ମୁନିର ସେନାଙ୍କୁ ତାଲିବାନ ସରକାରଙ୍କ କଡ଼ା ଚେତାବନୀ, କହିଲେ-ଭାରତ ସୀମା ପର୍ଯ୍ୟନ୍ତ ଗୋଡେଇଗୋଡେଇ ମାରିବୁ

କାବୁଲ ୧୯।୧୦: ଆଫଗାନିସ୍ତାନ ଗୃହ ବ୍ୟାପାର ଉପମନ୍ତ୍ରୀ ତଥା ତାଲିବାନ ନେତା ମୌଲବୀ ମୁହମଦ ନବୀ ଓମାରୀ ରବିବାର ପାକିସ୍ତାନକୁ କଡ଼ା ଚେତାବନୀ ଦେଇଛନ୍ତି। ସେ କହିଛନ୍ତି ଯେ ଯଦି ପାକିସ୍ତାନୀ ସେନା ଆକ୍ରମଣକାରୀ ହୁଅନ୍ତି ତେବେ ଆଫଗାନ ସେନା ସେମାନଙ୍କୁ ଭାରତ ସୀମା ପର୍ଯ୍ୟନ୍ତ ପିଛା କରିପାରିବେ। ସେ କହିଛନ୍ତି ଯେ ଯଦି ଆଫଗାନ ଆଦିବାସୀ ଓ ଦେଶ ଥରେ ଧାର୍ମିକ ଆଦେଶରେ ତୁମକୁ ଆକ୍ରମଣକାରୀ ଘୋଷଣା କରେ ମୁଁ ଭଗବାନଙ୍କ ରାଣଖାଇ କହୁଛି ତୁମକୁ ଭାରତ ସୀମା ପର୍ଯ୍ୟନ୍ତ ସୁରକ୍ଷା ମିଳିବ ନାହିଁ।

ପାକିସ୍ତାନୀ ନେତୃତ୍ୱକୁ ମଧ୍ୟ ତାଲିବାନ ନେତା ଟାର୍ଗେଟ୍ କରିଛନ୍ତି। କହିଛନ୍ତି ପାକିସ୍ତାନର ସୈନ୍ୟ ଶାସନ ସବୁ କାମ ଅନ୍ୟର ଇଛାରେ କରୁଛି। ସେ କହିଛନ୍ତି ଯେ ବର୍ତ୍ତମାନ ପରିସ୍ଥିତିରୁ ଏହା ସଂକେତ ମିଳୁଛି ଯେ ଡୁରଣ୍ଡ ରେଖା ସେପାରର କ୍ଷେତ୍ର ଯାହା କେବେ ଆଫଗାନିସ୍ତାନ ହାତରୁ ଖସି ଯାଇଥିଲା ତାହା ଏବେ ଆଫଗାନିସ୍ତାନକୁ ଫେରସ୍ତ ଆସିବ। ଓମାରୀଙ୍କ ଏହି ଚେତାବନୀ ଆଫଗାନ ଓ ପାକିସ୍ତାନ ମଧ୍ୟରେ ବଢୁଥିବା ଉତ୍ତେଜନା ମଧ୍ୟରେ ଆସିଛି।

ଆଫଗାନିସ୍ତାନ ପାକିସ୍ତାନ ଉପରେ ୪୮ ଘଣ୍ଟିଆ ଯୁଦ୍ଧବିରାମ ଉଲ୍ଲଂଘନର ଅଭିଯୋଗ କରିଛି। ଏଣୁ ଦୁଇ ଦେଶଙ୍କ ମଧ୍ୟରେ ସାମୟୀକ ବନ୍ଦ ଥିବା ଯୁଦ୍ଧ ପୁଣି ଥରେ ଆରମ୍ଭ ହୋଇଯାଇଛି। ଫଳରେ ଉଭୟପକ୍ଷରୁ ଧନ ଆଜୀବନ ହାନୀ ହୋଇଛି। କତାର ବିଦେଶ ମନ୍ତ୍ରାଳୟ ରାଜଧାନୀ ଦୋହାରେ ଦୁଇ ଦେଶଙ୍କ ମଧ୍ୟରେ ଶାନ୍ତି ପାଇଁ ବାର୍ତ୍ତା ଆୟୋଜନ କରିଥିଲା। ଏଥିରେ କାବୁଲ ଓ ଇସ୍ଲାମାବାଦ ତୁରନ୍ତ ଯୁଦ୍ଧ ବନ୍ଦ କରିବାକୁ ରାଜି ହୋଇଯାଇଛନ୍ତି।