Dhurandhar: ସାଉଦି ଆରବ, ଓମାନ ଓ ୟୁଏଇ...୨୭୪ କୋଟି ଆୟ କରିଥିବା ଧୁରନ୍ଧର ୬ ଦେଶରେ ବ୍ୟାନ୍

ନୂଆଦିଲ୍ଲୀ: ରଣବୀର ସିଂହ, ଅକ୍ଷୟ ଖାନ୍ନା, ସଞ୍ଜୟ ଦତ୍ତ, ଅର୍ଜୁନ ରାମପାଲ ଏବଂ ମାଧବନ ଏବେ ଲାଇମଲାଇଟରେ ଅଛନ୍ତି । ଏହି ଷ୍ଟାରମାନଙ୍କ ଅଭିନୀତ ଫିଲ୍ମ 'ଧୁରନ୍ଧର' ପାଇଁ ଲୋକମାନେ ପାଗଳ । ଫିଲ୍ମର ଗୀତ ଏବଂ କ୍ଲିପ୍ ସୋସିଆଲ ମିଡିଆରେ ବେଶ ଭାଇରାଲ ହେଉଛି । ଫିଲ୍ମଟି ଏବେ ସବୁଠୁ ହେଡଲାଇନରେ ରହୁଥିବା ବେଳେ, ଏପରି ଏକ ଖବର ଆସିଛି ଯାହା ନିର୍ମାତାଙ୍କ ପାଇଁ ଚିନ୍ତା ବଢାଇ ଦେଇଛି । ଏହି ଫିଲ୍ମକୁ ୬ଟି ଦେଶରେ ବ୍ୟାନ୍ କରାଯାଇଛି । ଅର୍ଥାତ୍, ସେହି ଦେଶଗୁଡ଼ିକରେ ଫିଲ୍ମର ମୁକ୍ତିଲାଭ ଉପରେ କଟକଣା ଲଗାଯାଇଛି ।

ଯେଉଁ ସବୁ ଦେଶରେ ପିଲ୍ମକୁ ବ୍ୟାନ କରାଯାଇଛି, ସେଗୁଡ଼ିକ ହେଲା-ବାହାରିନ, କୁଏତ, ଓମାନ, କତାର, ସାଉଦି ଆରବ ଏବଂ ସଂଯୁକ୍ତ ଆରବ ଏମିରେଟ୍ସ (UAE) । ବଲିଉଡ୍ ହଙ୍ଗାମାର ଏକ ରିପୋର୍ଟ ଅନୁଯାୟୀ, "ଧୁରନ୍ଧର" ଏହି ଦେଶଗୁଡ଼ିକରେ ବ୍ୟାନ । ଏହି ଦେଶଗୁଡ଼ିକରେ ଫିଲ୍ମ ମୁକ୍ତିଲାଭ କରିନାହିଁ । "ଧୁରନ୍ଧର" ଟିମ୍ ଫିଲ୍ମ ରିଲିଜ୍ ପାଇଁ ସବୁ ଉଦ୍ୟମ କରିଥିଲେ, କିନ୍ତୁ ଏହି ଦେଶଗୁଡ଼ିକରେ ଫିଲ୍ମ ରିଲିଜ୍ ହୋଇପାରିଲା ନାହିଁ ।

ଆଦିତ୍ୟ ଧର ଏହି ଚଳଚ୍ଚିତ୍ରର ଲେଖକ ଓ ନିର୍ଦ୍ଦେଶକ । ରଣବୀର ସିଂହ, ଅକ୍ଷୟ ଖାନ୍ନା, ସଞ୍ଜୟ ଦତ୍ତ, ଅର୍ଜୁନ ରାମପାଲ ଏବଂ ମାଧବନଙ୍କ ବ୍ୟତୀତ, ଏହି ଚଳଚ୍ଚିତ୍ରରେ ରାକେଶ ବେଦୀ ମଧ୍ୟ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଅଛନ୍ତି । ବଲିଉଡ୍ ଅଭିନେତା ରାଜ ଅର୍ଜୁନଙ୍କ ଝିଅ ସାରା ଅର୍ଜୁନ ଏହି ଚଳଚ୍ଚିତ୍ରରେ ରଣବୀରଙ୍କ ବିପକ୍ଷରେ ଅଭିନୟ କରୁଛନ୍ତି ।

"ଧୁରନ୍ଧର" ଦର୍ଶକଙ୍କଠାରୁ ଜବରଦସ୍ତ ପ୍ରତିକ୍ରିୟା ପାଉଛି । ଏହି କାରଣରୁ ଫିଲ୍ମଟି ବକ୍ସ ଅଫିସରେ ଭଲ ପ୍ରଦର୍ଶନ କରୁଛି । ଡିସେମ୍ବର 5ରେ ସିନେମା ଘରେ ମୁକ୍ତିଲାଭ କରିଥିବା ଏହି ଫିଲ୍ମଟି ମାତ୍ର ଛଅ ଦିନରେ ସାରା ବିଶ୍ୱରେ ୨୭୪.୨୫ କୋଟି ଟଙ୍କା ରୋଜଗାର କରିଛି । କେବଳ ଭାରତରୁ ଏହି ଫିଲ୍ମଟି ୧୮୦.୨୫ କୋଟିର ନେଟ୍ କଲେକ୍ସନ କରିଛି । ଫିଲ୍ମଟି ଯେଉଁ ଗତିରେ ଆଗକୁ ବଢ଼ୁଛି, ଏହା ଆଗକୁ ବକ୍ସ ଅଫିସରେ ଧମାକା କରିବା ନିଶ୍ଚିତ ।