ହାସ୍ୟ ଅଭିନେତା ଗୁରୁ ପୃଷ୍ଟି ମୃତ୍ୟୁ ସସ୍‌ପେନ୍ସ : ସାମ୍ନାକୁ ଆସିଲା ଅଭିନେତ୍ରୀଙ୍କ ସହ ଚାଟ୍ ଆଉ ଅନ୍ତରଙ୍ଗ ମୁହୂର୍ତ୍ତର ଭିଡିଓ, ଦୁର୍ଘଟଣା ଦିନ କାହା ସହ ହୋଇଥିଲା ଝଗଡ଼ା ?

ଭଦ୍ରକ ୯।୧୨: ଯାତ୍ରାଜଗତର ହାସ୍ୟ ଅଭିନେତା ଗୁରୁ ପୃଷ୍ଟିଙ୍କ ମୃତ୍ୟୁ ମାମଲାରେ ନୂଆ ମୋଡ଼ । ଦୁର୍ଘଟଣାରେ ମୃତ୍ୟୁ ହୋଇନି, ହତ୍ୟା କରାଯାଇଥିବା ଅଭିଯୋଗ ଆଣିଲେ ହାସ୍ୟ ଅଭିନେତାଙ୍କ ପତ୍ନୀ । ଜଣେ ଅଭିନେତ୍ରୀଙ୍କ ସହ ତାଙ୍କର ପ୍ରେମ ସମ୍ପର୍କ ଥିଲା । ଯେଉଁଥି ପାଇଁ ତାଙ୍କୁ ହତ୍ୟା କରାଯାଇଥାଇପାରେ ବୋଲି ଅଭିଯୋଗ ଆଣିଛନ୍ତି ସ୍ତ୍ରୀ ସ୍ନେହଲତା ।

ପତ୍ନୀଙ୍କ ଅଭିଯୋଗ ଅନୁଯାୟୀ, ଗୁରୁଙ୍କ ସହ ଜଣେ ଅଭିନେତ୍ରୀଙ୍କର ପ୍ରେମ ସମ୍ପର୍କ ଥିଲା । ସେ ବିବାହ ପରେ ମଧ୍ୟ ଗୁରୁଙ୍କ ସହ ସମ୍ପର୍କରେ ଥିଲେ । ଏମିତି କି ଦୁର୍ଘଟଣା ଦିନ ଗୁରୁଙ୍କର ଏବଂ ସଂପୃକ୍ତ ଅଭିନେତ୍ରୀଙ୍କର ଏକ ଭିଡ଼ିଓ ସୋସିଆଲ ମିଡ଼ିଆରେ ଭାଇରାଲ୍ ହେଉଛି । ଏହି ଭାଇରାଲ୍ ଭିଡିଓରେ ଗୁରୁ ଏବଂ ସଂପୃକ୍ତ ଅଭିନେତ୍ରୀଙ୍କର ଏବଂ ଅନ୍ୟ କିଛି ଲୋକଙ୍କ ମଧ୍ୟରେ ଝଗଡ଼ା ହେଉଥିବା ଦେଖିବା ପାଇଁ ମିଳିଛି ।

ତେବେ ହାସ୍ୟ ଅଭିନେତା ଗୁରୁଙ୍କର ମୃତ୍ୟୁ ପରେ ତାଙ୍କର ଗୋଟିଏ ମୋବାଇଲ୍ ଓ ଅନ୍ୟ କିଛି ଜିନିଷ ପରିବାର ଲୋକେ ଏପର୍ଯ୍ୟନ୍ତ ପାଇ ନାହାନ୍ତି । ସେପଟେ ସଂପୃକ୍ତ ଅଭିନେତ୍ରୀଙ୍କ ସହ ଗୁରୁଙ୍କର ଚାଟ୍ ସହ କିଛି ଅନ୍ତରଙ୍ଗ ମୂହୁର୍ତ୍ତର ଭିଡ଼ିଓ ମଧ୍ୟ ସାମ୍ନାକୁ ଆସିଛି । ତେବେ ଖୁବ୍ ଶୀଘ୍ର ସ୍ବାମୀଙ୍କ ହତ୍ୟା ଘଟଣା ନେଇ ପୋଲିସରେ ଅଭିଯୋଗ କରିବେ ବୋଲି ସ୍ନେହଲତା କହିଛନ୍ତି ।