କୁମାର ସାନୁଙ୍କ ୫୦ କୋଟି ଟଙ୍କାର ମାନହାନି ମାମଲାରେ ମୁହଁ ଖୋଲିଲେ ପୂର୍ବତନ ପତ୍ନୀ, କହିଲେ- 'ହାତ ଯୋଡ଼ି ଅନୁରୋଧ କରୁଛି..

ମୁମ୍ବାଇ ୨୨।୧୨; ବଲିଉଡ୍‌ର ଜଣାଶୁଣା କୁମାର ସାନୁ ବର୍ତ୍ତମାନ ତାଙ୍କ ପର୍ସନାଲ ଲାଇଫ୍‌କୁ ନେଇ ଚର୍ଚ୍ଚାରେ ଅଛନ୍ତି। ସେ ତାଙ୍କ ପୂର୍ବ ପତ୍ନୀ ରୀତା ଭଟ୍ଟାଚାର୍ଯ୍ୟଙ୍କ ବିରୁଦ୍ଧରେ ୫୦ କୋଟି ଟଙ୍କାର ମାନହାନି ମାମଲା ଦାୟର କରିଥିଲେ। ସେପ୍ଟେମ୍ବର ୨୦୨୫ରେ ରୀତାଙ୍କ ସାକ୍ଷାତକାର ପରେ ଏହି ନିଷ୍ପତ୍ତି ନିଆଯାଇଛି। ଏବେ, ଗାୟକଙ୍କ ମାମଲା ଏବଂ ୫୦ କୋଟି ଟଙ୍କା କ୍ଷତିପୂରଣ ଦାବି ଉପରେ ରୀତାଙ୍କ ପ୍ରତିକ୍ରିୟା ପ୍ରକାଶ ପାଇଛି।

କୁମାର ସାନୁଙ୍କ ପୂର୍ବତନ ପତ୍ନୀ ମାନହାନି ମାମଲା ବିଷୟରେ କ’ଣ କହିଥିଲେ?

ରୀତା ଭଟ୍ଟାଚାର୍ଯ୍ୟ ଏକ ସାକ୍ଷାତକାରରେ ତାଙ୍କ ବିରୁଦ୍ଧରେ ମାନହାନି ମାମଲା ବିଷୟରେ ଖୋଲାଖୋଲି କହିଥିଲେ। ସେ କହିଥିଲେ ଯେ ଗାୟକଙ୍କ ଏତେ ବଡ଼ ପରିମାଣର ଦାବି ତାଙ୍କୁ ଆଶ୍ଚର୍ଯ୍ୟ କରିଛି। ନିଜର ଅସନ୍ତୋଷ ପ୍ରକାଶ କରି ରୀତା କହିଛନ୍ତି, "ସେ ମୋତେ ପଠାଇଥିବା ନୋଟିସରେ, ସେ ୫୦ କୋଟି ଟଙ୍କା ଦାବି କରୁଛନ୍ତି। ମୁଁ ଜାଣିନାହିଁ ଯେ ସାନୁ କିପରି ଭାବିପାରିବେ ଯେ ମୋ ପାଖରେ ଏତେ ଟଙ୍କା ଅଛି।" "ଏହା ବହୁତ ଦୁଃଖଦ ଏବଂ ଆଶ୍ଚର୍ଯ୍ୟ। ସେ ତାଙ୍କ ପୁଅଙ୍କ ମାଆ ବିରୁଦ୍ଧରେ ମାମଲା ଦାୟର କରୁଛନ୍ତି।" ରୀତା ଆହୁରି କରିଛନ୍ତି ଯେ ସେ ବର୍ଷ ବର୍ଷ ଧରି ଗାୟକଙ୍କ ସହ କଥା ହୋଇନାହାଁନ୍ତି।

ସେ କହିଛନ୍ତି, "ମୁଁ କିମ୍ଵା ମୋ ପିଲାମାନେ ତାଙ୍କ ସହ କଥା ହେବାର ସୁଯୋଗ ପାଇଲୁ ନାହିଁ । କାରଣ ସେ ସବୁବେଳେ ଆମକୁ ବ୍ଲକ୍ କରି ରଖିଥିଲେ । ମୁଁ ସାନୁଙ୍କୁ ଫୋନ୍ କରିବାକୁ ଚେଷ୍ଟା କଲି, କିନ୍ତୁ ସେ କେବେ ଆମ ଫୋନ୍ ଉଠାନ୍ତି ନାହିଁ । ମୁଁ ତାଙ୍କ ସେକ୍ରେଟେରିଙ୍କ ସହିତ ଯୋଗାଯୋଗ କରି ତାଙ୍କୁ ଏସବୁ ବନ୍ଦ କରିବାକୁ ଅନୁରୋଧ କଲି। ଏହା ବଡ଼ ଅପମାନ। ମୋ ପୁଅର ବିବାହ ହେବ, ଏବଂ ତା’ ଶ୍ୱଶୁର ଘର ଲୋକ ଅନେକ ପ୍ରଶ୍ନ ପଚାରୁଛନ୍ତି। ବହୁତ ରିକ୍ଵେଷ୍ଟ କଲି। ମୋ ଫୋନରେ ସମସ୍ତ ମେସେଜ୍ ଏବଂ ରେକର୍ଡିଂ ଅଛି।"

୩୧ ବର୍ଷ ପରେ କୋର୍ଟ ଦ୍ଵାରସ୍ଥ ହେଲେ କୁମାର ସାନୁଙ୍କ ପୂର୍ବ ପତ୍ନୀ

ରୀତା ଭଟ୍ଟାଚାର୍ଯ୍ୟ ଆହୁରି କରିଛନ୍ତି ଯେ ୬୩ ବର୍ଷ ବୟସରେ, ସେ କୁମାର ସାନୁଙ୍କ ଯୋଗୁଁ ପୁଣି ଥରେ କୋର୍ଟର ସମ୍ମୁଖୀନ ହେବେ। ପୂର୍ବରୁ, ସେ ଗାୟକଙ୍କ ଠାରୁ ଛାଡପତ୍ର ପାଇଁ ଆବେଦନ କରିଥିଲେ। ସେତେବେଳେ, ତାଙ୍କ ପେଟରେ ପୁଅ ଜାନ କୁମାର ସାନୁ ଥିଲେ। ଏହି ଘଟଣା ୩୧ ବର୍ଷ ପୂର୍ବେ ଘଟିଥିଲା। ଏବେ ମୋ ପିଲାମାନେ ପିଲା ନାହାନ୍ତି। ସେମାନେ ବଡ ହୋଇସାରିଲେଣି । ମୁଁ ତାଙ୍କୁ ହାତ ଯୋଡି ଅନୁରୋଧ କରିବି ଯେ ସେ କେବଳ ଜଣେ ଭଲ ବ୍ୟକ୍ତି ହେବାକୁ ଏବଂ ମୋର ତିନି ପିଲାଙ୍କ ବାପା ହେବାକୁ ଚେଷ୍ଟା କରନ୍ତୁ।" ଯଦି ତୁମେ ଆମକୁ ଭଲ ପାଇ ପାରୁନ, ତେବେ ଆମକୁ ହଇରାଣ କରନାହିଁ ।