କାଠମାଣ୍ଡୁ ୨୬/୦୪: ୫ ଟିକିଆ ଟି-୨୦ ଖେଳିବା ଲାଗି ନେପାଳରେ ପହଞ୍ଚିଛି ଓ୍ୱେଷ୍ଟଇଣ୍ଡିଜ୍ 'ଏ' ଟିମ୍। ତେବେ ସେଠାରେ ପହଞ୍ଚିବା ପରେ ତାଙ୍କୁ ଭବ୍ୟ ସ୍ୱାଗତ କରିବା ବଦଳରେ କରାଯାଇଥିଲା କିଛି ଏମିତି । ଯାହାର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।
Can guarantee that Nepal will give them the best treatment possible within their means and rightly so and can also guarantee that none of the Carribean boys will see this as a problem or a hassle https://t.co/6OzD9qyxI1
— Sikandar Raza (@SRazaB24) April 25, 2024
କହିବାକୁ ଗଲେ ବିମାନବନ୍ଦରରେ ପହଞ୍ଚିବା ପରେ ତାଙ୍କୁ ଅତି ଦୟନୀୟ ଅବସ୍ଥାରେ କରାଯାଇଥିଲା ସ୍ୱାଗତ । ବିମାନବନ୍ଦର ବାହାରେ ଖେଳାଳିମାନେ ନିଜ ନିଜର କିଟ୍ ଏବଂ ଜିନିଷପତ୍ର ବାହାରେ ଛିଡା ହୋଇଥିବା ଡାଲା ଅଟୋ ପାଖକୁ ଯାଉଛନ୍ତି । ଖାଲି ଗାଡି ନିକଟକୁ ଯାଉନାହାଁନ୍ତି ତ ଗାଡିରେ ନିଜର ସାମାନ ବି ରଖୁଛନ୍ତି । ଗାଡିରେ ଥିବା ଜଣେ ବ୍ୟକ୍ତିଙ୍କୁ ଗୋଟିଏ ପରେ ଗୋଟିଏ ଜିନିଷ ବଢାଉଛନ୍ତି ଖେଳାଳି ।
ଏହା ପରେ ବ୍ୟକ୍ତି ଜଣଙ୍କ ସବୁ ଟ୍ରଲିକୁ ସାଇଜ୍ କରି ରଖୁଛନ୍ତି । କିଟ୍ ଦେବାପରେ ଇଣ୍ଡିଜ୍ ଖେଳାଳିମାନେ ବସ୍ ନିକଟକୁ ଆସୁଛନ୍ତି । ବସ୍ରେ ଲେଖାହୋଇଛି ଟୁରିଷ୍ଟ ବସ୍ । ହେଲେ ତାହା ମନେ ହେଉଛି କୌଣସି ସାଧାରଣ ବସ୍ ଭଳି । ସୂଚନା ଥାଉକି, ନେପାଳ ଓ୍ୱେଷ୍ଟଇଣ୍ଡିଜ୍ 'ଏ' ଟିମ୍ ମଧ୍ୟରେ ଆସନ୍ତା ୨୭ ରୁ ଖେଳାଯିବ ସିରିଜ୍ । ପରବର୍ତ୍ତୀ ମ୍ୟାଚ୍ ୨୮, ମେ ୧, ୨ ଓ ୪ ତାରିଖରେ ଖେଳାଯିବ ।