ଗୁଜରାଟ ୨୦/୦୮: ଗୁଜରାଟ ଅହମ୍ମଦାବାଦରେ ଦଶମ ଶ୍ରେଣୀ ଛାତ୍ରକୁ ଛୁରି ଭୁସି ହତ୍ୟା । ଦଶମ ଶ୍ରେଣୀ ଛାତ୍ରକୁ ଛୁରି ଭୁସି ହତ୍ୟା କଲା ଅଷ୍ଟମ ଶ୍ରେଣୀ ଛାତ୍ର । ଘରୋଇ ସ୍କୁଲରେ ଏଭଳି ଅଭାବନୀୟ ଘଟଣା ପରେ ତୁମୁଳକାଣ୍ଡ । ଯେଉଁଠାରେ ଆଜି ତାଙ୍କର ମୃତ୍ୟୁ ହୋଇଛି। ପରେ ସ୍କୁଲ୍ରେ ଉତ୍ୟକ୍ତ ଲୋକଙ୍କ ଭଙ୍ଗାରୁଜା, ବସ୍ ଉପରକୁ ଟେକାମାଡ଼ । ସ୍କୁଲ୍ ଭିତରକୁ ଧସେଇ ପଶିଲେ ଅଭିଭାବକ ଓ ସ୍ଥାନୀୟ ଲୋକେ । ସ୍କୁଲ୍ କର୍ମଚାରୀଙ୍କୁ ମାଡ଼, ସ୍ଥିତି ନିୟନ୍ତ୍ରଣ ପାଇଁ ପୋଲିସର ଲାଠିଚାର୍ଜ ।
ଘଟଣାଟି ଅହମ୍ମଦାବାଦର ଖୋଖରାରେ ଅବସ୍ଥିତ ଏକ ଘରୋଇ ସ୍କୁଲରେ ଘଟିଛି । ଏଠାରେ, ମଙ୍ଗଳବାର ଦିନ ଦଶମ ଶ୍ରେଣୀର ୧୫ ବର୍ଷୀୟ ଛାତ୍ର ନୟନଙ୍କୁ ୯ମ ଶ୍ରେଣୀର ଜଣେ ଛାତ୍ର ଛୁରୀରେ ଆକ୍ରମଣ କରିଥିଲେ । ନୟନଙ୍କୁ ଗୁରୁତର ଅବସ୍ଥାରେ ଚିକିତ୍ସା ପାଇଁ ଡାକ୍ତରଖାନାକୁ ନିଆଯାଇଥିଲା। ସେଠାରେ ତାଙ୍କର ମୃତ୍ୟୁ ହୋଇଛି ।
ମୃତ ଛାତ୍ର ସିନ୍ଧି ସମ୍ପ୍ରଦାୟର ହୋଇଥିବା ବେଳେ ଅଭିଯୁକ୍ତ ଛାତ୍ର ମୁସଲମାନ । ଯାହା ଯୋଗୁଁ ସାମ୍ପ୍ରଦାୟିକ ଉତ୍ତେଜନା ବ୍ୟାପିଛି । ବୁଧବାର ଉତ୍ତ୍ୟକ୍ତ ଜନତା ସ୍କୁଲରେ ଭଙ୍ଗାରୁଜା କରିଥିଲେ। ସ୍କୁଲ ସମ୍ପତ୍ତି ନଷ୍ଟ କରାଯାଇଥିଲା, ବସ୍ ଉପରେ ମଧ୍ୟ ପଥର ମାଡ଼ କରାଯାଇଥିଲା।
ସକାଳଠାରୁ ସିନ୍ଧି ସମ୍ପ୍ରଦାୟର ଲୋକମାନେ ବହୁ ସଂଖ୍ୟାରେ ସ୍କୁଲରେ ପହଞ୍ଚିଥିଲେ । ଛାତ୍ରଙ୍କ ମୃତ୍ୟୁରେ କ୍ରୋଧିତ ଅଭିଭାବକ, ହିନ୍ଦୁ ସଂଗଠନ ଏବଂ ABVP କର୍ମୀମାନେ ସ୍କୁଲରେ ଭଙ୍ଗାରୁଜା କରିଛନ୍ତି । ଏହା ସହିତ, ସ୍କୁଲ କର୍ମଚାରୀମାନଙ୍କୁ ମଧ୍ୟ ମାଡ଼ ମାରିଛନ୍ତି ।
ସୁରକ୍ଷା ଦୃଷ୍ଟିରୁ ସ୍କୁଲରେ ପୋଲିସ ଫୋର୍ସ ମୁତୟନ କରାଯାଇଛି। ନୟନଙ୍କୁ ଆକ୍ରମଣ କରିଥିବା ନବମ ଶ୍ରେଣୀ ଛାତ୍ରକୁ ପୋଲିସ ଅଟକ ରଖିଛି। ପୋଲିସ ଜୁଭେନାଇଲ୍ ଆଇନ ଅନୁଯାୟୀ କାର୍ଯ୍ୟାନୁଷ୍ଠାନ ନେଉଛି । ଅଭିଯୁକ୍ତ ଛାତ୍ର ବ୍ୟତୀତ ଅଭିଭାବକମାନେ ସ୍କୁଲର ପ୍ରଧାନଶିକ୍ଷକ ଏବଂ ପରିଚାଳନା ବିରୋଧରେ ଅଭିଯୋଗ ଦାୟର କରିବାକୁ ଦାବି କରିଛନ୍ତି।
