'ମୁଁ ନେଟ୍ସରେ ଭଲ ଖେଳୁଛି, ଆଉଟ୍ ଅଫ୍ ଫର୍ମ୍ ହୋଇନି' -ସୂର୍ଯ୍ୟ କୁମାର

ନୂଆଦିଲ୍ଲୀ, ୧୫/୧୨:ପୁଣି ଫେଲ୍ ହେଲେ ସୂର୍ଯ୍ୟକୁମାର ଯାଦବ । ପିଛା ଛାଡୁନି ଖରାପ ଫର୍ମ୍ । ରବିବାର ଭାରତ-ଦକ୍ଷିଣ ଆଫ୍ରିକା ବିପକ୍ଷ ମୁକାବିଲାରେ କିଛି କରିସ୍ମା କରି ପାରିନାହାଁନ୍ତି ଟିମ୍ ଇଣ୍ଡିଆର ଟି୨୦ଅଧିନାୟକ ସୂର୍ଯ୍ୟକୁମାର । ସେ ମାତ୍ର୧୨ରନ୍ କରି ପ୍ୟାଭିଲିୟନ୍ ଫେରିଥିଲେ । ଭାରତ ମୁକାବିଲାକୁ ଜିତିନେଇଥିଲେ ବି ଦଳକୁ ଟେନସନ୍ ଦେଉଛି ସ୍କାଏଙ୍କ ଫର୍ମ୍ ।

ରବିବାର ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ତୃତୀୟ ଟି୨୦ମୁକାବିଲା ଖେଳାଯାଇଥିଲା । ଏଥିରେ ଭାରତୀୟ ବୋଲର ଦମଦାର୍ ବୋଲିଂ କରିଥିଲେ । ଫଳରେ ଭ୍ରମଣକାରୀ ଟିମ୍ ମାତ୍ର୧୧୭ରନରେ ଆଲ ଆଉଟ୍ ହୋଇଯାଇଥିଲା । ଜବାବରେ ଭାରତ୧୫.୫ଓଭରରେ୩ଓ୍ୱିକେଟ୍ ହରାଇ ବିଜୟ ଲକ୍ଷ୍ୟ ହାସଲ କରିନେଇଥିଲା । ଦଳ ପକ୍ଷରୁ ଅଭିଷେକ ଶର୍ମା ସର୍ବାଧିକ୩୫ରନ୍ କରିଥିବା ବେଳେ ତିଲକ ବର୍ମା୨୫ରନ୍ କରିଥିଲେ । କିନ୍ତୁ ସବୁଥର ଭଳି ଧର୍ମାଶାଳାରେ ମଧ୍ୟ ଫେଲ୍ ହୋଇଥିଲେ ସୂର୍ଯ୍ୟ । ନିଜ ଫର୍ମକୁ ନେଇ ମୁକାବିଲା ପରେ ସେ ପ୍ରତିକ୍ରିୟା ମଧ୍ୟ ଦେଇଛନ୍ତି ।

ସୂର୍ଯ୍ୟ କହିଛନ୍ତି ଯେ, ସେ ବଡ ସ୍କୋର କରିପାରୁ ନାହାଁନ୍ତି । ଏହାକୁ ସେ ଆଉଟ୍ ଅଫ୍ ଫର୍ମ୍ କହିବେନି । ରନ୍ ଶୀଘ୍ର କିମ୍ବା ବିଳମ୍ବରେ ଆସିଥାଏ । ସେ ନେଟ୍ସରେ ଚମତ୍କାର ବ୍ୟାଟିଂ କରୁଛନ୍ତି । ଯେତେବେଳେ ରନ୍ ଆସିବାକୁ ଥିବା ସେତେବେଳେ ଆସିବ । ନିଜକୁ ସେ କେବେ ହେଲେ ଫର୍ମରେ ନଥିବା ଖେଳାଳି ତାଲିକାରେ ସାମିଲ କରିବେ ନାହିଁ ବୋଲି କହିଛନ୍ତି ।

ସେ ଆହୁରି କହିଛନ୍ତି ଯେ, କ୍ରିକେଟ୍ ବହୁତ କିଛି ଶିଖାଇଥାଏ । ସିରିଜକୁକିପରି ପ୍ରତ୍ୟାବର୍ତ୍ତନ କରାଯିବ ତାହା ବେଶି ଗୁରୁତ୍ୱପୂର୍ଣ୍ଣ । ଧର୍ମଶାଳାରେ ସେ ସେପରି କରିଥିଲେ । କଟକର ସଫଳତା ଏବଂ ରଣନୀତିକୁ ଟିମ୍ ଧର୍ମଶାଳାରେ ଆପଣାଇଥିଲା । ଟିମ୍ ସଦସ୍ୟ ସଠିକ ଭାବରେ ଯୋଜନା ପ୍ରସ୍ତୁତ କରିଥିଲେ । ଅର୍ଶଦୀପ ସିଂ ଏବଂ ହର୍ଷିତ ରାଣା ଭଲ ବୋଲିଂ କରିଥିଲେ । ପୂର୍ବରୁ ସେମାନେ କରିଥିବା ତ୍ରୁଟିକୁ ସୁଧାରିବାରୁ ଭାରତ ଭଲ ପ୍ରଦର୍ଶନ କରିପାରିଲା ।

ସୂଚନାଯୋଗ୍ୟ,୨୦୨୫ରେ ସ୍କାଏଙ୍କ ଆଭରେଜ୍ ରହିଛି୧୪.୨୦। ଦକ୍ଷିଣ ଆଫ୍ରିକା ବିପକ୍ଷ ଟି୨୦ସିରିଜରେ ତାଙ୍କ ବ୍ୟାଟ୍ ପୁରା ଶାନ୍ତ ରହିଛି । କିନ୍ତୁ ଦଳର ପ୍ରଦର୍ଶନ ଭଲ ରହିଛି ।