'ଶେଷରେ ହାତରେ ଟ୍ରଫି ଧରିଲୁ' : ଏସିଆ କପ୍ ବିବାଦକୁ ନେଇ ଏମିତି କହିଲେ ସୂର୍ଯ୍ୟ

ନୂଆଦିଲ୍ଲୀ, ୦୯|୧୧  : ଏସିଆ କପ୍ ଟ୍ରଫି ବିବାଦ ମଧ୍ୟରେ ପ୍ରତିକ୍ରିୟା ରଖିଛନ୍ତି ଭାରତୀୟ ଟି୨୦ ଦଳର ଅଧିନାୟକ ସୂର୍ଯ୍ୟ କୁମାର ଯାଦବ । ଅଷ୍ଟ୍ରେଲିଆକୁ ୨-୧ରେ ପରାସ୍ତ କରିବା ପରେ ତାଙ୍କୁ ସାମ୍ନାଦିକ ସମ୍ମିଳନୀରେ ଟ୍ରଫି ବାବଦରେ ପ୍ରଶ୍ନ କରାଯାଇଥିଲା । ତେବେ ଶେଷରେ ଏକ ଟ୍ରଫିକୁ ଛୁଇଁବାର ସୁଯୋଗ ମିଳିଲା ବୋଲି ସେ କହିଛନ୍ତି ।

ସୂଚନାନୁସାରେ, ଭାରତ ଓ ଅଷ୍ଟ୍ରେଲିଆ ମଧ୍ୟରେ ୫ ମ୍ୟାଚ୍ ବିଶିଷ୍ଟ ଟି୨୦ ସିରିଜ୍ ଖେଳାଯାଇଥିଲା । ତେବେ ପ୍ରଥମ ଏବଂ ପଞ୍ଚମ ମ୍ୟାଚ୍ ବର୍ଷା ପାଇଁ ବାତିଲ ହୋଇଥିଲା । ଭାରତ ଏଥିରେ ୨-୧ରେ ଆଗୁଆ ରହି ସିରିଜ୍ ଜିତି ନେଇଥିଲା । ମ୍ୟାଚ୍ ଶେଷ ହେଲା ପରେ ଅଧିନାୟକ ସୂର୍ଯ୍ୟ ସାମ୍ବାଦିକଙ୍କ ପ୍ରଶ୍ନର ଜବାବ ରଖିଥିଲେ । ତାଙ୍କୁ ଭାରତ ଏବଂ ପାକିସ୍ତାନ ମଧ୍ୟରେ ଚାଲିଥିବା ଟ୍ରଫି ବିବାଦ ବାବଦରେ ପ୍ରଶ୍ନ କରାଯାଇଥିଲା ।

ପ୍ରଶ୍ନର ଜବାବ ଦେଇ ସୂର୍ଯ୍ୟ କହିଥିଲେ ଯେ ସିରିଜ୍ ଜିତିବା ପରେ ଶେଷରେ ଗୋଟିଏ ଟ୍ରଫିକୁ ସ୍ପର୍ଶ କରିବା ପାଇଁ ସୁଯୋଗ ମିଳିଛି । ଯାହା ଖୁବ୍ ଆନନ୍ଦ ପ୍ରଦାନ କରିଛି । କିଛି ଦିନ ପୂର୍ବରୁ ଭାରତ ଆଉ ଏକ ଟ୍ରଫି ଜିତିଥିଲା । ମହିଳା ଟିମ୍ ବିଶ୍ବକପ୍ ଚାମ୍ପିଅନ୍ ହୋଇଥିଲେ । ଆଉ କିଛି ଦିନ ପରେ ଏସିଆ କପ୍ ଟ୍ରଫି ମଧ୍ୟ ଭାରତକୁ ଆସିଯିବ ବୋଲି ସେ କହିଥିଲେ ।

ସୂଚନାଯୋଗ୍ୟ, ଏସିଆ କପ୍ ଚାମ୍ପିଅନ୍ ହେଲା ପରେ ଭାରତ ଟ୍ରଫି ଗ୍ରହଣ କରିନଥିଲା । ପିସିବି ମୁଖ୍ୟ ମୋହସିନ୍ ନକଭିଙ୍କ ହାତରୁ ଟ୍ରଫି ନେବାକୁ ଟିମ୍ ଇଣ୍ଡିଆ ମନା କରିଦେଇଥିଲା । ଭାରତ ବିରୋଧୀ ମନୋଭାବର ଜବାବ ଦେଇଥିଲେ ଖେଳାଳି । ଏପରିକି ଟିମ୍ ଇଣ୍ଡିଆ ଟ୍ରଫି ନନେବାରୁ ସେ ତାକୁ ଧରି କେଉଁ ଆଡେ ଚାଲିଯାଇଥିଲେ ।

ଏଶବୁ ପରେ ବିସିସିଆଇ ଆଇସିସି ନିକଟରେ ଅଭିଯୋଗ କରିଥିଲା । କେଉଁ ଅଧିକାରୀରେ ନକଭି ଟ୍ରଫି ନେଇଗଲେ ବୋଲି ପ୍ରଶ୍ନ ପଚାରିଥିଲା । ଯାହାର ପଇସଲା ଆଇସିସି କରିବ । ଦୁବାଇରେ ଏ ବିବାଦର ସମାଧାନ ପାଇଁ ନିରନ୍ତର ପ୍ରୟାସ ମଧ୍ୟ ଜାରି ରହିଛି ।