କେନ୍ଦୁଝର ବନଖଣ୍ଡର ୧୦୫ ବିଟ୍‌ରେ ଚାଲିଛି ବାଘ ଗଣନା, ଜାନୁଆରୀ ପର୍ଯ୍ୟନ୍ତ ଚାଲିବ

କେନ୍ଦୁଝର ୨୪।୧୧: କେନ୍ଦୁଝର ବନଖଣ୍ଡରେ ଚାଲିଛି ବାଘ ଗଣନା । କେନ୍ଦୁଝର ବନଖଣ୍ଡର ୧୦୫ଟି ବିଟ୍ରେ ଏବେ ଚାଲିଛି ବାଘ ଗଣନା । ଏହି ବାଘ ଗଣନା ଜାନୁଆରୀ ମାସ ପର୍ଯ୍ୟନ୍ତ ଏକାଧିକ ପର୍ଯ୍ୟାୟରେ ଚାଲିବ । ପ୍ରଥମେ କାର୍ନିଭର ସାଇନ୍ ସର୍ଭେ, ଆଙ୍ଗୁଲେଟ ସର୍ଭେ, ଭେଜିଟେସନ ସର୍ଭେ ଆଦି କରାଯିବ । ପରେ ଡିସେମ୍ବର ଓ ଜାନୁୟାରୀ ଦୁଇ ମାସ ମଧ୍ୟରେ କ୍ୟାମେରା ଟ୍ରାପ୍ ସର୍ଭେ ହେବ ।

ବର୍ତ୍ତମାନ ସୁଦ୍ଧା ଚାଲିଥିବା ପ୍ରାଥମିକ ସର୍ଭେରୁ ଅଟେଇ ସଂରକ୍ଷିତ ଜଙ୍ଗଲ ଓ ତେଲକୋଇ ଜଙ୍ଗଲରେ ସର୍ଭେରୁ କ୍ୟାଟ୍ ଫ୍ୟାମିଲିର ଓ କଲରାପତରିଆ ବାଘର ଅନେକ ଚିହ୍ନ ମିଳିଛି । ଦୁଇ ତିନି ବର୍ଷ ଧରି ଏହି ବାଘ ସଂଖ୍ୟା ବୃଦ୍ଧି ପାଇଥିବା ଦେଖିବାକୁ ମିଳିଛି । ଏପରିକି ଅନେକ ଥର ମହାବଳ ବାଘ ମଧ୍ୟ ଏହି ଅଟେଇ ସଂରକ୍ଷିତ ଜଙ୍ଗଲରେ ତାର ସ୍ଥିତି ଜାହିର କରିଛି I