୧୨ ବର୍ଷ ବଡ ଜଷ୍ଟିନ୍ ଟ୍ରୁଡୋଙ୍କ ସହ ରିଲେଶନ କନଫର୍ମ କଲେ କେଟି ପେରୀ, ସେୟାର କଲେ ଜାପାନ ଟ୍ରିପ୍‌ର ଫଟୋ

ମୁମ୍ୱାଇ ୦୮। ୧୨: ପ୍ରସିଦ୍ଧ ଆମେରିକୀୟ ପପ୍ ସିଙ୍ଗର ଶେଷରେ କାନାଡାର ପୂର୍ବତନ ପ୍ରଧାନମନ୍ତ୍ରୀ ଜଷ୍ଟିନ୍ ଟ୍ରୁଡୋଙ୍କ ସହ ତାଙ୍କ ସମ୍ପର୍କରେ ମୋହର ଲଗାଇଛନ୍ତି । କେଟି ତାଙ୍କ ପ୍ରେମିକ ଟ୍ରୁଡୋଙ୍କ ସହ ଟୋକିଓ ଟ୍ରିପ୍ର ଅନେକ ଫଟୋ ଏବଂ ଭିଡିଓ ନିଜ ଇନ୍ଷ୍ଟାଗ୍ରାମ ଆକାଉଣ୍ଟରେ ସେୟାର କରିଛନ୍ତି । କ୍ୟାପ୍ସନରେ ଲେଖିଛନ୍ତି, ‘ଟୋକିଓ ଟାଇମ୍ସ ଅନ୍ ଟୁର୍ ଆଣ୍ଡ ମୋର’ । ଏକ ଫଟୋରେ କେଟି ଏବଂ ଟ୍ରୁଡୋ ସେଲ୍ଫି ନେଉଥିବା ଦେଖିବାକୁ ମିଳିଛି । ଉଭୟେ ଏକ ରେଷ୍ଟୁରାଣ୍ଟକୁ ଯାଇଥିବା ଏବଂ ସେଠାରେ କେଟି ଜାପାନୀ ଖାଦ୍ୟ ଖାଉଥିବା ଏକ ଭିଡିଓରେ ଦେଖାଯାଇଛି । ସେଠାରେ ଉଭୟେ ପରସ୍ପରକୁ ପ୍ରେମର ସହ ଦେଖୁଛନ୍ତି ।

 

 

 

 

View this post on Instagram

 

 

 

 

 

 

 

 

 

 

 

A post shared by KATY PERRY (@katyperry)

ଦୀର୍ଘ ଦିନ ହେଲା ଉଭୟେ ପ୍ରେମରେ ଥିବା ନେଇ ଚର୍ଚ୍ଚା ଲାଗି ରହିଥିଲା । ହେଲେ ଦୁଇ ଜଣଙ୍କ ମଧ୍ୟରୁ କେହି ଏ ନେଇ ମୁହଁ ଖୋଲି ନ ଥିଲେ । ଗତ ଅକ୍ଟୋବରରେ ଉଭୟଙ୍କୁ ପ୍ରଥମ କରି ସାର୍ବଜନିକ ଭାବେ ଏକସଙ୍ଗରେ ଦେଖିବାକୁ ମିଳିଥିଲା । ତେବେ ଏ ନେଇ କାହାରି ପକ୍ଷରୁ ଔପଚାରିକ ଭାବେ କିଛି ଘୋଷଣା କରାଯାଇ ନ ଥିଲା । କେଟିଙ୍କ ପୂର୍ବରୁ ଜାପାନର ପୂର୍ବତନ ପ୍ରଧାନମନ୍ତ୍ରୀ ଫୁମିଓ କିଶିଦା ସୋସିଆଲ ମିଡିଆରେ ତାଙ୍କ ସ୍ତ୍ରୀଙ୍କ ସମେତ କେଟି ଏବଂ ଟୁଡୋଙ୍କ ସହ ଏକ ଫଟୋ ସେୟାର କରିଥିଲେ ।

ଏଥିରେ ସେ କେଟିଙ୍କୁ ଟ୍ରୁଡୋଙ୍କ ପାର୍ଟନର ଦର୍ଶାଇଥିଲେ । ଫଟୋକୁ ଟ୍ରୁଡୋ ରିପୋଷ୍ଟ କରି ଲେଖିଥିଲେ, ‘କେଟି ଏବଂ ମୁଁ ଆପଣଙ୍କ ସହ ସମୟ ବିତାଇ ବେଶ୍ ଖୁସି ହୋଇଥିଲୁ’ । ୨୦୨୩ରେ କେଟି ପେରୀ ଅଭିନେତା ଅର୍ଲାଣ୍ଡୋ ବ୍ଲୁମ୍ଙ୍କ ସହ ନିର୍ବନ୍ଧ ଭାଙ୍ଗି ଦେଇଥିଲେ । ଉଭୟଙ୍କର ଜଣେ ଝିଅ ଅଛନ୍ତି । ଟ୍ରୁଡୋ ୨୦୦୫ରେ ସୋଫି ଗ୍ରୋଗୋଇରେଙ୍କୁ ବିବାହ କରିଥିଲେ । ଉଭୟଙ୍କର ଦୁଇ ପୁଅ ଏବଂ ଜଣେ ଝିଅ ଅଛନ୍ତି । ପ୍ରଧାନମନ୍ତ୍ରୀ ଥିବାବେଳେ ୨୦୨୩ରେ ଟ୍ରୁଡୋ ସୋଫିଙ୍କଠାରୁ ଅଲଗା ହୋଇଯାଇଥିଲେ ।