ଗତ ୨୧ ଦିନରେ ୧୦ ହଜାର ଟଙ୍କାରୁ ଅଧିକ କମିଲାଣି ସୁନା: ରୁପା ପାଖାପାଖି ୩୦ ହଜାର କମିଛି

ନୂଆଦିଲ୍ଲୀ: ଫେଷ୍ଟିଭ ସିଜନ ପରେ ସୁନା ମୂଲ୍ୟରେ ବଡ଼ ହ୍ରାସ ଦେଖିବାକୁ ମିଳିଛି। ୨୧ ଦିନ ମଧ୍ୟରେ ସୁନାର ମୂଲ୍ୟ ୧୦,୭୭୪ ଟଙ୍କା ହ୍ରାସ ପାଇ ଶୁକ୍ରବାର ପ୍ରତି ୨୪ କ୍ୟାରେଟ ୧୦ ଗ୍ରାମ ୧,୨୦,୧୦୦ ହୋଇଛି। ଅକ୍ଟୋବର ୧୭ ତାରିଖରେ ଏହାର ମୂଲ୍ୟ ସର୍ବକାଳୀନ ସର୍ବାଧିକ ୧,୩୦,୮୭୪ ଟଙ୍କାରେ ପହଞ୍ଚିଥିଲା।ଇଣ୍ଡିଆ ବୁଲିଅନ ଆଣ୍ଡ୍ ଜୁଏଲର୍ସ ଆସୋସିଏସନ୍ (IBJA) ଅନୁଯାୟୀ, ଆଜି(ନଭେମ୍ବର ୭) ସୁନାର ମୂଲ୍ୟ ୫୭୦ ହ୍ରାସ ପାଇଛି।

ତେବେ ସୁନା ତୁଳନାରେ ରୂପା ମୂଲ୍ୟ ସର୍ବାଧିକ ହ୍ରାସ ଘଟିଛି। ଗତ ୨୪ ଦିନରେ ରୁପା ମୂଲ୍ୟ ୨୯,୮୨୫ ଟଙ୍କା ହ୍ରାସ ପାଇଛି। ତେବେ ଶୁକ୍ରବାର ରୁପା ମୂଲ୍ୟରେ ମାତ୍ର ୩୩ ଟଙ୍କା ବୃଦ୍ଧି ପାଇଛି। ଫଳରେ ଏକ କିଲୋଗ୍ରାମ ମୂଲ୍ୟ ୧,୪୮,୦୧୦ ଟଙ୍କା ହୋଇଛି। ଅକ୍ଟୋବର ୧୪ ତାରିଖରେ ଏହାର ମୂଲ୍ୟ ସର୍ବକାଳୀନ ସର୍ବୋଚ୍ଚ ୧,୭୮,୧୦୦ରେ ପହଞ୍ଚିଥିଲା।

ଆପଣଙ୍କ ସୂଚନା ପାଇଁ ଆମେ କହି ରଖୁଛୁ ଯେ IBJA ସୁନା ମୂଲ୍ୟରେ ୩% ଜିଏସ୍‌ଟି, ମେକିଂ ଚାର୍ଜ ଏବଂ ଅଳଙ୍କାର ମାର୍ଜିନ୍ ଅନ୍ତର୍ଭୁକ୍ତ ନୁହେଁ। ତେଣୁ, ସହରଗୁଡ଼ିକର ମୂଲ୍ୟ ବୁଲିଅନ ମୂଲ୍ୟ ଠାରୁ ଅଲଗା ହୋଇଥାଏ। ତେବେ ବୁଲିଅନ ହାର କୁ ଆର୍‌ବିଆଇ ଦ୍ୱାରା ସୋଭରେନ ଗୋଲ୍ଡ ବଣ୍ଡର ହାର ନିର୍ଣ୍ଣୟ କରିବା ପାଇଁ ବ୍ୟବହାର କରାଯାଏ। ଅନେକ ବ୍ୟାଙ୍କ ସୁନା ଋଣ ହାର ନିର୍ଣ୍ଣୟ କରିବା ପାଇଁ ଏଗୁଡ଼ିକୁ ବ୍ୟବହାର କରନ୍ତି।

ଚଳିତ ବର୍ଷ ଏପର୍ଯ୍ୟନ୍ତ ସୁନାର ମୂଲ୍ୟ ୪୩,୯୩୮ ବୃଦ୍ଧି ପାଇଛି। ୩୧ ଡିସେମ୍ବର ୨୦୨ରେ 10 ଗ୍ରାମ ୨୪ କ୍ୟାରେଟ୍ ସୁନାର ମୂଲ୍ୟ ୭୬,୧୬୨ ଟଙ୍କା ଥିଲା, ଯାହା ଏବେ ୧,୨୦,୧୦୦ କୁ ବୃଦ୍ଧି ପାଇଛି।

ସେହିପରି ରୁପା ଦାମରେ ମଧ୍ୟ ୬୨,୨୫୮ ଟଙ୍କା ବୃଦ୍ଧି ପାଇଛି। କାରଣ ଗତ ବର୍ଷ ଡିସେମ୍ବର ୩୧ ତାରିଖରେ ରୁପା କେଜି ପ୍ରତି ୮୬,୦୧୭ ଟଙ୍କା ଥିଲା। ଯାହା ଏବେ କେଜି ୧,୪୮,୨୭୫ ଟଙ୍କାକୁ ବୃଦ୍ଧି ପାଇଛି।