ଗୁଡନ୍ୟୁଜ୍‌ ଦେଲେ ରାଜକୁମାର ରାଓ ଏବଂ ପତ୍ରଲେଖା, ଏହି ଷ୍ଟାର୍ ଦମ୍ପତିଙ୍କ ଘରକୁ ଆସିଲା ରାଜକୁମାରୀ

ନୂଆଦିଲ୍ଲୀ ୧୫।୧୧; ବଧାଇ ହୋ… ବର୍ତ୍ତମାନ ରାଜକୁମାର ରାଓ ଏବଂ ପତ୍ରଲେଖା ପ୍ୟାରେଣ୍ଟସ କ୍ଲବରେ ଯୋଗ ଦେଇଛନ୍ତି। ବଲିଉଡର ଏହି ଦମ୍ପତିଙ୍କ ଘରକୁ ରାଜକୁମାରୀ ଆସିଛି। ଅଭିନେତା ଇନଷ୍ଟାଗ୍ରାମ ଏକ ସୁନ୍ଦର ପୋଷ୍ଟରେ ସେୟାର କରି ଖୁସି ଖବର ଦେଇଛନ୍ତି। ରାଜକୁମାର ଏବଂ ପତ୍ରଲେଖା ଉଭୟ ଏକ ମନଛୁଆଁ ଫଟୋ ସେୟାର କରିଛନ୍ତି, ଯେଉଁଥିରେ ସେମାନେ ନବଜାତ ଶିଶୁର ଛୋଟ ହାତକୁ ଧରିଥିବାର ଦେଖାଯାଉଛି । ଏହି ଫଟୋ ସହିତ ସେମାନେ ଏକ ଭାବପ୍ରବଣ କ୍ୟାପ୍ସନ୍ ମଧ୍ୟ ଲେଖିଛନ୍ତି କି "ଆଜି ଆମ ଘରେ ଖୁସିର ଆଗମନ ହୋଇଛି । ଆମେ ଏକ କନ୍ୟା ସନ୍ତାନର ପିତାମାତା ହୋଇଥିବାରୁ ଅତ୍ୟନ୍ତ ଆନନ୍ଦିତ । ଆମେ ସମସ୍ତଙ୍କ ଭଲ ପାଇବା ଏବଂ ଆଶୀର୍ବାଦ କାମନା କରୁଛୁ।"

 

 

 

 

View this post on Instagram

 

 

 

 

 

 

 

 

 

 

 

A post shared by RajKummar Rao (@rajkummar_rao)

ଏହି ଖବର ସାମ୍ନାକୁ ଆସିବା ପରେ ବଲିଉଡ୍ ତାରକା ଏବଂ ପ୍ରଶଂସକଙ୍କ ଠାରୁ ଶୁଭେଚ୍ଛାର ସୁଅ ଛୁଟିଛି । ଅନେକ ସେଲିବ୍ରିଟି ରାଜକୁମାର ଏବଂ ପତ୍ରଲେଖାଙ୍କୁ ଅଭିନନ୍ଦନ ଜଣାଇଛନ୍ତି । ଅଭିନେତ୍ରୀ ପ୍ରିୟଙ୍କା ଚୋପ୍ରା, ଅନୁଷ୍କା ଶର୍ମା, ଏବଂ ଆଲିଆ ଭଟ୍ଟଙ୍କ ଭଳି ତାରକାମାନେ ସେମାନଙ୍କ ପୋଷ୍ଟରେ ଶୁଭେଚ୍ଛା ଜଣାଇଛନ୍ତି । ପ୍ରଶଂସକମାନେ ମଧ୍ୟ ଏହି ଖବରକୁ ନେଇ ବେଶ୍ ଉତ୍ସାହିତ ଅଛନ୍ତି ଏବଂ ଦମ୍ପତିଙ୍କୁ ଶୁଭକାମନା ଜଣାଇଛନ୍ତି ।

ରାଜକୁମାର ରାଓ ଏବଂ ପତ୍ରଲେଖାଙ୍କ ପ୍ରେମ କାହାଣୀ ବଲିଉଡରେ ବେଶ୍ ଲୋକପ୍ରିୟ । ଦୀର୍ଘ ଦିନରୁ ପ୍ରେମ ସମ୍ପର୍କରେ ରହିବା ପରେ ୨୦୨୧ରେ ସେମାନେ ବିବାହ ବନ୍ଧନରେ ବାନ୍ଧି ହୋଇଥିଲେ । ସେମାନଙ୍କ ବିବାହ ସମାରୋହ ଚଣ୍ଡିଗଡ଼ରେ ଅନୁଷ୍ଠିତ ହୋଇଥିଲା, ଯେଉଁଥିରେ ପରିବାର ଏବଂ ନିକଟତର ବନ୍ଧୁମାନେ ଉପସ୍ଥିତ ଥିଲେ ।