ନୂଆଦିଲ୍ଲୀ – ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଚଳିତ ବର୍ଷର ଶେଷରେ, କ୍ୱାଡ ଶିଖର ସମ୍ମିଳନୀ ପାଇଁ ଭାରତ ଆସିବାର ଏବେ କୌଣସି ଯୋଜନା ନାହିଁ। ଦ ନ୍ୟୁୟର୍କ ଟାଇମ୍ସ ଶନିବାର ଏହି କଥା କହିଛି, ଯେଉଁଥିରେ ବିସ୍ତୃତ ଭାବେ କୁହାଯାଇଛି ଯେ, ଗତ କିଛି ମାସ ମଧ୍ୟରେ ଟ୍ରମ୍ପ ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମଧ୍ୟରେ କେମିତି ସଂପର୍କ ବିଗିଡ଼ି ଯାଇଛି।
ଦ ନୋବେଲ ପ୍ରାଇଜ୍ ଆଣ୍ଡ ଏ ଟେଷ୍ଟି ଫୋନ୍ କଲ୍ : ହାଓ ଦ ଟ୍ରମ୍ପ-ମୋଦି ରିଲେସନସିପ୍ ଅନରେଭେଲ୍ଡ ନାମକ ରିପୋର୍ଟରେ , ଟ୍ରମ୍ପଙ୍କ କାର୍ଯ୍ୟକ୍ରମ ସହ ପରିଚିତ ଲୋକଙ୍କ ଉଲ୍ଲେଖ କରି NYT ଦର୍ଶାଇଛି – ସେ ଚଳିତ ବର୍ଷର ଶେଷରେ କ୍ୱାଡ ଶିଖର ସମ୍ମିଳନୀ ପାଇଁ ଭାରତ ଯାତ୍ରା କରିବେ, ମିଷ୍ଟର ମୋଦିଙ୍କୁ ଏହା କହିବା ପରେ ବି , ମିଷ୍ଟର ଟ୍ରମ୍ପଙ୍କର ଏବେ ଯାତ୍ରା ନେଇ କୌଣସି ଯୋଜନା ନାହିଁ।
ଉକ୍ତ ରିପୋର୍ଟରେ ସରକାରଙ୍କ ପକ୍ଷରୁ କୌଣସି ଅଫିସିଆଲି ଟିପ୍ପଣୀ କରାଯାଇ ନାହିଁ।
ଭାରତ ଚଳିତ ବର୍ଷର ଶେଷରେ କ୍ୱାଡ ଶିଖର ସମ୍ମିଳନୀର ଆୟୋଜନ କରିବାକୁ ଯାଉଛି। ଏହା ପୂର୍ବରୁ ଜାନୁୟାରୀରେ, ଟ୍ରମ୍ପ ପ୍ରଶାସନ କ୍ୱାଡ୍ ବିଦେଶ ମନ୍ତ୍ରୀଙ୍କ ବୈଠକର ଆୟୋଜନ କରିଥିଲା, ଯାହା ଟ୍ରମ୍ପଙ୍କ ଦ୍ୱିତୀୟ କାର୍ଯ୍ୟକାଳ ପାଇଁ ଶପଥ ନେବାର ଗୋଟିଏ ଦିନ ପରେ ହୋଇଥିଲା।
ଆର୍ଟିକଲରେ, ସମ୍ୱନ୍ଧରେ ଆସିଥିବା ବିବାଦକୁ ଟ୍ରମ୍ପଙ୍କ ବାରମ୍ୱାର ସେହି ଦାବି ସହ ଯୋଡ଼ା ଯାଇଛି , ଯେଉଁଥିରେ ସେ କହୁଥିଲେ ଯେ,ସେ ମେ ମାସରେ ଭାରତ ଓ ପାକିସ୍ତାନ ମଧ୍ୟରେ ୪ଦିନ ଯାଏ ଚାଲିଥିବା ସଂଘର୍ଷକୁ ସମାଧାନ କରି ଦେଇଛନ୍ତି - ହେଲେ ନୂଆଦିଲ୍ଲୀ ଏହିସବୁ ଦାବିକୁ ଖଣ୍ଡନ କରିଛି।
ଏଥିରେ କୁହାଯାଇଛି ,ରାଷ୍ଟ୍ରପତି ଟ୍ରମ୍ପଙ୍କ ଦ୍ୱାରା ଭାରତ-ପାକିସ୍ତାନ ଯୁଦ୍ଧକୁ ସମାଧାନ କରିବାର ବାରମ୍ୱାର କରାଯାଇ ଥିବା ଦାବିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଅସନ୍ତୁଷ୍ଟ ହୋଇଥିଲେ ଏବଂ ଏହା ତ କେବଳ ଆରମ୍ଭ ଥିଲା। ଏଥିରେ ଆହୁରି କୁହାଯାଇଛି ଯେ,ପ୍ରଧାନମନ୍ତ୍ରୀ ମୋଦି ଟ୍ରମ୍ପଙ୍କ ପ୍ରତି ଧୈର୍ଯ୍ୟ ହରାଉଛନ୍ତି।
୧୭ ଜୁନରେ , ପିଏମ୍ ମୋଦି ଓ ଟ୍ରମ୍ପଙ୍କ ମଧ୍ୟରେ ୩୫ ମିନିଟ୍ ଧରି କଥାବାର୍ତ୍ତା ହୋଇଥିଲା, ଯେବେ ଟ୍ରମ୍ପ କାନାଡରେ ଜି-୭ ଶିଖର ସମ୍ମିଳନୀରୁ ୱାଶିଂଟନ ଫେରୁଥିଲେ, ଯେଉଁଥିରେ ପିଏମ ମୋଦି ମଧ୍ୟ ସାମିଲ ହୋଇ ଥିଲେ।
ଉଭୟଙ୍କ ମଧ୍ୟରେ କନାନାସ୍କିସ୍ ରେ ଶିଖର ସମ୍ମିଳନୀ ବେଳେ ସାକ୍ଷାତ୍ ହେବାର ଥିଲା, କିନ୍ତୁ ଶୀଘ୍ର ପ୍ରସ୍ଥାନ କରି ଥିଲେ, ଯେଉଁଥି ପାଇଁ ପ୍ରଧାନମନ୍ତ୍ରୀ ମୋଦି ତାଙ୍କର ଯିବା ପୂର୍ବରୁ ତାଙ୍କ ସହ ଫୋନ୍ରେ କଥା ହୋଇ ଥିଲେ। ଏହି କଲ୍ରେ ଟ୍ରମ୍ପ ପିଏମ୍ ମୋଦିଙ୍କୁ ୱାଶିଂଟନରେ ରହିବା ପାଇଁ ନିମନ୍ତ୍ରଣ କରିଥିଲେ , କିନ୍ତୁ ତାଙ୍କର ଅନୁରୋଧକୁ ସ୍ୱୀକାର କରାନଯାଇ , ପିଏମ ମୋଦିଙ୍କ କ୍ରୋଏସିଆ ଯାତ୍ରାକୁ ନିର୍ଦ୍ଧାରିତ କରାଯାଇ ଥିଲା।
