ମଞ୍ଜୁର ହୋଇଥିଲା ୧ ଲକ୍ଷ ୩୪୪ ହଜାର ଘର, ସମ୍ପୂର୍ଣ୍ଣ ହୋଇଛି ୪ ହଜାର ୧୪୪ ଘର

ଭୁବନେଶ୍ବର ୧୧।୧୨: ମଞ୍ଜୁର ହୋଇ ଘର ସମ୍ପୂର୍ଣ୍ଣ ହେଉନଥିବା ନେଇ ପ୍ରତିକ୍ରିୟା ରଖିଛନ୍ତି ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାୟକ । ୨୦୨୫-୨୬ରେ ୧ ଲକ୍ଷ ୩୪୪ ହଜାର ଘର ମଞ୍ଜୁର ହୋଇଥିବା ବେଳେ ସମ୍ପୂର୍ଣ୍ଣ ହୋଇଛି ୪ ହଜାର ୧୪୪ ଘର ବିଧାନସଭାରେ ଲିଖିତ ଉତ୍ତର ରଖିଥିଲେ ମନ୍ତ୍ରୀ । ୨୦୨୫-୨୬ରେ ୪ ହଜାର ଘର ଆମର ଆଚିଭମେଣ୍ଟ ବୋଲି ମନ୍ତ୍ରୀ କହିଛନ୍ତି ।

ଯେଉଁ ମାନଙ୍କ ଜାଗା ନାହିଁ କିମ୍ବା ଏମିତି ଜାଗାରେ ଅଛି ସେଠି ଦେଇହେବ ନାହିଁ, ଗୋଟେ ଇନଷ୍ଟାଲମେଣ୍ଟ ପାଇଲା ପରେ ଲୋକେ ବାହାରକୁ ଚାଲିଯାଉଛନ୍ତି । ଘର ପାଇଁ ବାଲି, ଇଟା, ସିମେଣ୍ଟ ଅବଶ୍ୟକ ସେଥିପାଇଁ ଅଧିକାରୀ କାମ କରୁଛନ୍ତି । ଆଗାମୀ ଦିନରେ ସମସ୍ତଙ୍କୁ ସାମିଲ କରି କାମ କରିବୁ ।

ବିଗତ ଦିନରେ ଆମେ ୨୮ ଲକ୍ଷ ଘର ଦେଇଥିଲୁ । ନୂତନ ଭାବେ ୩୮ ଲକ୍ଷ ଘର ପଞ୍ଜିକୃତ ହୋଇଛି । କେନ୍ଦ୍ର ସରକାରଙ୍କ ଠାରୁ ୧ ଲକ୍ଷ ୨୦ ହଜାର ଘର ପାଇଥିଲୁ । ୨୮ ହଜାର ଘର ସମ୍ପୂର୍ଣ୍ଣ ହେବାକୁ ଯାଉଛି । ୨୦ ହଜାର ସମ୍ପୂର୍ଣ୍ଣ ହୋଇସାରିଛି । ୨୦୨୫-୨୬ରେ ୪ ହଜାର ଘର ଆମର ଆଚିଭମେଣ୍ଟ । ଅନ୍ତ୍ୟୋଦୟ ଗୃହ ଯୋଜନାରେ ଆମେ ୧ ଲକ୍ଷ ୬୮ ହଜାର ଲୋକଙ୍କୁ ଘର ଦେଇଛୁ । ପ୍ରଧାନମନ୍ତ୍ରୀ ଆବାସ ଯୋଜନାରେ ୧ ଲକ୍ଷ ୨୦ ହଜାର ଘର ଆମେ ଦେଇଛୁ ବୋଲି ମନ୍ତ୍ରୀ କହିଛନ୍ତି ।