ବର ଶୋଭାଯାତ୍ରା ବେଳେ ବଡ଼ ଅଘଟଣ, ବରଯାତ୍ରୀଙ୍କ ଉପରେ ମାଡ଼ିଗଲା ବର ବସିଥିବା ଗାଡ଼ି

ପାଟଣାଗଡ ୨୬/୧୧: ବିଧିର ବିଧାନ, ବଡ଼ ବିଚିତ୍ର । ଯେଉଁ ଘରେ ବାଜୁଥିଲା ସାହାନାଇ । ବାଜା ବାଣରେ ଫାଟି ପଡୁଥିଲା ପରିବେଶ । ଘରକୁ ନୂଆ ବୋହୁ ଆସିବ ବୋଲି ଖୁସି କହିଲେ ନସରେ । ପରିବାରରେ ସବୁ ସଦସ୍ୟ ବି ବିଭୋର । କାହାର ପାଦ ଲାଗୁନିଥିଲା ତଳେ । ହେଲେ ଖୁସି ରହିଲାନି ଗୋଟିଏ ମୁହୂର୍ତ୍ତ । ଏପଟେ ହେଉଥିଲେ ବିବାହ । ସେପଟେ ଯାଉଥିଲା ବାପାର ଜୀବନ । ହର୍ଷ ଉଲ୍ଲାସରେ ଚାଲିଥିବା ବାହାଘରରେ ଚାହୁଁଚାହୁଁ ଘୋଟିଆସିଥିଲା ଦୁଃଖର କଳାବାଦଲ ।

ପାଟଣାଗଡରେ ନଜର ଆସିଛି ଏମିତି ଅଭାବନୀୟ ଘଟଣା । ଜିଲ୍ଲା ଉପଖଣ୍ଡ ବେଲପଡ଼ା ଥାନା ମଣ୍ଡଳ ଗାଁରେ ଘଟିଛି ଏହି ଦୁର୍ଘଟଣା । ପୁଅ ବାହା କରିବାକୁ ବରଯାତ୍ରୀ ନେଇ ଆସିଥିବା ବାପା ଏବେ ଶବ ହୋଇ ଫେରିଛି । ବର ଶୋଭାଯାତ୍ରା ବେଳେ ବଡ଼ ଅଘଟଣ । ବରଯାତ୍ରୀଙ୍କ ଉପରେ ମାଡ଼ିଗଲା ବର ବସିଥିବା ଗାଡ଼ି । ଦୁର୍ଘଟଣାରେ ବରର ବାପାଙ୍କ ମୃତ୍ୟୁ ହୋଇଥିବା ବେଳେ ନବବଧୂର ଭାଇ ଗୁରୁତର ଆହତ ହୋଇଛନ୍ତି । ବେଲପଡ଼ା ଥାନା ମଣ୍ଡଳ ଗାଁରେ ବାହାଘର ଶୋଭାଯାତ୍ରା ବେଳେ ଅଘଟଣ ।

ବର ବେଶରେ ପୁଅ ବସିଥିବା କାର୍ ବାପା ଉପରେ ମାଡ଼ିଯିବାରୁ ଜୀବନ ଗଲା । କନ୍ୟା ପକ୍ଷର ଭାଇ ମଧ୍ୟ କାର ଚକା ତଳେ ଚାପି ହୋଇ ଗୁରୁତର । ଅଘଟଣ ପରେ ବି ଉଭୟ ପକ୍ଷର ସହମତିରେ ବିବାହ କାର୍ଯ୍ୟ ସଂପନ୍ନ ହୋଇଛି ।ମୃତକ ହେଉଛନ୍ତି ଲୋଇସିଂହା ଥାନା ଆମପାଳି ଗାଁର ଘିବଲୁ ବାଗ । ସୂଚନା ଅନୁସାରେ ଆମପାଳି ଗାଁରୁ ବେଲପଡ଼ ଥାନା ଅନ୍ତର୍ଗତ ମଣ୍ଡଳ ଗାଁରୁ ବରଯାତ୍ରୀ ଦଳ ଆସିଥିଲେ । ବାଣ ଫୁଟାଇ ବାଜା ବଜାଇ ବର ଶୋଭାଯାତ୍ରା ଆରମ୍ଭ ହୋଇଥିଲା ।

ଆଗରେ ଲୋକ ନାଚି ନାଚି ଯାଉଥିଲେ, ପଛରେ ଥିବା ବର ଗାଡ଼ିରେ ବସିଯାଉଥିଲେ । ରାତି ସାଢେ ୧୧ଟାରେ ହଠାତ୍ ବର ବସିଥିବା ଗାଡ଼ି ଆଗରେ ଥିବା ବରଯାତ୍ରୀ ଦଳ ଉପରକୁ ମାଡ଼ିଯାଇଥିଲା । ଗାଡ଼ି ଚାପାରେ ବରର ବାପାଙ୍କ ମୃତ୍ୟୁ ହୋଇଥିବା ବେଳେ ନବବଧୂର ଭାଇ ଗୁରୁତର ଆହତ ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ବାହା ହୋଇ ଦୁଃଖରେ ଫେରିଲେ ପୁଅ ମାନୁନଥିଲା ଥିଲା ପୁଅ ବାହା ପାଇଁ ଆସି ବାପା ଶବ ହୋଇଗଲେ ।