ଟପ ମାଓ କମାଣ୍ଡର ଦେବଜୀର ଆତ୍ମସମର୍ପଣ, ମୁଣ୍ଡ ଉପରେ ଥିଲା ୧ କୋଟି ଟଙ୍କାର ପୁରସ୍କାର

ହାଇଦ୍ରାବାଦ ୨୨।୨: ନିଷିଦ୍ଧ ଭାରତୀୟ କମ୍ୟୁନିଷ୍ଟ ପାର୍ଟି (ମାଓବାଦ)କୁ ଝଟକା ଦେଇ ଶୀର୍ଷ କମାଣ୍ଡର ତଥା ରଣନୀତିକାର ଥିପ୍ପିରୀ ତିରୁପତି ଓରଫ ଦେବଜୀ ତେଲେଙ୍ଗାନା ପୋଲିସ ନିକଟରେ ଆତ୍ମସମର୍ପଣ କରିଦେଇଛି। ୬୨ ବର୍ଷ ବୟଷ୍କ ଦେବଜୀ ତେଲେଙ୍ଗାନା ଜଗତିୟାଲ ଜିଲ୍ଲାର ବାସିନ୍ଦା ଓ ତା ମୁଣ୍ଡ ଉପରେ ୧ କୋଟି ଟଙ୍କାର ପୁରସ୍କାର ରାଶି ଥିଲା। ମେ ୨୦୨୫ରେ ଅମ୍ବାଲା କେଶବ ରାଓ (ବାସବ ରାଜୁ)ଙ୍କ ମୃତ୍ୟୁ ପରେ ଦେବଜୀକୁ ସଙ୍ଗଠନର ସମ୍ଭାବିତ ଉତ୍ତରାଧିକାରୀ ମନେ କରାଯାଉଥିଲା।

ଦେବଜୀ ପାର୍ଟିର ସେଣ୍ଟ୍ରାଲ କମିଟି ଓ ପଲିଟି ବ୍ୟୁରୋର ଜଣେ ମୁଖ୍ୟ ସଦସ୍ୟ ଥିଲା। ସେ ପ୍ୟୁପିଲସ୍ ଲିବରେସନ ଗୁରିଲ୍ଲା ଆର୍ମି ଗଠନରେ ଗୁରୁତ୍ୱପୂର୍ଣ୍ଣ ଭୂମିକା ନିର୍ବାହ କରିଥିଲା। ତେବ ଦେବଜୀର ଆତ୍ମସମର୍ପଣ ସହିତ ସଙ୍ଗଠନର ବରିଷ୍ଠ ନେତା ମଲ୍ଲା ରାଜୀ ରେଡ୍ଡୀ ଓ ଅନ୍ୟ କେତେକ କ୍ୟାଡର ଅସ୍ତ୍ରତ୍ୟାଗ କରିଛନ୍ତି। ଏହି ଆତ୍ମ ସମର୍ପଣ କେନ୍ଦ୍ର ସରକାରଙ୍କ ଦ୍ୱାରା ଦେଶରୁ ମାଓବାଦ ସମାପ୍ତ କରିବା ପାଇଁ ନିର୍ଦ୍ଦାରିତ ୩୧ ମାର୍ଚ୍ଚ ୨୦୨୬ ସମୟସୀମା ପୂର୍ବରୁ ହୋଇଛି।

ତେଲେଙ୍ଗାନା ପୋଲିସ ମହାନିର୍ଦ୍ଦେଶକ ବି.ଶିୱଧର ନିକଟରେ ମାଓବାଦୀଙ୍କୁ ସାମାଜିକ ମୁଖ୍ୟ ଧାରାକୁ ଫେରି ଆସିବାକୁ ନିବେଦନ କରିଥିଲେ। ସେ ରାଜ୍ୟ ସରକାରଙ୍କ ଆତ୍ମସମର୍ପଣ ଓ ପୁନର୍ବାସ ନୀତି ଅନୁସାରେ ମାଓବାଦୀଙ୍କୁ ସହାୟତା ପ୍ରଦାନ କରାଯିବ ବୋଲି ଡିଜିପି ଘୋଷଣା କରିଥିଲେ। ତେଲେଙ୍ଗାନା ପୋଲିସର ଉଦ୍ୟମ ଯୋଗୁ ଗତ ୨ ବର୍ଷରେ ଏପର୍ଯ୍ୟନ୍ତ ପାଖାପାଖି ୫୮୮ଜଣ ମାଓବାଦୀ ସାମାଜିକ ମୁଖ୍ୟ ଧାରାରେ ସାମିଲ ହେବା ପାଇଁ ଅସ୍ତ୍ରତ୍ୟାଗ କରିଛନ୍ତି। ତେବେ ଦେବଜୀର ଆତ୍ମସମର୍ପଣ ପେ ତେଲେଙ୍ଗାନାରେ ମାଓବାଦ ସଙ୍ଗଠନ ଦୁର୍ବଳ ହୋଇପଡିଥିବା ଅନୁମାନ କରାଯାଉଛି।

ଏହା ବି ପଢନ୍ତୁ :-ଭାରତରେ ହୋଇଥାନ୍ତା ବଡ ଧରଣର ଆକ୍ରମଣ, ଧରା ପଡିଲେ ୮ ସନ୍ଦିଗ୍ଧ ଆତଙ୍କବାଦୀ