ବିଜେଡିରୁ ଇସ୍ତଫା ଦେବା ପରେ ଭଦ୍ରକ ବ୍ଲକ୍ ଅଧ୍ୟକ୍ଷାଙ୍କ ବିସ୍ଫୋରକ ବୟାନ, କହିଲେ..

ଭଦ୍ରକ ୩୦।୧୧: ଲୋକଙ୍କୁ ସେବା ଦେଇପାରିଲି ନାହିଁ, ଦଳରୁ ଇସ୍ତଫା ଦେଲି । ବିଜୁ ଜନତା ଦଳରୁ ଇସ୍ତଫା ଦେବା ପରେ ଏଭଳି ବିସ୍ଫୋରକ ବୟାନ ଦେଇଛନ୍ତ ଭଦ୍ରକ ବ୍ଲକ୍ ଅଧ୍ୟକ୍ଷା ଉର୍ମିଳା ନାୟକ । ଶନିବାର ସେ ବିଜୁ ଜନତା ଦଳରୁ ଇସ୍ତଫା ଦେଇଥିଲେ । ସେ ତାଙ୍କ ଇସ୍ତଫା ପତ୍ର ଭଦ୍ରକ ଜିଲ୍ଲା ବିଜେଡି ସଭାପତି ଜଗନ୍ନାଥ ସ୍ୱାଇଁଙ୍କୁ ପଠାଇଦେଇଥିଲେ ।

ତେବେ ବିଜୁ ଜନତା ଦଳରୁ ଇସ୍ତଫା ଦେବା ପରେ ଉର୍ମିଳା ନାୟକ କହିଛନ୍ତି ଯେ, ଶିକ୍ଷକତା ଛାଡି ରାଜନୀତିକୁ ଆସିଥିଲି । କିନ୍ତୁ ନୂଆ ସରକାର ଆସିବା ପରେ ଲୋକଙ୍କ ସେବା କରିପାରୁନି । ସେପଟେ ସରପଞ୍ଚ ଓ ସମିତି ସଭ୍ୟ ମଧ୍ୟ କ୍ଷୋଭ ପ୍ରକାଶ କରିଛନ୍ତି । ତେଣୁ ବିଜୁ ଜନତା ଦଳରୁ ଇସ୍ତଫା ଦେଇଛି । ଆଗାମୀ ଦିନରେ କେଉଁ ଦଳକୁ ଯିବେ ସେ ନେଇ ସେ ମାନସିକ ଭାବେ ପ୍ରସ୍ତୁତ ନଥିବା ଉର୍ମିଳା ନାୟକ କହିଛନ୍ତି । ତେବେ ଅନାସ୍ଥା ଆସିଲେ ସେ ପୁନଃ ପଦବୀରେ ରହିବେ ବୋଲି କହିଛନ୍ତି ।