ଚର୍ଚ୍ଚାରେ ରୁଷ ରାଷ୍ଟ୍ରପତିଙ୍କ ଘଣ୍ଟା କଲେକସନ୍; ପିନ୍ଧନ୍ତି କୁମ୍ଭୀର ଚମଡାରେ ପ୍ରସ୍ତୁତ ସ୍ବତନ୍ତ ଘଣ୍ଟା, ଦାମ୍ ଜାଣିଲେ ଉଡିଯିବ ହୋସ୍‌

ନୂଆଦିଲ୍ଲୀ ୦୫।୧୨: ବିଶ୍ବର ଶକ୍ତିଶାଳୀ ରାଷ୍ଟ୍ରମୂଖ୍ୟ ମାନଙ୍କ ଭିତରେ ରୁଷ ରାଷ୍ଟ୍ରପତି ପୁଟିନ ମହଙ୍ଗା ଲାଇଫ ପାଇଁ ପୁଟିନ ସର୍ବଦା ଚର୍ଚ୍ଚାରେ ରହିଥାନ୍ତି। ପୁଟିନ ମହଙ୍ଗା ଘଣ୍ଟାର ଜଣେ ବଡ ପ୍ରଶଂସକ। କୁହାଯାଏ ଯେ, ତାଙ୍କ କଲେକସନରେ ଦର୍ଶାଯାଇଥିବା ସମ୍ପତ୍ତି ଠାରୁ ଅଧିକ। ଏହି ସଉକର ପ୍ରମାଣ ଏବେ ସର୍ବସାଧାରଣରେ ଦେଖିବାକୁ ମିଳିଛି। କାରଣ ତାଙ୍କୁ ଅନେକ ଥର ଲଗଜରୀ ଘଣ୍ଟା ପିନ୍ଧିଥିବାର ଦେଖାଯାଇଛି।

୪୮ ଲକ୍ଷ ଟଙ୍କାର ମହଙ୍ଗା ଘଣ୍ଟା ପିନ୍ଧନ୍ତି ପୁଟିନ

ମସ୍କୋ ଟାଇମ୍ସର ଏକ ରିପୋର୍ଟ ଅନୁଯାୟୀ, ତାଙ୍କୁ ଆଜକୁ ୧୦ ବର୍ଷ ପୂର୍ବେ ଏକ ପାଟେକ୍ ଫିଲିପ୍ ପର୍ପେଚୁଆଲ୍ ଘଣ୍ଟା ପିନ୍ଧିଥିବାର ଦେଖାଯାଇଥିଲା। ଏହାର ବଜାର ମୂଲ୍ୟ ୬୦,୦୦୦ ଡଲାର। ଭାରତୀୟ ଟଙ୍କାରେ ଏହାର ମୂଲ୍ୟ ୪୮ ଲକ୍ଷ ଟଙ୍କା ବୋଲି ଆକଳନ କରାଯାଇଛି।

କୁମ୍ଭୀର ଚମଡ଼ା ଘଣ୍ଟା କେତେ ମହଙ୍ଗା ?

ବିଭିନ୍ନ ଚର୍ଚ୍ଚା ଭିତରେ ବିଶେଷଜ୍ଞ ମାନେ କୁହନ୍ତି ଯେ, ପୁଟିନ କୁମ୍ଭୀର ଚମଡ଼ା ଘଣ୍ଟା ପିନ୍ଧିବାକୁ ପସନ୍ଦ କରନ୍ତି। ଏହି ଘଣ୍ଟାକୁ ତାଙ୍କ ଘଣ୍ଟା ସଂଗ୍ରହରେ ସବୁଠାରୁ ମହଙ୍ଗା ବୋଲି ବିବେଚନା କରାଯାଏ। ଏହାର ମୂଲ୍ୟ ୫ ଲକ୍ଷ ଡଲାର ବା ସାଢେ ୪ କୋଟି ଟଙ୍କା। ଏହା ନୀଳ ରଙ୍ଗର ମଣିରେ ତିଆରି କାଚ, ପ୍ଲାଟିନମ୍ ଏବଂ କୁମ୍ଭୀର ଚମଡ଼ାରେ ତିଆରି। ଏହା ବ୍ୟତୀତ ପୁଟିନଙ୍କୁ ବ୍ଲାଙ୍କପେନ୍ ଲେମାନ ଆକ୍ୱା ଲଙ୍ଗ ଗ୍ରାଣ୍ଡେ ଡେଟ୍ ଘଣ୍ଟା ମଧ୍ୟ ପିନ୍ଧିଥିବାର ଦେଖାଯାଇଛି। ଏହାର ମୂଲ୍ୟ ୧୦ ଲକ୍ଷ ଟଙ୍କା ବୋଲି କୁହାଯାଏ।

କାରଖାନା କର୍ମଚାରୀଙ୍କୁ ଦେଇଥିଲେ ଘଣ୍ଟା ଉପହାର

ରିପୋର୍ଟ ଅନୁଯାୟୀ ପୁଟିନ ଜଣେ କାରଖାନା କର୍ମଚାରୀଙ୍କୁ ୫୫୦୦ ପାଉଣ୍ଡ ମୂଲ୍ୟର ଏକ ବ୍ଲାଙ୍କପେନ୍ ଘଣ୍ଟା ଉପହାର ଦେଇଥିଲେ । ଏହି ସମୟରେ ଶ୍ରମିକ ଜଣକ କହିଥିଲେ ଯେ, ତାଙ୍କ ବାପା ଏତେ ମହଙ୍ଗା ଉପହାର ଆଶା କରିନଥିଲେ।

ପୁଣି ଥରେ ଭାଇରାଲ ହେଲା ପୁଟିନଙ୍କ ଘଣ୍ଟା କଲେକସନ…

ବାସ୍ତବରେ, ରୁଷିଆର ବିରୋଧୀ ଦଳ ସଲିଡାରିଟି ଥରେ ଏକ ଭିଡିଓ ଜାରି କରିଥିଲା ଯେଉଁଥିରେ ପୁଟିନ ମହଙ୍ଗା ଘଣ୍ଟା ପିନ୍ଧିଥିବା ଦେଖାଯାଇଥିଲା। ଭିଡିଓଟି ଇଣ୍ଟରନେଟରେ ଖୁବ୍ ଭାଇରାଲ ହୋଇଥିଲା। ଏଥିରେ ଦାବି କରାଯାଇଥିଲା ଯେ ପୁଟିନଙ୍କ ଘଣ୍ଟା ସଂଗ୍ରହର ମୂଲ୍ୟ ୨୨ ମିଲିୟନ ରୁବେଲ୍ ।