ମୁମ୍ୱାଇ : ବିବେକ ଅଗ୍ନିହୋତ୍ରୀଙ୍କ ଅପକମିଂ ଫିଲ୍ମ ‘ ବେଙ୍ଗଲ ଫାଇଲ୍ସ’ର ଟ୍ରେଲରରେ ଜଣେ ପିଲା ନାଁ ତୈମୂର ଥିବା ଦେଖିବାକୁ ମିଳିଛି। ଲୋକେ ଅନୁମାନ କରୁଛନ୍ତି ଯେ, ଫିଲ୍ମରେ ସୈଫ୍ ଓ କରିନାଙ୍କ ପୁଅଙ୍କ ଆଡ଼କୁ ଇଙ୍ଗିତ କରାଯାଇଛି। ଏକ ଇଣ୍ଟରଭ୍ୟୁରେ ବିବେକ ଅଗ୍ନିହୋତ୍ରୀ ଏହା ଉପରେ ମନ୍ତବ୍ୟ ଦେଇଛନ୍ତି। କହିଛନ୍ତି – କାହିଁକି , ଆଉ କିଏ ନିଜ ପିଲାର ନାଁ ତୈମୂର ରଖିବା ଉଚିତ୍ ନୁହେଁ।
ବିବେକ ଅଗ୍ନିହୋତ୍ରୀ ଆରଜେ ରୋନକଙ୍କ ଶୋ’ରେ ବସି ଥିଲେ। ତାଙ୍କୁ ସେତେବେଳେ ପଚରା ଯାଇଥିଲା ଯେ, ଫିଲ୍ମର ଟ୍ରେଲରରେ ତୈମୂରଙ୍କ ରେଫରେନ୍ସ ଦିଆ ଯାଇଛି। ଏହା କଣ ସୈଫ ଓ କରିନାଙ୍କ ପୁଅଙ୍କ ଆଡ଼କୁ ଇସାରା କି? ଏହା ଉପରେ ବିବେକ ଜବାବ ଦେଇଛନ୍ତି, ବହୁତ ଲୋକଙ୍କ ପିଲାର ନାଁ ତୈମୂର। ସୈଫ ପ୍ରଥମ ବ୍ୟକ୍ତି ନୁହଁନ୍ତି ଯିଏକି ନିଜ ପୁଅର ନାଁ ତୈମୂର ରଖିଛନ୍ତି। ମୁଁ ଯେତେବେଳେ ‘ ତାସକେଣ୍ଟ ଫାଇଲ୍ସ’ ର ଶୁଟିଂ ସମରକନ୍ଦରେ କରୁଥିଲି, ତ ମୁଁ ତୈମୂରଙ୍କ ସମାଧି ନିକଟକୁ ଯାଇଥିଲି। ଏହାର ବାହାରେ ଲେଖା ଥିଲା , ସେ ଦୁନିଆର ସବୁଠୁ ଧନୀ ସୁଲତାନଙ୍କ ଉପରେ ବିଜୟ ହାସଲ କରିଥିଲେ। ସେ ଦିଲ୍ଲୀର ସଲତନ ଥିଲେ। ସେହି ଲୋକମାନେ ତାଙ୍କୁ ସୁଲତାନ ଉପାଧି ଦେବାକୁ ଚାହୁଁ ଥିଲେ , କିନ୍ତୁ ତୈମୂର ମନା କରି ଦେଇ ଥିଲେ ଏବଂ କହି ଥିଲେ, ସେ ଯେପର୍ଯ୍ୟନ୍ତ ଦିଲ୍ଲୀକୁ ଜିତିବେ ନାହିଁ ଏହି ଉପାଧି ଗ୍ରହଣ କରିବେ ନାହିଁ।
ବିବେକ ଆହୁରି କହିଛନ୍ତି , ସେ ଗୋଟିଏ ରାତିରେ ଲକ୍ଷେ ଲୋକଙ୍କୁ ହତ୍ୟା କରି ଦେଇ ଥିଲେ। ସେ ଦିଲ୍ଲୀରୁ କାଶ୍ମୀର ଯାଏ ମୃତଦେହ ବିଛାଇ ଦେଇ ଥିଲେ। ସେ ଦୁଷ୍କର୍ମ ଓ ଲୁଟପାତ୍ କରି ଚାଲି ଥିଲେ। ସେ ନିଜ ଦେଶରେ ହିରୋ ,ଜଣେ ମହାନ ବ୍ୟକ୍ତି , କିନ୍ତୁ ଆମ ପାଇଁ ନୁହେଁ । କହିବା କଥା ହେଲା କୌଣସି ବ୍ୟକ୍ତିଙ୍କୁ ନିଜ ପିଲାର ନାଁ ତୈମୂର ରଖିବା ଉଚିତ୍ ନୁହେଁ। ପ୍ରଶ୍ନ ହିଁ ଉଠୁ ନାହିଁ।
