ଦିଲ୍ଲୀ ବିସ୍ଫୋରଣ ମାମଲାରେ ସପ୍ତମ ଅଭିଯୁକ୍ତ ଗିରଫ, ଫରିଦାବାଦରୁ ସୋଏବଙ୍କୁ ବାନ୍ଧିଲା ପୋଲିସ

ନୂଆଦିଲ୍ଲୀ ୨୬/୧୧: ଦିଲ୍ଲୀ ଲାଲକିଲ୍ଲା କାର ବୋମା ବିସ୍ଫୋରଣ ମାମଲାରେ ତଦନ୍ତକାରୀ ସଂସ୍ଥା ଏକ NIAକୁ ବଡ଼ ସଫଳତା । NIA ଆତ୍ମଘାତୀ ବୋମା ବିସ୍ଫୋରଣକାରୀ ଉମର ନବିର ଜଣେ ସହଯୋଗୀକୁ ଗିରଫ କରିଛି NIA । ଯାହାର ନାମ ସୋଏବ । ଏହି ମାମଲାରେ ଏପର୍ଯ୍ୟନ୍ତ ସାତ ଜଣ ଅଭିଯୁକ୍ତଙ୍କୁ ଗିରଫ କରିସାରିଲାଣି । ଆତଙ୍କବାଦୀ ଉମର ନବିକୁ ଆଶ୍ରୟ ଦେବା ଓ ସହାୟତା କରିବା ଅଭିଯୋଗରେ ଜାତୀୟ ତଦନ୍ତକାରୀ ସଂସ୍ଥା (NIA) ଫରିଦାବାଦରୁ ସୋଏବକୁ ଗିରଫ କରିଛି ।

ଫରିଦାବାଦ (ହରିଆଣା)ର ଧୌଜ ନିବାସୀ ସୋଏବକୁ ଏହି ମାମଲାରେ ସପ୍ତମ ଅଭିଯୁକ୍ତ ଭାବରେ ଗିରଫ କରାଯାଇଛି । ତଦନ୍ତରୁ ଜଣାପଡିଛି ଯେ ନଭେମ୍ବର ୧୦ ତାରିଖରେ ଲାଲକିଲ୍ଲା ବାହାରେ କାର ବୋମା ବିସ୍ଫୋରଣ ପୂର୍ବରୁ ସେ ଉମରକୁ ଆଶ୍ରୟ ଦେବା ସହ ଲଜିଷ୍ଟିକ୍ ସହାୟତା ଯୋଗାଇଥିଲା । NIA ପୂର୍ବରୁ ଉମରର ଅନ୍ୟ ଛଅ ଜଣ ସହଯୋଗୀଙ୍କୁ ଗିରଫ କରିଛି । ଆତ୍ମଘାତୀ ଆକ୍ରମଣ ପଛର ସମ୍ପୂର୍ଣ୍ଣ ଷଡ଼ଯନ୍ତ୍ରର ପର୍ଦ୍ଦାଫାସ କରିବା ପାଇଁ ଏଜେନ୍ସି ଅନେକ ସୁରାକ ଉପରେ କାମ କରୁଛି।

ନଭେମ୍ବର ୧୦ ତାରିଖରେ ଲାଲକିଲ୍ଲା ନିକଟରେ ହୋଇଥିବା କାର ବୋମା ବିସ୍ଫୋରଣରେ ଅନେକ ଲୋକ ପ୍ରାଣ ହରାଇଥିଲେ । ଡଜନ ଡଜନ ଗୁରୁତର ଆହତ ହୋଇଥିଲେ। ଘଟଣା ପରେ ତୁରନ୍ତ NIA ତଦନ୍ତ ଦାୟିତ୍ୱ ନେଇଥିଲା । ଆତ୍ମଘାତୀ ବିସ୍ଫୋରଣ ସହିତ ଜଡିତ ବିଭିନ୍ନ ସୁରାକ ଖୋଜିବା ପାଇଁ ଏହି ସଂସ୍ଥା ଦେଶର ବିଭିନ୍ନ ରାଜ୍ୟରେ ଚଢାଉ କରୁଛି।