ତୃତୀୟ ଥର ପାଇଁ ପ୍ରେମାନନ୍ଦ ମହାରାଜଙ୍କୁ ସାକ୍ଷାତ କଲେ ବିରୁଷ୍କା, ଭାବବିହ୍ବଳ ହୋଇଗଲେ ସେଲିବ୍ରିଟି ଦମ୍ପତି

ନୂଆଦିଲ୍ଲୀ: ଭାରତୀୟ କ୍ରିକେଟର ବିରାଟ କୋହଲି ପତ୍ନୀ ଅନୁଷ୍କା ଶର୍ମାଙ୍କ ସହ ପୁଣି ଥରେ ବୃନ୍ଦାବନ ଗସ୍ତ କରିଛନ୍ତି । ସେଠାରେ ପ୍ରସିଦ୍ଧ ସନ୍ଥ ପ୍ରେମାନନ୍ତ ମହାରାଜଙ୍କୁ ଭେଟି ଆଶୀର୍ବାଦ ନେଇଛନ୍ତି । ତୃତୀୟ ଥର ପାଇଁ ଏହି ସେଲିବ୍ରିଟି ଦମ୍ପତି ପ୍ରେମାନନ୍ଦ ମହାରାଜଙ୍କୁ ସାକ୍ଷାତ କରିଛନ୍ତି । ଭାରତୀୟ କ୍ରିକେଟ କିମ୍ବଦନ୍ତୀ ବିରାଟ କୋହଲି ଏବଂ ପତ୍ନୀ ଅନୁଷ୍କା ଶର୍ମା ପ୍ରେମାନନ୍ଦ ମହରାଜଙ୍କୁ ଦାକ୍ଷାତ କରିବା ସମୟରେ ଭାବବିହ୍ବଳ ହୋଇପଡ଼ିଛନ୍ତି । ଏହି ସମୟର ଫଟୋ ଏବଂ ଭିଡିଓ ଏବେ ସୋସିଆଲ ମିଡଆରେ ଭାଇରାଲ ହେଉଛି ।

‘ଆମେ ଆପଣଙ୍କର ମହାରାଜ ଜୀ, ଆପଣ ଆମର’ ବୋଲି ଅନୁଷ୍କା କହୁଥିବା ଭିଡିଓରେ ଶୁଣିବାକୁ ମିଳୁଛି । ସେପଟେ ଭଜନ ମାର୍ଗର ଅଫିସିଆଲ୍ ଇନଷ୍ଟାଗ୍ରାମ୍ ଆକାଉଣ୍ଟରେ ଏନେଇ ଏକ ଭିଡିଓ ମଧ୍ୟ ସେୟାର କରାଯାଇଛି । ପ୍ରେମାନନ୍ଦ ଜୀ ମହାରାଜ ବିରାଟ ଏବଂ ଅନୁଷ୍କାଙ୍କୁ ଜୀବନ ବିଷୟରେ ଗୁରୁତ୍ୱପୂର୍ଣ୍ଣ ବାର୍ତ୍ତା ଦେଇଛନ୍ତି। ସେ ସେମାନଙ୍କୁ ସେମାନଙ୍କ ନିଜ ନିଜ କାର୍ଯ୍ୟ କ୍ଷେତ୍ରକୁ ଈଶ୍ୱରଙ୍କ ସେବା ଭାବରେ ବିଚାର କରିବାକୁ, ସର୍ବଦା ନମ୍ର ରହିବାକୁ ଏବଂ ନିରନ୍ତର ଈଶ୍ୱରଙ୍କ ନାମ ଜପ କରିବାକୁ ପରାମର୍ଶ ଦେଇଛନ୍ତି ।

 

 

 

 

View this post on Instagram

 

 

 

 

 

 

 

 

 

 

 

A post shared by Bhajan Marg Official (@bhajanmarg_official)

ସୂଚନା ଅନୁଯାୟୀ, ଚଳିତ ବର୍ଷ ବିରାଟ ଏବଂ ଅନୁଷ୍କା ତୃତୀୟ ଥର ଲାଗି ବୃନ୍ଦାବନ ଗସ୍ତ କରିଛନ୍ତି । ଏହି ଦମ୍ପତି ୟୁକେରୁ ଭାରତ ଆସିଛନ୍ତି । ପୂର୍ବରୁ ଜାନୁଆରୀରେ, ସେମାନେ ପ୍ରେମାନନ୍ଦ ଜୀ ମହାରାଜଙ୍କ ଆଶୀର୍ବାଦ ନେବା ପାଇଁ ପିଲାମାନଙ୍କ ସହିତ ବୃନ୍ଦାବନ ଯାଇଥିଲେ। ମେ ମାସରେ, ବିରାଟ କୋହଲି ଟେଷ୍ଟ କ୍ରିକେଟରୁ ଅବସର ଘୋଷଣା କରିବାର ପରଦିନ ଅନୁଷ୍କାଙ୍କ ସହ ମହାରାଜ ଜୀଙ୍କୁ ଭେଟିଥିଲେ।

ଅନୁଷ୍କା ଶର୍ମାଙ୍କ କାର୍ଯ୍ୟ ବିଷୟରେ କହିବାକୁ ଗଲେ, ସେ ବହୁତ ଦିନ ଧରି ଚଳଚ୍ଚିତ୍ରରୁ ଦୂରରେ ରହିଛନ୍ତି । ଅନୁଷ୍କା ତାଙ୍କ ଝିଅ ଭାମିକାର ଜନ୍ମ ପରେ ଚଳଚ୍ଚିତ୍ରରୁ ବିରତି ନେଇଥିଲେ। ଅନୁଷ୍କା ଏବଂ ବିରାଟଙ୍କର ଏକ ପୁଅ ମଧ୍ୟ ଅଛି । ଯାହାର ନାମ ଅକାୟ। ଅନୁଷ୍କା "ରବ୍ ନେ ବନା ଦି ଯୋଡ଼ି", "ଜବ୍ ତକ୍ ହୈ ଜାନ୍", "ପିକେ", "ସୁଲତାନ୍", "ଏ ଦିଲ୍ ହେ ମୁସ୍କିଲ୍", "ଏନଏଚ୍ ୧୦", "ପରୀ" ଏବଂ ଜିରୋ ଭଳି ଚଳଚ୍ଚିତ୍ରରେ ଚମତ୍କାର ଅଭିନୟ କରିଛନ୍ତି। ସେ ପରବର୍ତ୍ତୀ ସମୟରେ "ଚକଡା ଏକ୍ସପ୍ରେସ୍" ରେ ନଜର ଆସିବେ।