ତଦନ୍ତକାରୀ ଅଧିକାରୀ ବିଚାରପତିଙ୍କ ସହ... ଉନ୍ନାଓ ପୀଡ଼ିତା ଆଣିଲେ ସଙ୍ଗୀନ ଅଭିଯୋଗ

ନୂଆଦିଲ୍ଲୀ: ଉନ୍ନାଓ ବଳାତ୍କାର ମାମଲାର ପୀଡିତା ତଦନ୍ତକାରୀ ଅଧିକାରୀଙ୍କ ବିରୋଧରେ ଗମ୍ଭୀର ଅଭିଯୋଗ ଆଣିଛନ୍ତି । ସେ କହିଛନ୍ତି ଯେ ଆଇଓ "ଅନ୍ୟ ପକ୍ଷ ଜିତିବା ପାଇଁ ବିଚାରପତିଙ୍କ ସହ ମିଶିଥିଲେ ।" ଦିଲ୍ଲୀ ହାଇକୋର୍ଟ ଦୋଷୀକୁ ଜାମିନ ପ୍ରଦାନ କରିବା ଏବଂ ତାଙ୍କର ଆଜୀବନ କାରାଦଣ୍ଡାଦେଶକୁ ସ୍ଥଗିତ ରଖିବା ପରେ ଏହି ଅଭିଯୋଗ କରିଛନ୍ତି । ପୀଡିତା ଏବଂ ତାଙ୍କ ମାଆ ଶନିବାର କେନ୍ଦ୍ରୀୟ ତଦନ୍ତ ବ୍ୟୁରୋ ଅଧିକାରୀମାନଙ୍କୁ ଭେଟି ଏହି ସମ୍ପର୍କରେ ଏକ ଅଭିଯୋଗ ଦାଖଲ କରିଛନ୍ତି ।

ପୀଡ଼ିତା କହିଛନ୍ତି, "ଅଭିଯୋଗ ହେଉଛି ଯେ ତଦନ୍ତକାରୀ ଅଧିକାରୀ ମୋ ପ୍ରତି ଅନ୍ୟାୟ କରିଛନ୍ତି । ସେ ଅପର ପକ୍ଷର ବିଜୟ ସୁନିଶ୍ଚିତ କରିବା ପାଇଁ ବିଚାରପତିଙ୍କ ସହ ଷଡ଼ଯନ୍ତ୍ର କରିଥିଲେ । ଯାହା ଦ୍ୱାରା ବଳାତ୍କାର ପୀଡିତା ହାରିଯିବେ, ତାଙ୍କର ସାହସ ଭାଙ୍ଗିଯିବ ଏବଂ ସେ ମାମଲାକୁ ଆଗକୁ ବଢାଇପାରିବେ ନାହିଁ ।" ସେ ଆହୁରି କହିଛନ୍ତି, "ଯଦି ସିବିଆଇ ମୋ ଓକିଲଙ୍କ ସହିତ ଠିଆ ହୋଇଥାନ୍ତା, ତେବେ ଆମକୁ ଏହି ଦିନ ଦେଖିବାକୁ ପଡ଼ି ନଥାନ୍ତା । ଆମେ ଜିତିଥାନ୍ତୁ, ଏବଂ ସେମାନେ ହାରିଯାଆନ୍ତେ ।" ପୂର୍ବତନ ବିଧାୟକ କୁଲଦୀପ ସେଙ୍ଗରର ଆଜୀବନ କାରାଦଣ୍ଡ ଉପରେ ସ୍ଥଗିତାଦେଶ ଏବଂ ଜାମିନ ପ୍ରଦାନ ନେଇ ଦିଲ୍ଲୀ ହାଇକୋର୍ଟଙ୍କ ନିର୍ଦ୍ଦେଶକୁ ସିବିଆଇ ସୁପ୍ରିମକୋର୍ଟରେ ଚ୍ୟାଲେଞ୍ଜ କରିଛି ।

#WATCH | Delhi | On CBI filing a petition in SC challenging the Delhi High Court’s order suspending the life sentence of Unnao rape convict Kuldeep Singh Sengar, the victim says, "Had the CBI stood with my lawyer, we wouldn't have had to see this day. We would have won, and they… pic.twitter.com/f5tATwkhwl

— ANI (@ANI) December 27, 2025

ଏହା ଉପରେ ପ୍ରତିକ୍ରିୟା ଦେଇ ପୀଡ଼ିତଙ୍କ ମାଆ କହିଛନ୍ତି, "ଯଦି CBI ଆମକୁ ଭେଟିବ, ତେବେ ହିଁ ଆମେ ସେମାନଙ୍କୁ ବିଶ୍ୱାସ କରିବୁ । ନଚେତ ଆମେ ସେମାନଙ୍କୁ କିପରି ବିଶ୍ୱାସ କରିପାରିବୁ ? ଆମେ ସିବିଆଇ ବିଷୟରେ ଆଲୋଚନା କରିନାହୁଁ । ଆମେ କେବଳ କହିଛୁ ଯେ ତଦନ୍ତକାରୀ ଅଧିକାରୀ ସେମାନଙ୍କୁ ଭେଟିଛନ୍ତି । ସେ କୁଲଦୀପ ସେଙ୍ଗରଙ୍କ ଝିଅ ସହିତ କଥା ହେଉଥିଲେ । ଯେତେବେଳେ ଆମେ ତାଙ୍କୁ ପଚାରିଲୁ ଯେ ସେ ପୀଡିତାଙ୍କୁ ଜାଣନ୍ତି କି, ସେ କହିଲେ, 'ମୁଁ ତାଙ୍କୁ କାହିଁକି ଜାଣିବି ?' ଏହା ସେ ଏକ କୋର୍ଟରେ କହିଥିଲେ ।"

ସେଙ୍ଗରଙ୍କୁ ଡିସେମ୍ବର ୨୦୧୯ରେ ଉନ୍ନାଓ ବଳାତ୍କାର ମାମଲାରେ ଦୋଷୀ ସାବ୍ୟସ୍ତ କରାଯାଇଥିଲା ଏବଂ ତାଙ୍କୁ ଆଜୀବନ କାରାଦଣ୍ଡ ସହିତ ୨୫ ଲକ୍ଷ ଟଙ୍କା ଜରିମାନା କରାଯାଇଥିଲା । ଏହି ମାମଲାରେ ଜାମିନ ପାଇଥିଲେ ମଧ୍ୟ ହତ୍ୟା ସହିତ ଜଡିତ ଅନ୍ୟ ଏକ ସିବିଆଇ ମାମଲାରେ ୧୦ ବର୍ଷର ସଜା କାଟୁଥିବାରୁ ତାକୁ ଜେଲରେ ରଖିବାକୁ ପଡ଼ିବ ।