‘ମୋତେ ଆକ୍ରମଣ କଲେ ବିଜେପିର ମୂଳଦୁଆ ହଲାଇଦେବି’, ବିଜେପିକୁ ଚରମ ଚେତାବନୀ ଦେଲେ ମମତା ବାନାର୍ଜୀ

ନୂଆଦିଲ୍ଲୀ: ଯଦି ବିଜେପି ବଙ୍ଗଳାରେ ମୋତେ ଆକ୍ରମଣ କରିବାକୁ ଚେଷ୍ଟା କରେ, ତେବେ ମୁଁ ସାରା ଭାରତରେ ଏହାର ମୂଳଦୁଆ ହଲାଇ ଦେବି। ମତୁଆଆ ସମ୍ପ୍ରଦାୟର ଗଡ଼ ବନଗାଓଁରେ ଗର୍ଜିଲେ ମୁଖ୍ୟମନ୍ତ୍ରୀ ମମତା ବାନାର୍ଜୀ। SIRକୁ ନେଇ ବିଜେପି ଏବଂ କେନ୍ଦ୍ର ସରକାରଙ୍କୁ କଡ଼ା ହମଲା କରିଛନ୍ତି ମମତା । ସେ କହିଛନ୍ତି ଗୋଟିଏ ଏସଆଇଆର ପୂରଣ କରିବାକୁ ତିନି ବର୍ଷ ସମୟ ଲାଗେ। ଆମେ କେବେ ଏହାକୁ ବିରୋଧ କରିନାହୁଁ। କିନ୍ତୁ ପ୍ରକୃତ ଭୋଟରଙ୍କ ନାମ ଡିଲିଟ୍ କରାଯାଇପାରିବ ନାହିଁ।"

ସେ ନିର୍ବାଚନ କମିଶନର ଭୂମିକା ଉପରେ ମଧ୍ୟ ପ୍ରଶ୍ନ ଉଠାଇ କହିଥିଲେ ଯେ ନିର୍ବାଚନ କମିଶନର କାମ ନିରପେକ୍ଷ ରହିବା, ବିଜେପି କମିଶନ ହେବା ନୁହେଁ। ଯଦି ଭୋଟରମାନେ ବେଆଇନ, ତେବେ ୨୦୨୪ରେ ସରକାରଙ୍କୁ ଦିଆଯାଇଛି ଭୋଟ ବି ବେଆଇନ। ମତୁଆ ସମ୍ପ୍ରଦାୟକୁ ସମ୍ବୋଧିତ କରି ସେ କହିଥିଲେ, "ଆପଣମାନେ ସମସ୍ତେ ପ୍ରକୃତ ଭୋଟର। ଆପଣ 2014 ରେ ମୋଦି ସରକାରଙ୍କୁ ଭୋଟ ଦେଇଥିଲେ। ଯଦି ଆପଣ ବେଆଇନ ହୋଇଯାଆନ୍ତି, ତେବେ ସେହି ସରକାର ମଧ୍ୟ ବେଆଇନ ହୋଇଯିବ।"

ମୁଖ୍ୟମନ୍ତ୍ରୀ ମମତା ବାନାର୍ଜୀ SIR ବିରୋଧୀ ରାଲିରେ କେନ୍ଦ୍ର ସରକାର ଏବଂ ବିଜେପି ଉପରେ କଠୋର ଆକ୍ରମଣ କରିଥିଲେ। ସେ ଦାବି କରିଥିଲେ ଯେ SIR ନାମରେ ବଙ୍ଗଳାର ଲୋକଙ୍କୁ ଭୟଭୀତ କରାଯାଉଛି ଏବଂ ଏହି ସମ୍ପୂର୍ଣ୍ଣ କାର୍ଯ୍ୟ ରାଜନୈତିକ ଉଦ୍ଦେଶ୍ୟ ପାଇଁ କରାଯାଉଛି। ସେ କହିଥିଲେ, "ବିଜେପି ମୋ ସହିତ ମୋ ଖେଳରେ ଲଢ଼ିପାରିବ ନାହିଁ, ମୋତେ ପରାସ୍ତ କରିପାରିବ ନାହିଁ। ଯଦି ବିଜେପି ବଙ୍ଗଳାରେ ମୋତେ ଆକ୍ରମଣ କରିବାକୁ ଚେଷ୍ଟା କରେ, ତେବେ ମୁଁ ସାରା ଭାରତରେ ଏହାର ମୂଳଦୁଆ ହଲାଇ ଦେବି।"

ସେହିପରି ମମତା ବାନାର୍ଜୀ CAA ଉପରେ ଆକ୍ରମଣ କରି କହିଥିଲେ ଯେ ଯେତେବେଳେ ନିର୍ବାଚନ ଆସେ ସେତେବେଳେ ବିଜେପି ଏହାକୁ ଏକ ପ୍ରସଙ୍ଗ କରିଥାଏ ଏବଂ ଧର୍ମ ଆଧାରରେ ଫର୍ମ ବାଣ୍ଟେ। ଯଦି ବିଜେପି ଚାହିଁବ, ତେବେ ସେମାନେ ମୋତେ ବାଂଲାଦେଶୀ କହିପାରିବେ। ଭାଷା ଭୂଗୋଳ ଉପରେ ନିର୍ଭର କରି ଭିନ୍ନ ହୁଏ, କିନ୍ତୁ ବଙ୍ଗଳା ଏକ ଏବଂ ସମାନ।