୨୦୨୫ରେ ଭାରତୀୟ ଚେସ : ନୂଆ ଷ୍ଟାର୍ ପ୍ଲେୟାର, ବଡ ଟୁର୍ଣ୍ଣାମେଣ୍ଟର ଆୟୋଜନ

ନୂଆଦିଲ୍ଲୀ, ୨୩/୧୨: ୨୦୨୫ ଭାରତୀୟ ଚେସ୍ ପାଇଁ ଥିଲା ଐତିହାସିକ ବର୍ଷ । ଅନେକ ରେକର୍ଡ ପ୍ରତିଷ୍ଠା କରିଥିଲା ଦେଶ । ଯୁବ ଖେଳାଳିମାନେ ଦେଶକୁ ଗୌରବାନ୍ୱିତ କରିଥିଲେ । ଓ୍ୱାର୍ଲଡ୍ ଟାଇଟଲଠୁ ଆରମ୍ଭ କରି ଟିନଏଜ୍ ଗ୍ରାଣ୍ଡ୍ ମାଷ୍ଟ୍ରର୍ସ । ଜୁନିଅର ଚାମ୍ପିଅନ୍ସ ଟ୍ରଫିର ସଫଳ ଆୟୋଜନ କରିଥିଲା ଭାରତ ।

ଚେସର ନୂଆ ରାଣୀ

ବର୍ଷ ଆରମ୍ଭରେ ଦିବ୍ୟା ଦେଶମୁଖ ନୂଆ ତାରକା ଭାବେ ଉଭା ହୋଇଥିଲେ । ୧୯ ବର୍ଷୀୟ ଦିବ୍ୟା ଅଭିଜ୍ଞ କୋନେରୁ ହମ୍ପିଙ୍କୁ ପରାସ୍ତ କରି ସମସ୍ତଙ୍କୁ ଚକିତ କରିଥିଲେ । ଫାଇଡ୍ ଓ୍ୱମ୍ୟାନ୍ ବିଶ୍ୱକପର ଏକ ମୁକାବିଲାରେ ଏପରି ହୋଇଥିଲା । ଦୀର୍ଘ ବର୍ଷ ହେବ ମହିଳା ଚେସରେ ଭାରତ ସେତେଟା ଭଲ ପ୍ରଦର୍ଶନ କରୁନଥିଲା । କିନ୍ତୁ ୨୦୨୫ରେ ଦିବ୍ୟା ନୂଆ ଆଶା ହୋଇପାରିଥିଲେ ।

ଯୁବ ଖେଳାଳିଙ୍କ କୃତି

୨୦୨୫ରେ ଭାରତର ୮୬ ତମ ଗ୍ରାଣ୍ଡ୍ ମାଷ୍ଟର ହୋଇଥିଲେ ଏଲଆର ଶ୍ରୀହରି । ରେହିପରି ଲାମ୍ପର୍ଥୀ ଏଆର ମାତ୍ର ୧୬ ବର୍ଷ ବୟସରେ ୯୦ତମ ଏବଂ ରାହୁଲ ଭିଏସ ୯୧ ତମ ଗ୍ରାଣ୍ଡ୍ ମାଷ୍ଟର୍ସ ହେବାର ସୌଭାଗ୍ୟ ଅର୍ଜନ କରିଥିଲେ । ୨୦୨୫ରେ ଭାରତ ବିଶ୍ୱର ସବୁଠୁ ଭଲ ଖେଳୁଥିବା ଯୁବ ଖେଳାଳିଙ୍କ ଦେଶ ହୋଇପାରିଥିଲା ।

ସେହିପରି ପ୍ରଣବ ଭେଙ୍କଟେଶ ଫାଇଡ୍ ଓ୍ୱାର୍ଲଡ୍ ଚାମ୍ପିଅନସିପର ଅଣ୍ଡର-19 ଗ୍ରୁପରେ କମାଗତ ବିଜୟୀ ହୋଇଥିଲେ । ଯାହା ଦେଶର ୧୭ ବର୍ଷର ଟ୍ରଫି ମରୁଡିକୁ ସମାପ୍ତ କରିଥିଲା ।

ଆଉ ଜଣେ ଜାତୀୟ ଚାମ୍ପିଅନ୍

ଘରୋଇ ମୁକାବିଲାରେ ପି ଇନିୟାନ ଚଳିତ ବର୍ଷ ଚର୍ଚ୍ଚାରେ ରହିଥିଲେ । ତାମିଲନାଡୁର ଏହି ଗ୍ରାଣ୍ଡ୍ ମାଷ୍ଟର୍ ଜାତୀୟ ଚାମ୍ପିଅନସିପରେ ଅପରାଜେୟ ରହି ୧୧ ରାଉଣ୍ଡ ଜିତିଥିଲେ ।

ଫାଇଡ୍ ବିଶ୍ୱକପର ଆୟୋଜନ

କେବଳ ଟାଇଟଲ ଜିତିନଥିଲା ଭାରତ । ବଡ ବଡ ଚେସ୍ ଟୁର୍ଣ୍ଣାମେଣ୍ଟର ଆୟୋଜନ ମଧ୍ୟ କରିଥିଲା । ଦୀର୍ଘ ୨୩ ବର୍ଷ ପରେ ଭାରତ ଫାଇଡ୍ ଓ୍ୱାର୍ଲଡ କପ୍ ୨୦୨୫ର ସଫଳ ଆୟୋଜନ କରିଥିଲା । ବିଦେଶରୁ ଫ୍ୟାନ୍ସମାନେ ଭାରତ ଆସି ମୁକାବିଲା ଦେଖିଥିଲେ । ଏଥିରେ ଭାରତର ଯୁବ ଖେଳାଳିଙ୍କ ପ୍ରଦର୍ଶନ ଆଖିଦୃଶିଆ ରହିଥିଲା ।

ଭାରତୀୟଙ୍କୁ ପସନ୍ଦ ଆସିଥିଲା ଚେସ୍

୨୦୨୫ରେ ମୁମ୍ବାଇରେ ଗ୍ଲୋବାଲ ଚେସ୍ ଲିଗ୍ ଖେଳାଯାଇଥିଲା । ଏଥିରେ ଅନେକ ଷ୍ଟାର୍ ପ୍ଲେୟାର ସାମିଲ ହୋଇଥିଲେ । ହଜାର ହଜାର ଫ୍ୟାନ୍ସ ମ୍ୟାଚ୍ ଲାଇଭ ଦେଖୁଥିଲେ । ଅନଲାଇନରେ ଲକ୍ଷ ଲକ୍ଷ ଭିୟୁ ରହିଥିଲା । ହଠାତ ଚେସ ଏକ ପର୍ବ ଭାବେ ଉଭା ହୋଇଥିଲା । ଚେସ୍ ଲିଗ୍ ହିକାରୁ ନାକାମୁରା ଏବଂ ପୋଉ ୟିଫାଙ୍କ ଭଳି ଖେଳାଳଙ୍କୁ ଭାରତ ମାଟିକୁ ଅଣାଯାଇଥିଲା ।