ଦରମା ମିଳିଲାନି ବୋଲି ଇଞ୍ଜିନିୟର କରିଦେଲେ ଚକ୍କା ଜାମ୍, ଅନ୍ତର୍ଜାତୀୟ ବିମାନରେ ତାଲା

ନୂଆଦିଲ୍ଲୀ ୦୪/୧୧: ଆର୍ଥିକ ସଙ୍କଟର ସମ୍ମୁଖୀନ ହେଉଥିବା ପାକିସ୍ତାନ ଇଣ୍ଟରନ୍ୟାସନାଲ ଏୟାରଲାଇନ୍ସ (ପିଆଇଏ)କୁ ବଡ଼ ଝଟକା । ବିମାନ ଇଞ୍ଜିନିୟରମାନେ ଉଡ଼ାଣ ପାଇଁ ବିମାନଯୋଗ୍ୟତା କ୍ଲିୟରାନ୍ସ ଦେବା ବନ୍ଦ କରିବା ପରେ ସାରା ଦେଶରେ ବିମାନ ସେବା ସମ୍ପୂର୍ଣ୍ଣ ବନ୍ଦ ହୋଇଯାଇଛି ।

ସୋମବାର ରାତି ୮ଟାରେ ଭଜଲ୍ୟାରୁ ଗୋଟିଏ ବି ଅନ୍ତର୍ଜାତୀୟ ବିମାନ ଉଡ଼ାଣ କରିନାହିଁ । ସୂତ୍ର ଅନୁସାରେ, ଅତି କମରେ ୧୨ଟି ବିମାନ ସେବା ପ୍ରଭାବିତ ହୋଇଛି। ଇସଲାମାବାଦ, କରାଚୀ ଓ ଲାହୋରର ପ୍ରମୁଖ ବିମାନବନ୍ଦରରେ ଶହ ଶହ ପ୍ରବାସୀ ଫସି ରହିଛନ୍ତି।

ତେବେ PIAର CEO ଧର୍ମଘଟକୁ "ଅବୈଧ" ବୋଲି କହିଛନ୍ତି । ତାଙ୍କ କହିବା କଥା ଏହା ପାକିସ୍ତାନ ଅତ୍ୟାବଶ୍ୟକ ସେବା ଆଇନ ୧୯୫୨ ଅନୁଯାୟୀ ବେଆଇନ। ସେ ଦାବି କରିଛନ୍ତି ଯେ ଏହି ଧର୍ମଘଟ ଏୟାରଲାଇନ୍ସର ଚାଲୁଥିବା ଘରୋଇକରଣ ପ୍ରକ୍ରିୟାକୁ ଭଣ୍ଡୁର କରିବା ପାଇଁ ଉଦ୍ଦିଷ୍ଟ। 

ଏୟାରଲାଇନ୍ସ ପରିଚାଳନା କହିଛି ଯେ ଏହା ଶୀଘ୍ର ବିମାନ ଚଳାଚଳ ପୁନଃ ଆରମ୍ଭ କରିବା ପାଇଁ ଅନ୍ୟ ବାହକଙ୍କଠାରୁ ଇଞ୍ଜିନିୟରିଂ ସହାୟତା ବ୍ୟବସ୍ଥା କରିବାକୁ ଚେଷ୍ଟା କରୁଛି । ତଥାପି, PIAର ଉଡ଼ାଣ ସମୟସୂଚୀ ବର୍ତ୍ତମାନ ସମ୍ପୂର୍ଣ୍ଣ ଭାବରେ ବାଧାପ୍ରାପ୍ତ ହୋଇଛି । ସ୍ୱାଭାବିକ ହେବାର କୌଣସି ତୁରନ୍ତ ସଙ୍କେତ ନାହିଁ।