ହଠାତ ଡାଉନ୍ ହୋଇଗଲା ସୋସିଆଲ ମିଡିଆ ପ୍ଲାଟଫର୍ମ ଏକ୍ସ

ନୂଆଦିଲ୍ଲୀ: ଲୋକପ୍ରିୟ ସୋସିଆଲ ମିଡିଆ ପ୍ଲାଟଫର୍ମ ‘X’ ହଠାତ୍ ବନ୍ଦ ହୋଇଯାଇଥିବା ନେଇ ରିପୋର୍ଟ ସାମ୍ନାକୁ ଆସିଛି। ଶୁକ୍ରବାର ରାତିରେ ହଜାର ହଜାର ଉପଭୋକ୍ତା ଏହି ପ୍ଲାଟଫର୍ମ ବ୍ୟବହାର କରିବାରେ ଅସୁବିଧାର ସମ୍ମୁଖୀନ ହେଉଛନ୍ତି।

ଆଉଟେଜ୍ ଟ୍ରାକିଂ ୱେବସାଇଟ୍ ଡାଉନଡିଟେକ୍ଟର ଅନୁଯାୟୀ, ଉପଭୋକ୍ତାମାନେ ନୂତନ ପୋଷ୍ଟ ଦେଖି ପାରୁନାହାନ୍ତି କିମ୍ବା ସେମାନଙ୍କର ଫିଡ୍ ରିଫ୍ରେଶ୍ କରିପାରୁନାହାନ୍ତି। ତିନୋଟି ମୁଖ୍ୟ ସମସ୍ୟା ରିପୋର୍ଟ କରାଯାଇଛି:

୧. ବ୍ୟବହାରକାରୀମାନେ ଆପ୍ କିମ୍ବା ୱେବସାଇଟ୍ ଖୋଲିବା ମାତ୍ରେ "Welcome to X" ମେସେଜ୍ ଦେଖୁଛନ୍ତି, କିନ୍ତୁ ପୁରୁଣା କିମ୍ବା ନୂତନ ପୋଷ୍ଟଗୁଡ଼ିକ ନାହିଁ ।୨.ଅନେକ ଉପଭୋକ୍ତା ପୁନର୍ବାର ନିଜ ଆକାଉଣ୍ଟରେ ଲଗଇନ୍ କରିବାରେ ମଧ୍ୟ ସମସ୍ୟାର ସମ୍ମୁଖୀନ ହେଉଛନ୍ତି।୩. ମୋବାଇଲ୍ ଆପରେ ନୂଆ ଫିଡ୍ ଲୋଡ୍ ହେଉନାହିଁ।

X ବନ୍ଦ ହେବା ମାତ୍ରେ, ‘X down’ ଏବଂ ‘Twitter down’ ଫେସବୁକ୍ ଏବଂ ଇନଷ୍ଟାଗ୍ରାମ ଭଳି ଅନ୍ୟାନ୍ୟ ସୋସିଆଲ ମିଡିଆ ପ୍ଲାଟଫର୍ମରେ ଟ୍ରେଣ୍ଡ କରୁଛି । ଭାରତ, ଆମେରିକା, ବ୍ରିଟେନ ଏବଂ ଅନ୍ୟାନ୍ୟ ଦେଶର ବ୍ୟବହାରକାରୀମାନେ ଏହି ଯାନ୍ତ୍ରିକ ତ୍ରୁଟି ବିଷୟରେ ଅଭିଯୋଗ କରିଛନ୍ତି ।