ୟୁକ୍ରେନ- ରୁଷ ଯୁଦ୍ଧ ସମାପ୍ତ କରିବାକୁ ଆମେରିକା ଦେଲା ସମୟ, ବନ୍ଦ ନକଲେ...

ନୂଆଦିଲ୍ଲୀ: ପ୍ରାୟ ଚାରି ବର୍ଷ ଧରି ଚାଲିଥିବା ଯୁଦ୍ଧ ସମାପ୍ତ କରିବା ପାଇଁ ୟୁକ୍ରେନ ଏବଂ ରୁଷକୁ ଜୁନ ମାସର ସମୟସୀମା ଦେଇଛି ଆମେରିକା । ଶୁକ୍ରବାର ସାମ୍ବାଦିକମାନଙ୍କ ସହ ଆଲୋଚନାବବେଳେ ୟୁକ୍ରେନ ରାଷ୍ଟ୍ରପତି କହିଛନ୍ତି ଯେ ଯଦି ଜୁନ୍ ମାସର ସମୟସୀମା ପୂରଣ ନହୁଏ, ତେବେ ଟ୍ରମ୍ପ ପ୍ରଶାସନ ଏହାକୁ ପୂରଣ କରିବା ପାଇଁ ଉଭୟ ପକ୍ଷ ଉପରେ ଚାପ ପକାଇବ।

ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନସ୍କି କହିଛନ୍ତି, ଆମେରିକା ଚଳିତ ଗ୍ରୀଷ୍ମ ଋତୁ ଆରମ୍ଭ ସୁଦ୍ଧା ଉଭୟ ପକ୍ଷଙ୍କୁ ଯୁଦ୍ଧ ସମାପ୍ତ କରିବାକୁ ପ୍ରସ୍ତାବ ଦେଉଛନ୍ତି। ହୋଇପାରେ ସେ ଏଥିପାଇଁ ଉଭୟ ପକ୍ଷକୁ ଚାପ ପକାଇପାରନ୍ତି। ୟୁକ୍ରେନ ରାଷ୍ଟ୍ରପତି ଆହୁରି କହିଛନ୍ତି, ସେମାନେ ଜୁନ୍ ସୁଦ୍ଧା ସବୁକିଛି କରିବାକୁ ଚାହାଁନ୍ତି। ଯୁଦ୍ଧ ସମାପ୍ତ କରିବା ପାଇଁ ସେମାନେ ସବୁକିଛି କରିବେ। ସେମାନେ ସବୁ ଘଟଣାଗୁଡ଼ିକର ଏକ ସ୍ପଷ୍ଟ ସୂଚୀ ଚାହାଁନ୍ତି ବୋଲି କହିଛନ୍ତି ଜେଲେନସ୍କି।

ଜେଲେନସ୍କି କହିଛନ୍ତି, ଆମେରିକା ପ୍ରଥମ ଥର ପାଇଁ ୟୁଏସରେ ଆସନ୍ତା ସପ୍ତାହରେ ପରବର୍ତ୍ତୀ ତ୍ରିପାକ୍ଷିକ ଆଲୋଚନା କରିବାକୁ ପ୍ରସ୍ତାବ ଦେଇଛି। ସମ୍ଭବତଃ ଏହି ବୈଠକ ମିଆମିରେ ହୋଇପାରେ। ଆମେ ଏହି ବୈଠକରେ ନିଶ୍ଚୟ ଯୋଗଦେବୁ ବୋଲି କହିଛନ୍ତି ୟୁକ୍ରେନ ରାଷ୍ଟ୍ରପତି।

ତେବେ ଏହି ଘଟଣା ଶନିବାର ୟୁକ୍ରେନର ନ୍ୟୁକ୍ଲିୟର ପ୍ଲାଣ୍ଟ ଉପରେ ରୁଷର ଆକ୍ରମଣର କିଛି ସମୟ ପରେ ଆସିଛି। ଶନିବାର ରାତିସାରା ୪୦୦ରୁ ଅଧିକ ଡ୍ରୋନ୍ ଦ୍ବାର ପ୍ରାୟ ୪୦ଟି କ୍ଷେପଣାସ୍ତ୍ର ନିକ୍ଷେପ କରିଛି ରୁଷ। ଜେଲେନସ୍କି ଏନେଇ ଏକ୍ସରେ ଏକ ପୋଷ୍ଟ ମାଧ୍ୟମରେ ସୂଚନା ଦେଇଛନ୍ତି। ଏହି ଆକ୍ରମଣ ପରେ ୟୁକ୍ରେନର ପରମାଣୁ ଶକ୍ତି କେନ୍ଦ୍ରଗୁଡ଼ିକୁ ଉତ୍ପାଦନ ହ୍ରାସ କରିବାକୁ ପଡ଼ିଥିଲା।

ରାଜ୍ୟ ଶକ୍ତି ପରିବହନ ପରିଚାଳନାକାରୀ ସଂସ୍ଥା ଉକ୍ରେନର୍ଗୋ କହିଛି ଯେ ବର୍ଷ ଆରମ୍ଭରୁ ଶକ୍ତି ଭିତ୍ତିଭୂମି ଉପରେ ଏହି ଆକ୍ରମଣ ଦ୍ୱିତୀୟ ଗଣହତ୍ୟା। ଏହା ଫଳରେ ପରମାଣୁ ଶକ୍ତି କେନ୍ଦ୍ରଗୁଡ଼ିକର ଉତ୍ପାଦନ ହ୍ରାସ କରିବାକୁ ବାଧ୍ୟ ହୋଇଛି। ଆଠଟି ଅଞ୍ଚଳର ଆଠଟି ପ୍ଲାଣ୍ଟ ଉପରେ ଆକ୍ରମଣ ହୋଇଛି ବୋଲି ସଂସ୍ଥା ପକ୍ଷରୁ କୁହାଯାଇଛି।