'ବିପଦପୂର୍ଣ୍ଣ' ବର୍ଗରେ ଦିଲ୍ଲୀରେ ବାୟୁ ଗୁଣବତ୍ତା ସୂଚକାଙ୍କ, ବିଭିନ୍ନ ସ୍ଥାନରେ AQI ୫୦୦ ପାର୍

ନୂଆଦିଲ୍ଲୀ ୨୧/୧୦ : ଦୀପାବଳିରେ ନୂଆଦିଲ୍ଲୀ ବାୟୁରେ ବିଷ । ସକାଳୁ ଦିଲ୍ଲୀର ବାୟୁ ଗୁଣବତ୍ତା ମାନ ହ୍ରାସ । ନୂଆଦିଲ୍ଲୀରେ ଏୟାର କ୍ବାଲିଟି ଇଣ୍ଡେକ୍ସ ୫୫୦ ପାର୍ । ଗାଜିଆବାଦରେ ବାୟୁ ପ୍ରଦୂଷଣରୁ ଜଳୁଛି ଆଖି । 'ବିପଦପୂର୍ଣ୍ଣ' ବର୍ଗରେ ଦିଲ୍ଲୀରେ ବାୟୁ ଗୁଣବତ୍ତା ସୂଚକାଙ୍କ । ଦିଲ୍ଲୀ-NCR ଅଞ୍ଚଳର ବିଭିନ୍ନ ସ୍ଥାନରେ AQI ୫୦୦ ପାର୍ । ବିଶେଷ କରି ଦିଲ୍ଲୀର ନରେଲା ଅଞ୍ଚଳରେ AQI ୫୫୦ ଡେଇଁଲା । ଦୀପାବଳି ରାତିରୁ ବଢ଼ିବାରେ ଲାଗିଛି ବାୟୁ ପ୍ରଦୂଷଣ । 

ସୂଚନା ଥାଉକି, ସାରା ଦେଶରେ ଦୀପାବଳି ପର୍ବ ଅତ୍ୟନ୍ତ ଉତ୍ସାହର ସହିତ ପାଳନ କରାଯାଇଥିଲା । ରାଜଧାନୀ ଦିଲ୍ଲୀ ମଧ୍ୟ ରଙ୍ଗୀନ ଆଲୋକରେ ଆଲୋକିତ ଦେଖାଯାଉଥିଲା। ସୋମବାର ରାତିରେ ବହୁ ସଂଖ୍ୟକ ଲୋକ ଆତସବାଜି ଫୁଟାଇ ଦୀପାବଳି ପାଳନ କରିଥିଲେ । ଯାହା ପରେ ମଙ୍ଗଳବାର ସକାଳେ ଦିଲ୍ଲୀର ବାୟୁ ଗୁଣବତ୍ତା ଆହୁରି ଖରାପ ହୋଇଗଲା।

'ରେଡ୍ ଜୋନ୍'ରେ ଅନ୍ତର୍ଭୁକ୍ତ ୩୭ ଟି ମନିଟରିଂ ଷ୍ଟେସନ ମଧ୍ୟରୁ ୩୪ ଟିରେ ପ୍ରଦୂଷଣ ସ୍ତର ଯଥେଷ୍ଟ ବୃଦ୍ଧି ପାଇଛି। ଦୀପାବଳି ପରେ, ଦିଲ୍ଲୀର ବାୟୁ ଅତ୍ୟନ୍ତ ଖରାପ ହୋଇଯାଇଛି। ଆଜି ସକାଳେ ବାୟୁ ଗୁଣବତ୍ତା ବିପଦପୂର୍ଣ୍ଣ ବର୍ଗରେ ପହଞ୍ଚିଛି। ସକାଳ ୬ ଟାରେ, ସହରର ପ୍ରାୟ ସମସ୍ତ ଅଞ୍ଚଳରେ ବାୟୁ ଗୁଣବତ୍ତା ସୂଚକାଙ୍କ (AQI) ଅତ୍ୟନ୍ତ ବିପଦପୂର୍ଣ୍ଣ ବର୍ଗରେ ସାମିଲ ହୋଇଛି ।