ମୋତେ ତାତ୍ସଲ୍ୟ କଲା ଭଳି ପଦବୀ ଦିଆଗଲା, ମୁଁ କେମିତି ତାକୁ ଗ୍ରହଣ କରିଥାନ୍ତି ?

କଟକ ୨୫।୧୧: ବିଜେଡିର ପଦ ଛାଡ଼ିଲେ ସାଂସଦ ଦେବାଶିଷ ସାମନ୍ତରାୟ । ସିନିୟର୍ ସିଟିଜେନ୍ ସେଲ୍ ଉପସଭାପତି ପଦରୁ ଦେବାଶିଷ ଇସ୍ତଫା ଦେଇଛନ୍ତି । ବିଜେଡି ସଭାପତି ନବୀନ ପଟ୍ଟନାୟକଙ୍କ ନିକଟରୁ ସେ ତାଙ୍କ ଇସ୍ତଫାପତ୍ର ପଠାଇ ଦେଇଛନ୍ତି । ତେବେ ଦଳ ତାଙ୍କୁ ଗୁରୁତ୍ୱ ଦେଉନଥିବାରୁ ପଦବୀ ଛାଡ଼ିଥିବା ଇସ୍ତଫାପତ୍ରରେ ସେ ଉଲ୍ଲେଖ କରିଛନ୍ତି । ବିଜୁ ବାବୁଙ୍କ ଆଦର୍ଶରେ ଆଉ ଦଳ ଚାଲୁନଥିବା ମଧ୍ୟ ସେ ଚିଠିରେ ଦର୍ଶାଇଛନ୍ତି ।

ତେବେ ଇସ୍ତଫା ଦେବା ପରେ ଦେବାଶିଷ ସାମନ୍ତରାୟ ପ୍ରତିକ୍ରିୟା ରଖି କହିଛନ୍ତି, ବହୁତ ସମୟ ଅପେକ୍ଷା କଲି । ୫ ମାସ ଅଗରୁ ମଧ୍ୟ ଚିଠି ଦେଇଥିଲି । ନବୀନ ବାବୁ ଅସୁସ୍ଥ ଥିବାରୁ ଭେଟି ପାରିନଥିଲି । ନବୀନ ବାବୁ ସୁସ୍ଥ ହେବା ପରେ ମଧ୍ୟ ମୋତେ ଦେଖା କରିବା ପାଇଁ ଦିଆଗଲା ନାହିଁ । ଦଳର ପ୍ରତି କର୍ମୀ ମନରେ ଏକ ପ୍ରଶ୍ନ ଅଛି, କିଏ ଏହି ଦଳକୁ ଚଲାଉଛି ? ପ୍ରସନ୍ନ ଆଚାର୍ଯ୍ୟଙ୍କ ପରି ବରିଷ୍ଠ ନେତାଙ୍କୁ ମଧ୍ୟ ଅଣଦେଖା କରାଯାଉଛି । ମୋତେ ଦିଆଯାଇଥିବା ପଦବୀଟି ରାଜନୈତିକ ନୁହେଁ ବ୍ୟୁରୋକ୍ରାଟିକ୍ ।

ସେ ଆହୁରି କହିଛନ୍ତି, ମୁଁ ବିଜୁ ଜନତା ଦଳ ଛାଡ଼ି ନାହିଁ । ନବୀନ ବାବୁ ମୁଖିଆ ଥିବା ପର୍ଯ୍ୟନ୍ତ ମୁଁ ଦଳରେ ଅଛି ଓ ରହିବି । ବିଜୁ ଜନତା ଦଳ ଏକ ବ୍ୟୁରୋକ୍ରାଟିକ୍ ଦଳରେ ପରିଣତ ହୋଇଯାଇଛି । ବିଜୁ ଲିଗାସି ଆଉ ନାହିଁ । ଗୋଟେ ଭିନ୍ନ ଆଦର୍ଶରେ ଏବେ ଦଳ ଚାଲିଛି । ଓ୍ବାକଫ୍ ବୋର୍ଡ ବିଲ୍ ବେଳେ ଦଳର ନିଷ୍ପତ୍ତି ଠିକ୍ ନଥିଲା । ନୂଆପଡ଼ା ନିର୍ବାଚନ ବେଳେ ବହୁତ ଭୁଲ୍ ନିଷ୍ପତ୍ତି ନିଆଗଲା । ମୋତେ ତାତ୍ସଲ୍ୟ କଲା ପରି ପଦବୀ ଦିଆଗଲା । ଏହାକୁ ମୁଁ କିପରି ଗ୍ରହଣ କରିବି ବୋଲି ଦେବାଶିଷ ପ୍ରଶ୍ନ କରିଛନ୍ତି ।