ସରିବନି ଯୁଦ୍ଧ, ଚାଲିବ ୪ ସପ୍ତାହ : ଆମେରିକାର ପ୍ଲାନ୍ କହିଦେଲେ ଡୋନାଲ୍ଡ ଟ୍ରମ୍ପ୍

ନ୍ୟୁୟର୍କ, ୦ /୦୩: ଇସ୍ରାଏଲ ଏବଂ ଇରାନ ମଧ୍ୟରେ ଭୟଙ୍କର ଯୁଦ୍ଧ ଲାଗି ରହିଛି । ୬ରୁ ଅଧିକ ଦେଶ ଉପରେ ମିସାଇଲ ଆକ୍ରମଣ କରୁଛି ଇରାନ । ଅନ୍ୟ ଦିଗରେ ଇରାନ ଉପରେ ମିଳିତ ଭାବେ ଆକ୍ରମଣ କରୁଛନ୍ତି ଆମେରିକା ଏବଂ ଇସ୍ରାଏଲ । କେହି କାହାରିକୁ ଛାଡିବାକୁ ନାରାଜ । ତେବେ ଏହି ଯୁଦ୍ଧ ମାସେ ଧରି ଚାଲିବ ବୋଲି ଅନୁମାନ କରାଯାଉଛି । ଯୁଦ୍ଧ ୪ ସପ୍ତାହ ଧରି ଚାଲିପାରେ ବୋଲି କହିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ । ଏହାସହ ସହିଦ ହୋଇଥିବା ଆମେରିକୀୟ ସୈନ୍ୟଙ୍କୁ ସେ ଶ୍ରଦ୍ଧାଞ୍ଜଳି ଦେଇଛନ୍ତି ।

ଏହି ଖବରଟି ପଢନ୍ତୁ... T20 World Cup: ସେମି ଫାଇନାଲର ୪ ଟିମ୍, ଏହି ଦିନ ଇଂଲଣ୍ଡ ସହ ଭାରତର ସେମି ମୁକାବିଲା

ଟ୍ରମ୍ପ୍ କହିଛନ୍ତି ଯେ, ଇରାନ ବିରୋଧରେ ଆମେରିକାର ସୈନ୍ୟ ଅଭିଯାନ ମାସେ କିମ୍ବା ଚାରି ସପ୍ତାହ ଧରି ଜାରି ରହିବ । ପୂର୍ବରୁ ମଧ୍ୟ ଏପରି ପ୍ରକ୍ରିୟା ୪ ସପ୍ତାହ ଚାଲିଛି । ଚାରି ସପ୍ତାହ ପୂର୍ବରୁ ଏହା ସରିପାରେ । ଆମେରିକା ଇରାନର ସମସ୍ତ ନେତୃତ୍ୱକୁ ଧ୍ୱଂସ କରିବାକୁ ଲକ୍ଷ୍ୟ ରଖିଛି । ଯୁଦ୍ଧରେ ଇରାନର ୪୮ ଜଣ ଟପ୍ ନେତା ପ୍ରାଣ ହରାଇଛନ୍ତି ।

ଅନ୍ୟ ଦିଗରେ ସହିଦ ହୋଇଥିବା ଆମେରିକୀୟ ସୈନ୍ୟଙ୍କୁ ଟ୍ରମ୍ପ୍ ଶ୍ରଦ୍ଧାଞ୍ଜଳି ଜଣାଇଛନ୍ତି । ସୈନ୍ୟମାନଙ୍କୁ ଟ୍ରମ୍ପ୍ ମହାନ ବୋଲି କହିଛନ୍ତି । ପୂର୍ବଥର ସେମାନେ ଭେନେଜୁଏଲା ଉପରେ ଏୟାରଷ୍ଟ୍ରାଇକ୍ ଏବଂ ଇରାନର ପରମାଣୁ ଭଣ୍ଡାର ଉପରେ ଆକ୍ରମଣ କରିଥିଲେ । କିନ୍ତୁ ଏଥିରେ କୌଣସି ଯବାନ ମୃତାହତ ହୋଇନଥିଲେ ।

ୟୁଏସ ରାଷ୍ଟ୍ରପତି ଆହୁରି କହିଛନ୍ତି ଯେ, ଯୁଦ୍ଧରେ କିଛି ବି ଘଟିପାରେ । ଆଶଙ୍କା ସଦାବେଳେ ଲାଗି ରହିଥାଏ । ଅଧିକାରୀମାନେ ସହିଦ ହୋଇଥିବା ଯବାନଙ୍କ ପରିବାର ଲୋକଙ୍କ ସହ ସାକ୍ଷାତ କରିଛନ୍ତି । ସେ ନିଜେ ମୃତକଙ୍କ ପରିବାର ସଦସ୍ୟ ସହ ଆଲୋଚନା କରିବେ ବୋଲି ପ୍ରକାଶ କରିଛନ୍ତି ।