ବିଶ୍ବକୁ HQ-20 ଏୟାର ଡିଫେନ୍ସ ମିସାଇଲ୍ ସିଷ୍ଟମ ଦେଖାଇଲା ଚୀନ୍

ବେଜିଂ: ଚୀନ୍ HQ-20 ଏୟାର ଡିଫେନ୍ସ ମିସାଇଲ୍ ସିଷ୍ଟମର ପ୍ରଥମ ସାର୍ବଜନୀନ ଲାଇଭ୍ ପରୀକ୍ଷଣ କରିଛି। ଦେଶ ଲାଇଭ୍ ଫାୟାର ପରୀକ୍ଷଣର ଫୁଟେଜ୍ ମଧ୍ୟ ଜାରି କରିଛି। ଚୀନ୍ କହିଛି ଯେ ଏଚକ୍ୟୁ-୨୦ ବାୟୁ ପ୍ରତିରକ୍ଷା କ୍ଷେପଣାସ୍ତ୍ର ପ୍ରଣାଳୀ ନଭେମ୍ବର ୧୧ ତାରିଖରେ ବାୟୁସେନା ପ୍ରତିଷ୍ଠା ଦିବସରେ ପରୀକ୍ଷଣ କରାଯାଇଥିଲା। ଏହାର କ୍ଷମତା ଏଚକ୍ୟୁ-୧୬ ଏବଂ ଏଚକ୍ୟୁ-୨୨ଏ ମଧ୍ୟରେ ରହିଛି ।

ଏଚକ୍ୟୁ-୨୦ ଚୀନର ବାୟୁ ପ୍ରତିରକ୍ଷା ନେଟୱର୍କର ଆଧୁନିକୀକରଣର ଏକ ଅଂଶ। ଏହା ରାଡାର, ବାୟୁସେନା ଇଣ୍ଟରସେପ୍ଟର ଏବଂ ଭୂପୃଷ୍ଠରୁ ଆକାଶ କ୍ଷେପଣାସ୍ତ୍ରର ମିଶ୍ରଣ ଉପରେ ଆଧାରିତ। ପୂର୍ବ ପରେଡରେ । ଏହା କୌଣସି ଦିଗରେ ଆକ୍ରମଣ କରିବା ଲାଗି ସକ୍ଷମ । ଯେକୌଣସି ଦିଗରୁ ଆସୁଥିବା ବିମାନ, ହେଲିକପ୍ଟର, ମାନବ ରହିତ ବିମାନ ଏବଂ କ୍ରୁଜ୍ ମିସାଇଲ୍କୁ ରୋକିବା ଲାଗି ଏହାକୁ ଡିଜାଇନ୍ କରାଯାଇଛି ।

ଏଥିରେ ଉଚ୍ଚ ଶକ୍ତି ସଂପନ୍ନ ରାଡାର ସିଷ୍ଟମ ରହିଛି । ଜେଓ୍ବାଇ-୨୭ ରାଡାର ଯେକୌଣସି ତରଙ୍ଗକୁ ଚିହ୍ନନ କରିବାକୁ ସକ୍ଷମ । କମ୍ ସମୟ ମଧ୍ୟରେ ପ୍ରତିକ୍ରିୟା ପ୍ରକାଶ କରିବା ଲାଗି ଏଚକ୍ୟୁ-୨୦ ପାରଙ୍ଗମ । ଏଚକ୍ୟୁ-୧୬ ତୁଳନାରେ ଏହାର ରେଡି-ଟୁ ଫାୟାର କ୍ଷମତା ଅଧିକ ।

ନଭେମ୍ବର ୨୦୨୫ରେ ଏହାର ପ୍ରଦର୍ଶନ କରି ଚୀନ୍ ନିଜର ବର୍ଦ୍ଧିତ ସାମରିକ ଶକ୍ତିର ପ୍ରମାଣ ଦେଇଛି । ବାୟୁ ପ୍ରତିରକ୍ଷା କ୍ଷେତ୍ରରେ ଚୀନ୍ ଦ୍ରୁତ ଗତିରେ ଅଗ୍ରସର ହେଉଛି । ଏଚକ୍ୟୁ ୨୦ ଚୀନ୍ ବାୟୁ ପ୍ରତିରକ୍ଷା ପ୍ରଣାଳୀର ଏକ ବଳିଷ୍ଠ ଅଂଶ । ସମ୍ଭାବ୍ୟ ମିସାଇଲ ଆକ୍ରମଣର ବିପଦକୁ ପ୍ରତିହତ କରିବା ଦିଗରେ ଚୀନ୍ର ଏହି ନୂଆ ବାୟୁ ପ୍ରତିରକ୍ଷା ପ୍ରଣାଳୀ ବେଶ ଉପଯୋଗୀ ବୋଲି କୁହାଯାଉଛି ।