ରୋଲୱାଲିଙ୍ଗ ଘାଟିରେ ହିମସ୍ଖଳନ, ୭ ପର୍ବତାରୋହୀଙ୍କ ମୃତ୍ୟୁ, ଚାର ନିଖୋଜ; ମୃତକଙ୍କ ମଧ୍ୟରେ ବିଦେଶୀ

ନୂଆଦିଲ୍ଲୀ: ନେପାଳର ହିମାଳୟ ଶିଖରରେ ହିମସ୍ଖଳନରେ ସାତ ଜଣ ପର୍ବତାରୋହୀଙ୍କ ମୃତ୍ୟୁ ହୋଇଛି । ଅନ୍ୟ ଚାରି ଜଣ ଗୁରୁତର ଆହତ ହୋଇଛନ୍ତି ଏବଂ ଅନ୍ୟ ଚାରି ଜଣ ଏବେ ବି ନିଖୋଜ ଅଛନ୍ତି । ମୃତକଙ୍କ ମଧ୍ୟରେ ଜଣେ ବିଦେଶୀ ନାଗରିକ ଅଛନ୍ତି ବୋଲି ପୋଲିସ ସୋମବାର କହିଛି। ନେପାଳ ପୋଲିସ ଅଧିକାରୀ ଜ୍ଞାନ କୁମାର ମାହାତୋ କହିଛନ୍ତି ଯେ ଡୋଖାଲା ଜିଲ୍ଲାର ରୋଲୱାଲିଂ ଉପତ୍ୟକାର ୫,୬୩୦ ମିଟର ଉଚ୍ଚତାରେ ଥିବା ୟାଲୁଙ୍ଗ ରି ଶିଖରରେ ଏହି ଦୁର୍ଘଟଣା ଘଟିଛି ।

ଦୋଳଖା ଜିଲ୍ଲା ପୋଲିସ କାର୍ଯ୍ୟାଳୟର ଡେପୁଟି ସୁପରିଣ୍ଟେଣ୍ଡେଣ୍ଟ ଅଫ୍ ପୋଲିସ ଜ୍ଞାନ କୁମାର ମାହାତୋ ମଧ୍ୟ କହିଛନ୍ତି ଯେ ମୃତକଙ୍କ ମଧ୍ୟରେ ତିନି ଜଣ ଆମେରିକୀୟ ନାଗରିକ, ଜଣେ କାନାଡିଆନ, ଜଣେ ଇଟାଲୀୟ ଏବଂ ଦୁଇଜଣ ନେପାଳୀ ନାଗରିକ ଅଛନ୍ତି । ସେ କହିଛନ୍ତି ଯେ ନେପାଳୀ ଏବଂ ବିଦେଶୀ ପର୍ବତାରୋହୀଙ୍କ ଏକ ଦଳ, ସ୍ଥାନୀୟ ଗାଇଡଙ୍କ ସହିତ ଉଚ୍ଚ ଶିଖର ଡୋଲମା ଖାଙ୍ଗ (୬,୩୩୨ ମିଟର) ଚଢ଼ିବା ପାଇଁ ୟାଲୁଙ୍ଗ ରି ବେସ୍ କ୍ୟାମ୍ପରେ ପ୍ରସ୍ତୁତି କରୁଥିବା ସମୟରେ ହିମସ୍ଖଳନ ଘଟିଥିଲା ।

ନିଖୋଜଙ୍କ ମଧ୍ୟରେ ବିଦେଶୀ ନାଗରିକ ମଧ୍ୟ ଅଛନ୍ତି । ପୋଲିସ କହିଛି ଯେ ଚାରି ଜଣ ଆହତ ପର୍ବତାରୋହୀଙ୍କୁ ନିକଟସ୍ଥ ଏକ ଗାଁକୁ ନିଆଯାଇଛି । ମାହତୋ କହିଛନ୍ତି ଯେ ନିଖୋଜମାନଙ୍କୁ ଖୋଜିବା ପାଇଁ ଏକ ଉଦ୍ଧାର କାର୍ଯ୍ୟ ଚାଲିଛି । ଅଧିକାରୀମାନେ କହିଛନ୍ତି ଯେ ସନ୍ଧ୍ୟା ହେବା ପରେ ସର୍ଚ୍ଚ ଅପରେସନ ବନ୍ଦ କରିଦିଆଯାଇଥିଲା ।