୬୦ ବର୍ଷରେ ସଲମାନ ; ନେମ୍-ଫେମ୍ ହାସଲ କରିକି ବି ଅଧୁରା ରହିଗଲା ଭାଇଜାନଙ୍କ ଇଚ୍ଛା

ନୂଆଦିଲ୍ଲୀ ୨୭।୧୨; ଆଜି ବଲିଉଡ୍‌ରେ ଭାଇଜାନ୍ ସଲମାନ୍ ଖାନଙ୍କ ଜନ୍ମଦିନ। ୬୦ ବର୍ଷରେ ପଦାର୍ପଣ କରିଥିବା ସଲମାନ ନିଜ ଜନ୍ମଦିନକୁ ଧୁମଧାମରେ ସେଲିବ୍ରେଟ କରୁଛନ୍ତି। ଆଉ ଫ୍ୟାନ୍ସ ମାନେ ତ ୪-୫ ଦିନ ହେଲାଣି ସେଲିବ୍ରେସନ୍ ମୁଡ୍ରେ ଅଛନ୍ତି। ୨୭ ଡିସେମ୍ବର ୧୯୬୫ରେ ସଲମାନଙ୍କ ଜନ୍ମ ହୋଇଥିଲେ। ସଲମାନ ଖାନ, ନାମଟି ହିଁ ଯଥେଷ୍ଟ। ସଲମାନ ହିନ୍ଦୀ ସିନେମାର ସବୁଠାରୁ ସଫଳ ସୁପରଷ୍ଟାରମାନଙ୍କ ମଧ୍ୟରୁ ଜଣେ। ହେଲେ ସଲମାନ ଗୋଟିଏ ଇଚ୍ଛା ଆଜି ବି ଅଧୁରା ରହିଛି । ଯାହାକୁ ପୂରା ହେଉଥିବାର ତାଙ୍କ ଫ୍ୟାନ୍ସମାନେ ମଧ୍ୟ ଦେଖିବାକୁ ଚାହାନ୍ତି ।

ସଲମାନ ବଲିଉଡର ଏପରି ଜଣେ ମଣିଷ ସେ ଯାହାକୁ ଛୁଇଁବେ ତାଙ୍କ ଭାଗ୍ୟ ବଦଳିଯାଏ। ଏହା ମଧ୍ୟ ସତ୍ୟ ଯେ ଲୋକମାନେ ଆଜିକାଲି ତାଙ୍କ ସହିତ ବାଧା ସୃଷ୍ଟି କରିବାକୁ ଡରନ୍ତି। ସଲମାନ ଇଣ୍ଡଷ୍ଟ୍ରିରେ ଯାହା ବି ନେମ୍ ଫେମ୍ ହାସଲ କରିଛନ୍ତି, ସେ ସବୁ ନିଜ ବଳରେ କରିଛନ୍ତି। ଆଜି ତାଙ୍କ ପାଖରେ ଏକ ବିଳାସପୂର୍ଣ୍ଣ ଘର, ଏକ ଫାର୍ମହାଉସ୍ ଏବଂ ମହଙ୍ଗା କାର ଅଛି। ସଲମାନଙ୍କ ପାଖରେ ଏତେ ଟଙ୍କା ଅଛି ଯେ ସେ ବିଳାସପୂର୍ଣ୍ଣ ଜୀବନ କାଟିପାରିବେ, କିନ୍ତୁ ସବୁକିଛି ଥିବା ସତ୍ତ୍ୱେ, ସଲମାନ ତାଙ୍କ ବ୍ୟକ୍ତିଗତ ଜୀବନରେ ଟିକେ ଏକାକୀ ଅନୁଭବ କରନ୍ତି। ତାଙ୍କର ଇଣ୍ଡଷ୍ଟ୍ରିରେ ଅନେକ ଆଫେୟାର ଥିଲା, ଏପରିକି ବିବାହ ପର୍ଯ୍ୟନ୍ତ ମଧ୍ୟ ପହଞ୍ଚିଥିଲା, କିନ୍ତୁ ତାହା ପୂରା ହୋଇପାରିଲା ନାହିଁ। ବିବାହ ନକରିବା ପାଇଁ ସଲମାନଙ୍କ କୌଣସି ଦୁଃଖ ନାହିଁ। ହେଲେ ସେ ପିତା ହେବାକୁ ଚାହାଁନ୍ତି। ସେ ତାଙ୍କ ପୁତୁରା ଅରହାନ ଖାନଙ୍କ ପଡକାଷ୍ଟ ସମୟରେ ଏକ ସନ୍ତାନକୁ ପୋଷ୍ୟ ଭାବରେ ଗ୍ରହଣ କରିବାକୁ ଇଚ୍ଛା ପ୍ରକାଶ କରିଥିଲେ। କହିଥିଲେ ଯେ ସେ ଏକ ପିଲାକୁ ପୋଷ୍ୟ ସନ୍ତାନ ଭାବରେ ଗ୍ରହଣ କରିବାକୁ ଚେଷ୍ଟା କରିଥିଲେ, କିନ୍ତୁ ଏହା ସମ୍ଭବ ହୋଇନଥିଲା କାରଣ ପୋଷ୍ୟ ସନ୍ତାନ ଗ୍ରହଣ ପ୍ରକ୍ରିୟା ବହୁତ କଷ୍ଟକର ଏବଂ ସମୟ ଲାଗିଥାଏ।

ଅଭିନେତ୍ରୀମାନଙ୍କ ସହିତ ସମ୍ପର୍କ

ସଲମାନ ଖାନ ସଙ୍ଗୀତା ବିଜଲାନିଙ୍କ ସହିତ ଏକ ସିରିୟସ୍ ରିଲେଶନସିପ୍ରେ ଥିଲେ। ସେମାନଙ୍କ ବିବାହ କାର୍ଡ ମଧ୍ୟ ଛାପା ଯାଇଥିଲା, କିନ୍ତୁ ଶେଷରେ, ସେମାନଙ୍କ ସମ୍ପର୍କ ଭାଙ୍ଗିଗଲା। ସଙ୍ଗୀତା ପରେ, ସେ ସୋମି ଅଲିଙ୍କ ସହିତ ତାଙ୍କ ନାମ ଯୋଡା ହୋଇଥିଲେ। କିନ୍ତୁ ସୋମିଙ୍କ ସହ ସମ୍ପର୍କ ମଧ୍ୟ ଅଧିକ ଦିନ ତିଷ୍ଠି ପାରିଲା ନାହିଁ। ସୋମି ସଲମାନଙ୍କ ଉପରେ ମାରପିଟ୍ର ଅଭିଯୋଗ ଆଣିଥିଲେ। ଏହା ପରେ ତାଙ୍କର ଐଶ୍ୱର୍ଯ୍ୟା ରାୟଙ୍କ ମଧ୍ୟରେ ପ୍ରେମ ସମ୍ପର୍କର ଗଢି ଉଠିଥିଲା। ସଲମାନ ଏବଂ ଐଶ୍ୱର୍ଯ୍ୟା ରାୟଙ୍କ ସମ୍ପର୍କ କେଉଁଠାରେ ଶେଷ ହୋଇଥିଲା ତାହା ସମସ୍ତେ ଜାଣନ୍ତି।

ଐଶ୍ୱର୍ଯ୍ୟାଙ୍କ ସହ ବ୍ରେକଅପ୍ ପରେ, କ୍ୟାଟ୍ରିନା ସଲମାନଙ୍କ ଜୀବନରେ ଏଣ୍ଟ୍ରି କରିଥିଲେ, କିନ୍ତୁ କିଛି ସମୟ ପରେ ଦୁହେଁ ମଧ୍ୟ ଅଲଗା ହୋଇଗଲେ। ସଲମାନ ଏହି ଅଭିନେତ୍ରୀମାନଙ୍କ ସହ ତାଙ୍କ ସମ୍ପର୍କ ଆଗକୁ ବଢ଼ିପାରିଲା ନାହିଁ ସତ କିନ୍ତୁ ସେ ସଙ୍ଗୀତା ଏବଂ କ୍ୟାଟ୍ରିନାଙ୍କ ସହ ଆଜିବି ଏକ ଭଲ ସମ୍ପର୍କ ବଜାୟ ରଖିଛନ୍ତି। ଏହା ମଧ୍ୟ ଆଲୋଚନା ହେଉଛି ଯେ ସଲମାନ ଏବେ ଲୁଲିଆ ଭନ୍ତୁରଙ୍କୁ ଡେଟ୍ କରୁଛନ୍ତି, ଯାହାକୁ ପ୍ରାୟତଃ ସଲମାନଙ୍କ ସମସ୍ତ ପାରିବାରିକ କାର୍ଯ୍ୟକ୍ରମରେ ନଜର ଆସନ୍ତି।