ପାଲଘର: ମହାରାଷ୍ଟ୍ର ପାଲଘର ଜିଲ୍ଲାରେ ଏକ ଆଶ୍ଚର୍ଯ୍ୟଜନକ ଘଟଣା ଘଟିଛି। ଗୁଜରାଟ ସମୂଦ୍ର ଉପକୂଳ ନିକଟ ମଝି ସମୁଦ୍ରରେ ଟକମକ ହୋଇ ପାଣି ଫୁଟିଲା ଭଳି ଜଳରାଶି ବୁଦୁ ବୁଦ ହୋଇ ଉପରକୁ ଉଠୁଛି। ଯାହାକୁ ଦେଖି ସ୍ଥାନୀୟ ମତ୍ସ୍ୟଜୀବୀଙ୍କ ମଧ୍ୟରେ ଭୟର ବାତାରବଣ ଖେଳିଯାଇଛି। ଫଳରେ ପାଲଘର ଜିଲ୍ଲା ପ୍ରଶାସନଓ ମତ୍ସ୍ୟଜୀବୀ ହାଇ ଆଲର୍ଟରେ ଅଛନ୍ତି।

ସ୍ଥାନୀୟ ମତ୍ସ୍ୟଜୀବୀମାନେ ସମୁଦ୍ରରେ ଏହି ରୌଦ୍ର ରୂପକୁ ନିଜ ମୋବାଇଲ୍ କ୍ୟାମେରାର କଏଦ କରିଛନ୍ତି।ଯେଉଁଥିରେ ସମୁଦ୍ରର ଏକ ବିଶାଳ ଜଳରାଶି ଫୁଟିଲା ପାଣି ପରି ବୁଦ ବୁଦ ହୋଇ ଉପରକୁ ଉଠୁଛି। ଘଟଣାର ଗୁରୁତ୍ୱକୁ ବିଚାର କରି ବିପର୍ଯ୍ୟୟ ପରିଚାଳନା ବିଭାଗ ପାଖରେ ଏହାର ତଦନ୍ତ ଦାବି କରାଯାଇଛି।

नुकतेच वसईच्या पाचूबंदर येथील एक मासेमारी नौका मासेमारीसाठी गेली असता त्यांना खोल समुद्रात पाण्याच्या प्रवाहाचे मोठे रिंगण तयार झाल्याचे दिसून आले #Vasai #Palghar pic.twitter.com/w5U3mMNOzQ

— Maharashtra Times (@mataonline) January 19, 2026

ତେବେ ସମୁଦ୍ର ଭିତରୁ ପାଣି ଫୋଟକା ଭଳି ଉପରକୁ ଉଠୁଥିବାରୁ ନାନା ସନ୍ଦେହ ପ୍ରକାଶ ପାଇଛି। ସମୁଦ୍ରତଳ ଗ୍ୟାସ ଲିକ୍,ସମୁଦ୍ରତଳେ ଭୂତାତ୍ତ୍ୱିକପରିବର୍ତ୍ତନ କିମ୍ବା ସମୁଦ୍ରତଳ ପାଇପଲାଇନ ଫାଟିଯିବାର ଆଶଙ୍କା ସୃଷ୍ଟି ହୋଇଛି।ପାଲଘର ଜିଲ୍ଲା ବିପର୍ଯ୍ୟୟ ପରିଚାଳନା ପ୍ରକୋଷ୍ଠର ମୁଖ୍ୟ ବିବେକାନନ୍ଦ କଦମଘଟଣା ବିଷୟରେ ମିଡିଆକୁ ସୂଚନା ଦେଇଛନ୍ତି। ସରକାରଏହାର ତଦନ୍ତ ଆରମ୍ଭ କରିଛନ୍ତି,ଏବଂ ଘଟଣାର ତଦନ୍ତ ପାଇଁ ଇଣ୍ଡିଆନ୍ ନ୍ୟାସନାଲ୍ ସେଣ୍ଟର ଫର୍ ଓସେନ୍ ଇନଫର୍ମେସନ୍ ସର୍ଭିସେସ୍ର ଏକ ଟିମ୍କୁ ନିୟୋଜିତ କରାଯାଇଛି। ମିଥେନ ଗ୍ୟାସ୍ ଲିକ୍ ହେଉଥାଇପାରେ ବୋଲି ସନ୍ଦେହ କରାଯାଉଛି।