ନୂଆବର୍ଷରେ ଫ୍ୟାନ୍ସଙ୍କୁ ସରପ୍ରାଇଜ୍; ହାତରେ ମଦ, ମୁହଁରେ ସିଗାରେଟ୍...ପ୍ରଭାସ-ତୃପ୍ତିଙ୍କ ଲୁକ୍ ଇଣ୍ଟରନେଟରେ କରୁଛି ହଙ୍ଗାମା

ନୂଆଦିଲ୍ଲୀ ୦୨।୦୧; ନୂଆବର୍ଷ ୨୦୨୬ ଆରମ୍ଭରେ ଫ୍ୟାନ୍ସଙ୍କୁ ସାଉଥ ସୁପରଷ୍ଟାର ପ୍ରଭାସଙ୍କ ଭେଟି । ୧ ଜାନୁଆରୀ, ୨୦୨୬ରେ ବିଳମ୍ବିତ ରାତିରେ 'ସ୍ପିରିଟ୍' ପ୍ରଥମ ପୋଷ୍ଟର ରିଲିଜ୍ କରିଛନ୍ତି ନିର୍ମାତା । ଯେଉଁଥିରେ ପ୍ରଭାସ ଓ ତୃପ୍ତିଙ୍କ ଫାଷ୍ଟ ଲୁକ୍ ଦେଖିବାକୁ ମିଳିଛି । ଏହା ଦେଖି ଫ୍ୟାନ୍ସ ବେଶ ଉତ୍ସାହିତ ହୋଇଥିବା ବେଳେ ଏହି ପୋଷ୍ଟର ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ଏବଂ ହଇଚଇ ସୃଷ୍ଟି କରିଛି ।

ନିର୍ଦ୍ଦେଶକ ସନ୍ଦୀପ ରେଡ୍ଡୀ ଭାଙ୍ଗା ଇନଷ୍ଟାଗ୍ରାମରେ ପୋଷ୍ଟରଟି ସେୟାର କରି କ୍ୟାପସନ ଦେଇଛନ୍ତି, "ଭାରତୀୟ ସିନେମା। ଦେଖ ତୁମର ଅଜାନୁବାହୁଡୁ / ଅଜାନୁବାହୁ । ସନ୍ଦୀପ "ସ୍ପିରିଟ୍"ର ଏହି ପୋଷ୍ଟର ସହିତ ସମସ୍ତଙ୍କୁ ୨୦୨୬ ଶୁଭକାମନା ମଧ୍ୟ ଜଣାଇଛନ୍ତି । ପୋଷ୍ଟରରେ ପ୍ରଭାସଙ୍କୁ ସାର୍ଟଲେସ୍, ଝରକା ପାଖରେ ଆହତ ଅବସ୍ଥାରେ ପଡ଼ିଥିବା ଦେଖାଯାଇଛି। ଯେତେବେଳେ ତୃପ୍ତି ଡିମ୍ରି ତାଙ୍କ ସିଗାରେଟ୍ ଜାଳୁଛନ୍ତି । ପ୍ରଭାସ ଅଫ୍-ହ୍ୱାଇଟ୍ ପ୍ୟାଣ୍ଟ ଏବଂ ଚଷମା ପିନ୍ଧିଛନ୍ତି, ଯେତେବେଳେ ତୃପ୍ତି ଦେଶୀ ଲୁକରେ ନଜର ଆସିଛନ୍ତି ।

 

 

 

 

View this post on Instagram

 

 

 

 

 

 

 

 

 

 

 

A post shared by Sandeep Reddy Vanga (@sandeepreddy.vanga)

ଫ୍ୟାନ୍ସ ଏହାକୁ ଦେଖି ବେଶ ଉତ୍ସାହିତ ଥିବା ବେଳେ କମେଣ୍ଟ ବର୍ଷା କରିଛନ୍ତି । ଜଣେ ଫ୍ୟାନ୍ସ ଲେଖିଛନ୍ତି, "୨୦୨୬ ଏକ ଇଚ୍ଛା ସହ ଆରମ୍ଭ ହୁଏ ନାହିଁ, ଏହା ଏକ ଚେତାବନୀ ସହ ଆରମ୍ଭ ହୁଏ ।" ଅନ୍ୟ ଜଣେ ଲେଖିଛନ୍ତି, "ରାଜା ରକ୍ତାକ୍ତ ହେଉଛନ୍ତି, କିନ୍ତୁ ତାଙ୍କର ଦମ୍ଭ ଅପରିବର୍ତ୍ତିତ ରହିଛି ।" ଆଉ ଜଣେ ପ୍ରଶଂସକ ଦାବି କରିଛନ୍ତି ଏହାକୁ ଅର୍ଜୁନ ରେଡ୍ଡିର ଏକ ବଡ଼ ଭର୍ସନ ବୋଲି କହିଛନ୍ତି । ଅନେକ ପ୍ରଶଂସକ କହିଥିଲେ ଯେ ସ୍ପିରିଟ୍ କେବଳ ହିନ୍ଦୀ ବଜାରରେ ୧୦୦୦ କୋଟି ଅତିକ୍ରମ କରିବ ।

ସନ୍ଦୀପ ଭଙ୍ଗା ଏବଂ ପ୍ରଭାସଙ୍କ ଏହା ପ୍ରଥମ ସହଯୋଗ । ଭୂଷଣ କୁମାରଙ୍କ ଟି-ସିରିଜ୍ ଏବଂ ଭଦ୍ରକାଳୀ ପିକଚର୍ସ ସମର୍ଥନ କରିଛନ୍ତି । ପ୍ରଭାସ, ତୃପ୍ତି ସମେତ ପ୍ରକାଶ ରାଜ, କାଞ୍ଚନା ଏବଂ ବିବେକ ଓବୋରୟ ମୁଖ୍ୟ ଭୂମିକାରେ ନଜର ଆସିବେ । ପୂର୍ବରୁ, ଅକ୍ଟୋବରରେ ପ୍ରଭାସଙ୍କ ଜନ୍ମଦିନରେ, ନିର୍ମାତା ୫ଟି ଭାଷାରେ ଏକ ଅଡିଓ ଟିଜର ରିଲିଜ୍ କରିଥିଲେ। ଟିଜରରେ ପ୍ରଭାସ ଜେଲରେ ଥିବା ଜଣେ ଆଇପିଏସ୍ ଅଫିସର ଭୂମିକାରେ ଅଭିନୟ କରୁଥିବାର ପ୍ରକାଶ କରାଯାଇଥିଲା। ଫିଲ୍ମଟି ୨୦୨୬ରେ ମୁକ୍ତିଲାଭ କରିବାର ଯୋଜନା ରହିଛି ।