ସ୍ପେଶାଲ୍ ରିପୋର୍ଟ: ତୈଳ ସଙ୍କଟ ବେଳେ କାହା ପାଖରେ କେତେ ଷ୍ଟକ୍? ଚୀନ୍, ଆମେରିକା ନା ଜାପାନ | Oil Reserves

ନୂଆଦିଲ୍ଲୀ: ବିଶ୍ୱରେ ଏବେ ଯୁଦ୍ଧ ଏବଂ ଅଶାନ୍ତିର ବାତାବରଣ ଲାଗିରହିଛି। ମଧ୍ୟପ୍ରାଚ୍ୟରେ ଆମେରିକା-ଇରାନ ବିବାଦ କାରଣରୁ ତୈଳ ଯୋଗାଣ ବାଧାପ୍ରାପ୍ତ ହେବାର ଆଶଙ୍କା ଦେଖାଦେଇଛି। ଏଭଳି ଜରୁରୀକାଳୀନ ପରିସ୍ଥିତିର ମୁକାବିଲା ପାଇଁ ବିଶ୍ୱର ପ୍ରମୁଖ ରାଷ୍ଟ୍ରମାନେ ନିଜ ନିଜର 'ରଣନୀତିକ ତୈଳ ଭଣ୍ଡାର' ଗଚ୍ଛିତ ରଖିଥାନ୍ତି। ଯଦି ହଠାତ୍ ବିଶ୍ୱ ବଜାରରୁ ତୈଳ ଯୋଗାଣ ସମ୍ପୂର୍ଣ୍ଣ ବନ୍ଦ ହୋଇଯାଏ, ତେବେ କେଉଁ ଦେଶ ନିଜ ଗଚ୍ଛିତ ତୈଳ ସାହାଯ୍ୟରେ କେତେ ଦିନ ଚାଲିବ, ଜାଣନ୍ତୁ…

ଚୀନ୍ (China)

ବିଶ୍ୱର ଅନ୍ୟତମ ବୃହତ୍ ତୈଳ ଉପଭୋକ୍ତା ଚୀନ୍ ପାଖରେ ବିପୁଳ ପରିମାଣର ତୈଳ ଗଚ୍ଛିତ ରହିଛି।

 * ଗଚ୍ଛିତ ତୈଳ: ୪୦୦ ରୁ ୫୦୦ ନିୟୁତ ବ୍ୟାରେଲ।

 * ବାଣିଜ୍ୟିକ ଷ୍ଟକ୍: ଏହା ବ୍ୟତୀତ CNPC, Sinopec ଏବଂ CNOOC ଭଳି ଚାଇନିଜ୍ ତୈଳ କମ୍ପାନୀଗୁଡ଼ିକ ପାଖରେ ପ୍ରାୟ ୬୦୦-୯୦୦ ନିୟୁତ ବ୍ୟାରେଲ ତୈଳ ମହଜୁଦ୍ ଅଛି।

 * ଦୈନିକ ଖର୍ଚ୍ଚ: ଚୀନ୍ ଦୈନିକ ପ୍ରାୟ ୧୫-୧୬ ନିୟୁତ ବ୍ୟାରେଲ ତୈଳ ବ୍ୟବହାର କରେ।

 * କ୍ଷମତା: ଜରୁରୀକାଳୀନ ସ୍ଥିତିରେ ଏହି ଭଣ୍ଡାର ଚୀନକୁ ୮୦ ରୁ ୯୦ ଦିନ ପର୍ଯ୍ୟନ୍ତ ସୁରକ୍ଷା ଦେଇପାରିବ।

ଆମେରିକା (United States)

ଆମେରିକା ନିଜର ରଣନୀତିକ ତୈଳ ଭଣ୍ଡାରକୁ ମାଟି ତଳେ ଥିବା ବିଶାଳ ଲୁଣ ଗୁମ୍ଫାରେ ସୁରକ୍ଷିତ ରଖିଥାଏ।

 * ଗଚ୍ଛିତ ତୈଳ (SPR): ୪୧୫.୪ ନିୟୁତ ବ୍ୟାରେଲ କ୍ରୁଡ୍ ଅଏଲ୍ (ଟେକ୍ସାସ ଏବଂ ଲୁଇସିଆନା ଉପକୂଳରେ ଗଚ୍ଛିତ)।

 * ଆମଦାନୀ: ଆମେରିକା ଦୈନିକ ୬-୭ ନିୟୁତ ବ୍ୟାରେଲ ଆମଦାନୀ କରେ।

 * କ୍ଷମତା: ଯଦିଓ ମୋଟ ଗଚ୍ଛିତ ତୈଳ ଦେଶର ୨୦ ଦିନର ସମ୍ପୂର୍ଣ୍ଣ ଆବଶ୍ୟକତା ପୂରଣ କରିପାରିବ, ତଥାପି କେବଳ ଆମଦାନୀ ବନ୍ଦ ହେଲେ ଏହା ବିକଳ୍ପ ଭାବେ ଅତିକମରେ ୨ ମାସ ପର୍ଯ୍ୟନ୍ତ କାମରେ ଆସିବ।

ଜାପାନ (Japan)

ଜାପାନ ନିଜ ଦେଶର ବିଭିନ୍ନ ସ୍ଥାନରେ ତୈଳ ମହଜୁଦ୍ କରି ରଖିଛି।

 * ସରକାରୀ ଭଣ୍ଡାର: ପ୍ରାୟ ୨୬୦ ନିୟୁତ ବ୍ୟାରେଲ।

 * ଘରୋଇ ଭଣ୍ଡାର: ୧୮୦ ନିୟୁତ ବ୍ୟାରେଲ ସମତୁଲ୍ୟ ଇନ୍ଧନ ଏବଂ ୯୦ ନିୟୁତ ବ୍ୟାରେଲ ଅଶୋଧିତ ତୈଳ (Crude Oil)।

 * କ୍ଷମତା: ଜାପାନର ସରକାରୀ ଭଣ୍ଡାର ଆମଦାନୀ ସଙ୍କଟ ସମୟରେ ୧୪୬ ଦିନ ପର୍ଯ୍ୟନ୍ତ ଦେଶର ଆବଶ୍ୟକତା ପୂରଣ କରିବାକୁ ସକ୍ଷମ।

ୟୁରୋପୀୟ ଦେଶମାନଙ୍କର ସ୍ଥିତି (ଜର୍ମାନୀ, ଫ୍ରାନ୍ସ, ଇଟାଲୀ, ବ୍ରିଟେନ)

 ଜର୍ମାନୀ (Germany): ଜର୍ମାନୀ ପାଖରେ ୧୧୦ ନିୟୁତ ବ୍ୟାରେଲ କ୍ରୁଡ୍ ଅଏଲ୍ ଏବଂ ୬୭ ନିୟୁତ ବ୍ୟାରେଲ ପ୍ରସ୍ତୁତ ପେଟ୍ରୋଲିୟମ ଉତ୍ପାଦ ମହଜୁଦ୍ ଅଛି। ଏହା ସଙ୍କଟ ସମୟରେ ୯୦ ଦିନର ନେଟ୍ ତୈଳ ଆମଦାନୀର ଭରଣା କରିପାରିବ।

 ଫ୍ରାନ୍ସ (France): ଫ୍ରାନ୍ସର ଷ୍ଟୋରେଜ୍ ଏଜେନ୍ସି  SAGESS ଦ୍ୱାରା ପରିଚାଳିତ ଭଣ୍ଡାରରେ ପ୍ରାୟ ୧୨୦ ନିୟୁତ ବ୍ୟାରେଲ (କ୍ରୁଡ୍, ଡିଜେଲ, ପେଟ୍ରୋଲ, ଜେଟ୍ ଫୁଏଲ୍ ଆଦି) ଗଚ୍ଛିତ ଅଛି। ଦୈନିକ ୧.୫-୧.୬ ନିୟୁତ ବ୍ୟାରେଲ ଖର୍ଚ୍ଚ କରୁଥିବା ଫ୍ରାନ୍ସ ପାଇଁ ଏହା ୯୦ ରୁ ୧୦୦ ଦିନ ପର୍ଯ୍ୟନ୍ତ ଯଥେଷ୍ଟ।

  ଇଟାଲୀ (Italy): OCSIT ଦ୍ୱାରା ପରିଚାଳିତ ଇଟାଲୀର ଭଣ୍ଡାରରେ ୭୬ ନିୟୁତ ବ୍ୟାରେଲ ତୈଳ ଅଛି। ଆମଦାନୀ ବାଧାପ୍ରାପ୍ତ ହେଲେ ଏହା ଇଟାଲୀକୁ ୯୦ ଦିନ ପର୍ଯ୍ୟନ୍ତ ସୁରକ୍ଷା ଦେବ।

  ବ୍ରିଟେନ (United Kingdom): ବ୍ରିଟେନ ପାଖରେ ସମୁଦାୟ ୬୮ ନିୟୁତ ବ୍ୟାରେଲ (୩୮ ନିୟୁତ କ୍ରୁଡ୍ ଓ ୩୦ ନିୟୁତ ରିଫାଇଣ୍ଡ) ତୈଳ ରହିଛି। ଦୈନିକ ୧.୪-୧.୫ ନିୟୁତ ବ୍ୟାରେଲ ଖର୍ଚ୍ଚ ହିସାବରେ ଏହା ୬୦ ରୁ ୯୦ ଦିନ ପର୍ଯ୍ୟନ୍ତ ବ୍ରିଟେନକୁ ସମ୍ଭାଳି ନେବ।

​​​​​​​also- ଭାରତ ପାଇଁ ବଢ଼ିଲା ଟେନସନ, ଯୁଦ୍ଧ ସଙ୍କଟ ବେଳେ ଟ୍ରମ୍ପ ନେଲେ ବଡ଼ ପଦକ୍ଷେପ

ଇରାନ, ଭେନେଜୁଏଲା, ରୁଷିଆ ଓ ସାଉଦି ଆରବ

ଆନ୍ତର୍ଜାତୀୟ ଶକ୍ତି ଏଜେନ୍ସି ର ରିପୋର୍ଟ ଅନୁଯାୟୀ, ବିଶ୍ୱର ବିଭିନ୍ନ ଦେଶର ସ୍ଥଳଭାଗ ଷ୍ଟୋରେଜରେ ଅତିରିକ୍ତ ଦୈନିକ ୧.୩ ନିୟୁତ ବ୍ୟାରେଲ ହିସାବରେ ତୈଳ ମହଜୁଦ୍ ଅଛି। ଏଗୁଡ଼ିକ ମୁଖ୍ୟତଃ ଇରାନ, ଭେନେଜୁଏଲା, ରୁଷିଆ, ସାଉଦି ଆରବ ଏବଂ ଅନ୍ୟାନ୍ୟ ଉପସାଗରୀୟ ଦେଶ (GCC) ରେ ରହିଛି। ଏହାବ୍ୟତୀତ ସମୁଦ୍ରରେ ଥିବା ଭାସମାନ ଟ୍ୟାଙ୍କର ଗୁଡ଼ିକରେ ପ୍ରାୟ ୮୦ ନିୟୁତ ବ୍ୟାରେଲ ତୈଳ ଗଚ୍ଛିତ ଅଛି, ଯାହାର ଅଧିକାଂଶ ଭାଗ ଇରାନ, ଭେନେଜୁଏଲା ଏବଂ ରୁଷିଆର ଅଟେ।