ଭୂକମ୍ପ ଝଟକାରେ ଦୋହଲିଲା ତାଇଓ୍ବାନ, ତୀବ୍ରତା ୫.୧ ରେକର୍ଡ

ନୂଆଦିଲ୍ଲୀ: ତାଇଓ୍ବାନରେ ଶକ୍ତିଶାଳୀ ଭୂକମ୍ପ ଅନୁଭୂତ । ତାଇୱାନରେ ଗୁରୁବାର (ଡିସେମ୍ବର ୧୮) ୫.୧ ତୀବ୍ରତାର ଭୂମିକମ୍ପ ଅନୁଭୂତ ହୋଇଛି । ଏହି ଭୂମିକମ୍ପର କେନ୍ଦ୍ରସ୍ଥଳ ହୁଆଲିଏନ୍ ସହରଠାରୁ ପ୍ରାୟ ୧୮ କିଲୋମିଟର ଦୂରରେ ପ୍ରାୟ ୩୧.୬ କିଲୋମିଟର ଗଭୀରତାରେ ଥିଲା। ଏହି ଭୂମିକମ୍ପ ଏତେ ଶକ୍ତିଶାଳୀ ଥିଲା ଯେ, ରାଜଧାନୀ ତାଇପେରେ କିଛି ସମୟ ପାଇଁ କୋଠାଗୁଡ଼ିକୁ ଦୋହଲାଇ ଦେଇଥିଲା । ଏଥିରେ ମୃତାହତ କିମ୍ବା କ୍ଷୟକ୍ଷତି ନେଇ କୌଣସି ରିପୋର୍ଟ ଆସିନାହିଁ।

ତାଇୱାନ ଦୁଇଟି ଟେକ୍ଟୋନିକ୍ ପ୍ଲେଟର ସଂଯୋଗସ୍ଥଳ ନିକଟରେ ଅବସ୍ଥିତ। ଏହି ଦେଶ ଭୂମିକମ୍ପ ପ୍ରବଣ । ୨୦୧୬ ମସିହାରେ ଦକ୍ଷିଣ ତାଇୱାନରେ ଏକ ଭୂମିକମ୍ପରେ ୧୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିଲା । ୧୯୯୯ରେ ୭.୨ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଥିଲା । ଏଥିରେ ୨୦୦୦ ରୁ ଅଧିକ ଲୋକଙ୍କର ମୃତ୍ୟୁ ହୋଇଥିଲା।

ଗତ ବୁଧବାର ଜାପାନର ଉତ୍ତରରେ ଥିବା ଦ୍ୱୀପ ହୋକାଇଡୋରେ ୬.୫ ତୀବ୍ରତାର ଭୂମିକମ୍ପ ଅନୁଭୂତ ହୋଇଥିଲା । ଏହାର ମାତ୍ର ଗୋଟିଏ ସପ୍ତାହ ପରେ ଭାରତର ପୂର୍ବରେ ଥିବା ପଡ଼ୋଶୀ ଦେଶରେ ଭୂକମ୍ପର ଝଟକା ଅନୁଭୂତ ହୋଇଛି ।

ଏହା ପୂର୍ବରୁ ଡିସେମ୍ବର ୮ (ସୋମବାର) ଶକ୍ତିଶାଳୀ ଭୂମିକମ୍ପ ଝଟକାରେ ଥରିଥିଲା ଜାପାନ। ସୋମବାର ସନ୍ଧ୍ୟାରେ ଜାପାନରେ ୭.୬ ତୀବ୍ରତାର ଭୂମିକମ୍ପ ହୋଇଥିଲା । ଏନେଇ ମେରିକାର ଯୁକ୍ତରାଷ୍ଟ୍ର ଭୂତାତ୍ତ୍ୱିକ ସର୍ବେକ୍ଷଣ ସୂଚନା ଦେଇଥିଲା । ଏହି ଭୂମିକମ୍ପ ପାଇଁ ଜାପାନରେ ସୁନାମୀ ସତର୍କ ସୂଚନା ଜାରି କରାଯାଇଥିଲା ।