ଏବେ ସମସ୍ତେ ଚୁପ୍ : ହର୍ଷିତଙ୍କ କମବ୍ୟାକରେ ବନ୍ଦ ହୋଇଗଲା ସମାଲୋଚକଙ୍କ ମୁହଁ

ନୂଆଦିଲ୍ଲୀ ୧୪/୦୧: ଦକ୍ଷିଣ ଆଫ୍ରିକା ବିପକ୍ଷ ସିରିଜ ପରେ ନ୍ୟୁଜିଲାଣ୍ଡ ବିରୋଧରେ ଜବରଦସ୍ତ ବୋଲିଂ କରୁଛନ୍ତି ହର୍ଷିତ ରାଣା । ଦିନେ ତାଙ୍କୁ ସମାଲୋଚନା କରୁଥିଲେ ଫ୍ୟାନ୍ସ୍ । ଗମ୍ଭୀରଙ୍କ ଫେଭରେଟିଜିମ୍ ପାଇଁ ଜାଙ୍କୁ ଜାଗା ମିଳୁଥିବା ଟ୍ରୋଲ୍ କରୁଥିଲେ । ସୋସିଆଲ ମିଡିଆରେ ନେଟିଜେନ୍ସ ଗାଳିକରୁଥିଲେ ଷ୍ଟାର୍ ବୋଲରଙ୍କୁ । ଏବେ କିନ୍ତୁ ସମାଲୋଚକଙ୍କୁ ଚୁପ୍ କରାଇ ଦେଇଛନ୍ତି ହର୍ଷିତ । ଏହାକୁ ନେଇ କ୍ରିକେଟର ଆଜିଙ୍କ୍ୟ ରାହାଣେ ବଡ କଥା କହିଛନ୍ତି ।

ରାହାଣେ ହେଉଛନ୍ତି କୋଲକାତା ନାଇଟ୍ ରାଇଡର୍ସର ଅଧିନାୟକ । ହର୍ଷିକ କୋଲକାତା ଟିମରେ ଖେଳିଥାନ୍ତି । ତେବେ ରାହାଣେ କହିଛନ୍ତି ଯେ. ପୂର୍ବରୁ ହର୍ଷିତ ସାମାନ୍ୟ ନର୍ଭସ ରହୁଥିଲେ । ମ୍ୟାଚ୍ ପରେ ଦୁଃଖିତ ଦେଖାଯାଉଥିଲେ । ତାଙ୍କୁ ଅନେକ ଲୋକେ ଅନେକ କଥା କହୁଥିଲେ । ନେଗେଟିଭ୍ କମେଣ୍ଟକୁ ସେ ଗ୍ରହଣ କରିବା ସହ ଆଗକୁ ବଢିବା ପାଇଁ ପ୍ରୟାସ କରିଛନ୍ତି ।

ସେ ଆହୁରି କହିଛନ୍ତି ଯେ, ଆଇପିଏଲର ଗତ ସିଜିନରେ ପ୍ରଥମେ ହର୍ଷିତ ଭଲ ଫର୍ମରେ ନଥିଲେ । କିଛି ମ୍ୟାଚ୍ ଖରାପ ଯାଇଥିଲା । ଯାହାକୁ ନେଇ ସେ ଦୁଃଖ ପ୍ରକାଶ କରିଥିଲେ । ନାନା ଲୋକ ନାନା କଥା କହିଥିଲେ । ଯାହା ହର୍ଷିତଙ୍କୁ ଅଧିକ ନିରାଶ କରିଥିଲା । ଫ୍ୟାନ୍ସମାନେ ମନଇଚ୍ଛା କମେଣ୍ଟ କରୁଥିଲେ । ଯାହା ଦେଖିବା ପରେ ସେ ଅଧିକ ଭାଙ୍ଗି ପଡିଥିଲେ । କିନ୍ତୁ ପରେ ନିଜ ତ୍ରୁଟି ସୁଧାରିଥିଲେ । ଯାହା ତାଙ୍କୁ ଅନେକ ଫାଇଦା ଦେଇଛି । ନ୍ୟୁଜିଲାଣ୍ଡ ବିପକ୍ଷ ପ୍ରଥମ ଦିନିକିଆରେ ସେ୪ଟି ଓ୍ୱିକେଟ୍ ନେବା ସହ୨୯ରନ୍ କରିଥିଲେ ।

ସୂଚନାଯୋଗ୍ୟ, ଟିମ୍ ଇଣ୍ଡିଆର ଅନେକ ଭେଟେରାନ୍ ହର୍ଷିତଙ୍କ ଲଗାତାର ସିଲେକ୍ସନକୁ ନେଇ ପ୍ରଶ୍ନ କରିଥିଲେ । ଏପରିକି ଗମ୍ଭୀରଙ୍କ ସହ ଭଲ ସମ୍ପର୍କ ପାଇଁ ତାଙ୍କୁ ଦଳରେ ସାମିଲ କରାଯାଉଛି । ପୂର୍ବରୁ ଗମ୍ଭୀର କେକେଆର ଟିମରେ ସାମିଲ ଥିଲେ । ତେଣୁ ସେ ହର୍ଷିତଙ୍କୁ ବାରମ୍ବାର ସୁଯୋଗ ଦେଉଥିବା କିଛି ଜଣ ଅଭିଯୋଗ କରିଥିଲେ ।