ସିଲିଣ୍ଡର ଚୋରି କରିବାକୁ ଘରେ ପଶିଥିଲେ, ଛେଚାଖାଇ ଚାଲିଗଲା ଜଣଙ୍କ ଜୀବନ

ଉଦଳା ୧୯।୧୧: ଚୋରି କରିବାକୁ ଗାଁରେ ପଶିଥିଲେ । ଗାଁ ଲୋକଙ୍କ ହାତରେ ଧରାପଡ଼ି ନିର୍ଧୁମ ଛେଚା ଖାଇଲେ ।କିଏ ଜାଣିଥିଲା ଏହାର ପରିଣତି ଏତେ ଭୟାନକ ହେବ । ନିର୍ଘାତ ମାଡ଼ରେ ଚାଲିଗଲା ଚୋରର ଜୀବନ । ଅନ୍ୟ ଜଣେ ଗୁରୁତର ହୋଇଛନ୍ତି । ମୟୁରଭଞ୍ଜ ଜିଲ୍ଲା ଉଦଳା ଥାନା ଧାନଘେରା ଗାଁରେ ଏଭଳି ଅଭାବନୀୟ ଘଟଣା ଘଟିଛି ।

ସୂଚନାଯୋଗ୍ୟ ଯେ, ମଙ୍ଗଳବାର ବିଳମ୍ବିତ ରାତିରେ ଧାନଘେରା ଗ୍ରାମକୁ ଦେଉଳା ଗ୍ରାମର ବାପି କୋହ୍ଲାର ଚୋରି କରିବା ପାଇଁ ଘରେ ପଶିଥିଲେ । ଗାଁର ଦୁଇଟି ଘରୁ ସିଲିଣ୍ଡର ଚୋରି କରି ଘରୁ ବାହାରିବା ବେଳେ ଗ୍ରାମବାସୀଙ୍କ ହାବୁଡ଼ରେ ପଡ଼ିଯାଇଥିଲେ । ଗ୍ରାମବାସୀ ଦୁଇ ଚୋରଙ୍କୁ ଧରି ନିର୍ଘାତ ମାଡ଼ ମାରି ଗୁରୁତର କରିଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ଉଭୟ ଚୋରଙ୍କୁ ଉଦ୍ଧାର କରି ଚିକିତ୍ସା ନିମନ୍ତେ ଉଦଳା ମେଡିକାଲରେ ଭର୍ତ୍ତି କରିଥିଲେ । ହେଲେ ସେଠାରେ ଚୋର ବାପି ବିନ୍ଧାଣୀର ମୃତ୍ୟୁ ହୋଇଯାଇଥିଲା ।

​​​​​​​

ଏହି ମାମଲାର ପୋଲିସ ଖୋଳତାଡ଼ କରି ମାଡ଼ ମାରିଥିବା ୧୦ରୁ ଅଧିକ ଗ୍ରାମବାସୀଙ୍କୁ ଉଠାଇ ଆଣି ପଚରାଉଚରା କରୁଥିବା ଜଣାପଡିଛି ।