‘ମନ୍ଦିରର ପୂଜାରୀ କୌଣସି ବିଶେଷ ଜାତି କିମ୍ୱା ବଂଶରୁ ହେବା ଜରୁରି ନୁହେଁ’, ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ

ନୂଆଦିଲ୍ଲୀ: ମନ୍ଦିରରେ ପୂଜାରୀଙ୍କ ନିଯୁକ୍ତି ଉପରେ କେରଳ ହାଇକୋର୍ଟ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଶୁଣାଇଛନ୍ତି । ମନ୍ଦିରରେ ପୂଜାରୀଙ୍କ ନିଯୁକ୍ତି କେବଳ ଏକ ବିଶେଷ ଜାତି କିମ୍ୱା ବଂଶରୁ ହିଁ ହେବେ ବୋଲି କେହି ମଧ୍ୟ ଜୋର ଦେଇପାରିବେ ନାହିଁ ବୋଲି ହାଇକୋର୍ଟ କହିଛନ୍ତି । ଏହାସହ କୋର୍ଟ ସ୍ପଷ୍ଟ କରିଛନ୍ତି ଯେ ଏପରି ଜାତି କିମ୍ୱା ବଂଶ-ଆଧାରିତ ନିଯୁକ୍ତି ଭାରତର ସମ୍ୱିଧାନ ଅଧିନରେ କୌଣସି ସଂରକ୍ଷଣ ପ୍ରଦାନ କରିବା ପାଇଁ ଆବଶ୍ୟକୀୟ ଧାର୍ମିକ ପ୍ରଥା ନୁହେଁ ।

କେରଳ ହାଇକୋର୍ଟ କହିଛନ୍ତି ଯେ କୌଣସି ବିଶେଷ ଜାତିର ବ୍ୟକ୍ତି ହିଁ ମନ୍ଦିରର ପୂଜାରୀ ହୋଇପାରିବେ କିମ୍ୱା କୌଣସି ବଂଶର ବ୍ୟକ୍ତି ହୋଇପାରିବେ ବୋଲି ହିନ୍ଦୁ ଧର୍ମଗ୍ରନ୍ଥରେ କୌଣସି ସ୍ଥାନରେ ଉଲ୍ଲେଖ ନାହିଁ । କେରଳର ପ୍ରାୟ ୩୦୦ ପାରମ୍ପରିକ ଥାନ୍ଥ୍ରୀ ପରିବାରର ପ୍ରତିନିଧିତ୍ୱ କରୁଥିବା ସଂଗଠନ ଅଖଳ କେରଳ ଥାନ୍ଥ୍ରୀ ସମାଜମ୍, ଯୁବ ପୂଜାରୀମାନଙ୍କୁ ମନ୍ଦିର ପୂଜା ଶିକ୍ଷା ଦେଉଥିବା ଥାନ୍ଥ୍ରୀ ସ୍କୁଲରୁ ପୂଜାରୀ ନିଯୁକ୍ତିକୁ ଚ୍ୟାଲେଞ୍ଜ କରି କୋର୍ଟରେ ଏକ ଆବେଦନ ଦାଖଲ କରିଥିଲା। ଏହାର ସଭାପତି ଏସାନନ୍ ନାମ୍ବୁଦିରିପାଦ ମଧ୍ୟ ଏହି ଆବେଦନକୁ ସମର୍ଥନ କରିଥିଲେ । ବିଚାରପତି ରାଜା ବିଜୟରାଘବନ ଭି ଏବଂ ବିଚାରପତି କେଭି ଜୟକୁମାରଙ୍କ ଖଣ୍ଡପୀଠ ଟ୍ରାଭାଙ୍କୋର ଦେବସ୍ୱମ ବୋର୍ଡ (ଟିଡିବି) ଏବଂ କେରଳ ଦେବସ୍ୱମ ନିଯୁକ୍ତି ବୋର୍ଡ (କେଡିଆରବି) ଦ୍ୱାରା ମନ୍ଦିର ପୂଜାରୀ ନିଯୁକ୍ତି ପାଇଁ 'ଥନ୍ଥ୍ରା ବିଦ୍ୟାଳୟ' ଦ୍ୱାରା ପ୍ରଦାନ କରାଯାଇଥିବା ଅଭିଜ୍ଞତା ପ୍ରମାଣପତ୍ରକୁ ସ୍ୱୀକୃତି ଦେବାର ନିଷ୍ପତ୍ତିକୁ କାଏମ ରଖି ଏହି ଟିପ୍ପଣୀ ଦେଇଛନ୍ତି । 

ଟ୍ରାଭାଙ୍କୋର ଦେବସ୍ୱମ ବୋର୍ଡ ଅଧିକାରୀ ଏବଂ ସେବକ ସେବା ନିୟମ ଅନୁଯାୟୀ, କିଛି ସମୟ ପାଇଁ ମନ୍ଦିର ପୁରୋହିତ ଭାବରେ ନିଯୁକ୍ତି ପାଇଁ ଯୋଗ୍ୟତା ଯେକୌଣସି ତାନ୍ତ୍ରିକ ବିଦ୍ୟା ପୀଠ କିମ୍ବା TDB/KDRB ଦ୍ୱାରା ସ୍ୱୀକୃତିପ୍ରାପ୍ତ ଯେକୌଣସି ପ୍ରତିଷ୍ଠିତ ଅନୁଷ୍ଠାନରୁ 'ଶାନ୍ଥି' ପାଠ୍ୟକ୍ରମରେ ପ୍ରମାଣପତ୍ର ଥିବା ଆବଶ୍ୟକ ଥିଲା ।

ଏହା ଉପରେ ହାଇକୋର୍ଟ କହିଛନ୍ତି ଯେ ହିନ୍ଦୁ ଧର୍ମରେ ଏପରି କୌଣସି ପରମ୍ପରା କିମ୍ୱା ବିଧାନ ନାହିଁ । ଖଣ୍ଡପୀଠ ଶୁଣାଣି ବେଳେ ୧୯୭୨ରେ ସୁପ୍ରିମକୋର୍ଟଙ୍କ ସେସମ୍ମଲ ବନାମ ତାମିଲନାଡ଼ୁ କେସ ଉପରେ ରାୟକୁ ଉଦାହରଣ ଭାବେ ଦର୍ଶାଇଥିଲେ । ଖଣ୍ଡପୀଠ କହିଥିଲେ ଯେ ସେତେବେଳ କୋର୍ଟ ସ୍ପଷ୍ଟ କରିଥିଲେ ଯେ ମନ୍ଦିର ପୂଜାରୀଙ୍କ ଭର୍ତ୍ତି ଏକ ସେକୁଲାର ନିଷ୍ପତ୍ତି ହୋଇଥାଏ । ଏଥିରେ ଧର୍ମର କୌଣସ ମାମଲା ନାହିଁ ଓ ଏହା କାମ ଟ୍ରଷ୍ଟି ଦ୍ୱାରା କରାଯାଏ । ଉଲ୍ଲେଖଯୋଗ୍ୟ, ଯେଉଁ ସୋସାଇଟିର ଡିଗ୍ରୀ କଥା କୁହାଯାଉଛି, ସେଠାରେ କେବଳ ବ୍ରାହ୍ମଣ ହିଁ ପଢ଼ନ୍ତି । ତେଣୁ ସମସ୍ତଙ୍କୁ ସୁଯୋଗ ଦେବା ନିୟମକୁ ଏହା ବିରୋଧ କରୁଛି ।