ ନଥିବାରୁ ଅନେକ ଅଧିକାରୀଙ୍କୁ ନିଲମ୍ୱିତ କରି ଦିଆ ଯାଇଛି। ଏହାସହ , ତାଙ୍କ ବିରୋଧରେ ମାମଲା ରୁଜୁ କରିବାକୁ ମଧ୍ୟ ନିର୍ଦ୍ଦେଶ ଦିଆଯାଇଛି। ରାଜ୍ୟର ମୁଖ୍ୟ ନିର୍ବାଚନ ଅଧିକାରୀଙ୍କୁ ୨୯ଜୁଲାଇରେ ଏକ ରିପୋର୍ଟ ପ୍ରଦାନ କରାଯାଇଛି। ଏଥିରେ ଖୁଲାସା ହୋଇଛି ଯେ, ଦକ୍ଷିଣ ୨୪ ପରଗନାର ବରୁଇପୁର ପୂର୍ବ ଓ ପୂର୍ବ ମେଦିନିପୁରର ମୋଇନାରେ ଭୋଟର ତାଲିକାରେ ଭୁଲ୍ ଉପାୟରେ ନାମ ଯୋଡ଼ା ଯାଇଛି। ନିର୍ବାଚନ ପଞ୍ଜୀକରଣ ଅଧିକାରୀମାନେ ଓ ସହାୟର ନିର୍ବାଚନ ପଞ୍ଜୀକରଣ ଅଧିକାରୀମାନେ କେବଳ ନିଜର କାମ ଠିକ୍ରେ କରୁ ନାହାନ୍ତି, ବରଂ ଡାଟା ସିକ୍ୟୁରିଟି ପଲିସିର ଉଲ୍ଲଙ୍ଘନ କରି ଲଗିନ୍ ଆଇଡି ମଧ୍ୟ ସେୟାର କରିଥିଲେ।
ଭାରତୀୟ ନିର୍ବାଚନ କମିଶନ ଏହି ମାମଲାକୁ ଗୁରୁତର ସହ ନେଇଛନ୍ତି ଏବଂ ପ୍ରତିନିଧି ଜନତା ଅଧିନିୟମ , ୧୯୫୦ର ଧାରା ୧୩ (ବି) ଓ ୧୩ (ସିସି) ଅନୁସାରେ କାର୍ଯ୍ୟାନୁଷ୍ଠାନର ନିର୍ଦ୍ଦେଶ ଦେଇଛନ୍ତି। ଦେବୋତ୍ତମ ଦତ୍ତ ଚୌଧୁରୀ , ତଥାଗତ ମଣ୍ଡଳ , ବିପ୍ଲବ ସରକାର ଓ ସୁଦିପ୍ତ ଦାସଙ୍କୁ ଦୋଷୀ କରାଯାଇଛି। କମିଶନ ଏହି ଅଧିକାରୀଙ୍କୁ ତତ୍କାଳ ପ୍ରଭାବରେ ନିଲମ୍ୱିତ କରିବାକୁ ନିର୍ଦ୍ଦେଶ ଦେଇଛନ୍ତି। ଏହା ବିରୋଧରେ ଅନୁଶାସନାତ୍ମକ କାର୍ଯ୍ୟାନୁଷ୍ଠାନ ଆରମ୍ଭ କରିବା ଏବଂ ଫୌଜଦାରୀ ଅପରାଧ ପାଇଁ ଏଫଆଇଆର ରୁଜୁ କରିବାକୁ ନିର୍ଦ୍ଦେଶ ମଧ୍ୟ ଦିଆଯାଇଛି।
ନିର୍ବାଚନ କମିଶନ ଡାଟା ଏଣ୍ଟ୍ରି ଅପରେଟର ସୁରୋଜିତ ହଲଦରଙ୍କ ବିରୋଧରେ ମଧ୍ୟ ଏଫଆଇଆର ରୁଜୁ କରିବାକୁ ନିର୍ଦ୍ଦେଶ ଦେଇଛନ୍ତି। ଏହି କାର୍ଯ୍ୟାନୁଷ୍ଠାନ ଭୋଟର ତାଲିକାର ପ୍ରସ୍ତୁତି ଓ ସଂଶୋଧନରେ ଅବହେଳା ଓ ଡାଟା ସୁରକ୍ଷା ଉଲ୍ଲଙ୍ଘନର ଗମ୍ଭୀର ଅଭିଯୋଗ ପାଇଁ ନିଆଯାଇଛି। ଇସିଆଇ ଏହି ନିର୍ଦ୍ଦେଶର କଡ଼ାକଡ଼ା ଭାବେ ପାଳନ ସୁନିଶ୍ଚିତ କରିବା ଓ ଖୁବ୍ ଶୀଘ୍ର ରିପୋର୍ଟ ପଠାଇବାର ଆଦେଶ ଦେଇଛନ୍ତି। ଏହାକୁ ନେଇ କୁହାଯାଇଛି ଯେ, ଏହି ପଦକ୍ଷେପ ସ୍ୱଚ୍ଛ ଓ ନିରପେକ୍ଷ ନିର୍ବାଚନ ପ୍ରକ୍ରିୟା ସୁନିଶ୍ଚିତ କରିବା ପାଇଁ ନିଆଯାଇଛି।
