ଯୁଗାପଦର ଗାଁରେ ହତ୍ୟାକାଣ୍ଡ, ରାତିଅଧରେ ଗାଁ ଦାଣ୍ଡରେ ପିଟି ପିଟି ମାରିଦେଲେ

କନ୍ଧମାଳ ୨୩।୧୧ : କନ୍ଧମାଳ ଜିଲ୍ଲା କ.ନୂଆଗାଁ ଥାନା ଯୁଗାପଦର ଗାଁରେ ହତ୍ୟାକାଣ୍ଡ l ରାତି ଅଧରେ ଗାଁ ଦାଣ୍ଡରେ କାଠ ଫାଳିଆରେ ଯୁବକଙ୍କୁ ପିଟି ପିଟି ମାରିଦେଲେ। ନିଜ ଭଣଜାର ଦେହାନ୍ତ ଖବର ପାଇ କଂଜାମେଣ୍ଡି ଗାଁର ମାମୁ ଅଲେଖ ନାୟକ ଯୁଗାପଦର ଗାଁକୁ ଆସିଥିଲେ l ଯୁଗାପଦର ଗାଁର ମିଥୁନ ମଲିକ ନାମକ ଜଣେ ଯୁବକ କୌଣସି କାରଣକୁ ନେଇ ଅଲେଖ ନାୟକଙ୍କୁ ଠେଙ୍ଗାରେ ଆକ୍ରମଣ କରିଥିଲେ l ଅଲେଖ ତଳେ ଗଡି ପଡିବା ପରେ ପିଟି ପିଟି ମାରିଥିଲେ। ଏହି ପରେ କ.ନୂଆଗାଁ ଥାନାରେ ଯାଇ ଆତ୍ମ ସମର୍ପଣ କରିଛି ଅଭିଯୁକ୍ତ ମିଥୁନ ମଲିକ l ଘଟଣା ସ୍ଥଳରେ ବାଲିଗୁଡା ଏସଡ଼ିପିଓ ଏବଂ କ.ନୂଆଗାଁ ପୋଲିସ ପହଂଚି ମୃତ ଦେହ ଉଦ୍ଧାର କରିବା ସହ ଅଧିକ ତଦନ୍ତ କରୁଛନ୍ତି l