ଆଶ୍ରମ ସ୍କୁଲ୍ ପାଚେରୀ ଡେଇଁ କାହିଁକି ପଳାଇଥିଲେ ୩ ଛାତ୍ର ? ନିଖୋଜ ଛାତ୍ରଙ୍କୁ ଉଦ୍ଧାର ପରେ ଚାଲିଛି ତନାଘନା

ଢ଼େଙ୍କାନାଳ ୧୩।୧୨: ଢେଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ ରାସୋଳ ଥାନା ଚିଲତଇଳା ଆଶ୍ରମ ସ୍କୁଲରୁ ଡିସେମ୍ବର ୧୦ ତାରିଖରୁ ନିଖୋଜ ୩ ଜଣ ଛାତ୍ର ଚଣ୍ଡିଖୋଲରୁ ଉଦ୍ଧାର ।ଶୁକ୍ରବାରବିଳମ୍ବିତ ରାତିରେ ରାସୋଳ ପୋଲିସ ଚଣ୍ଡିଖୋଲରୁ ଉଦ୍ଧାର କରିଛି । ୩ ଶିଶୁ ଏବଂ ପରିବାର ଲୋକ ରାସୋଳ ଥାନାରେ ଥିବାବେଳେ ସ୍କୁଲ ଦାୟିତ୍ଵରେ ଥିବା ପ୍ରଧାନ ଶିକ୍ଷକକଙ୍କୁ ଥାନାରେ ଅଟକ ରଖାଯାଇଛି । ସମସ୍ତ କାଗଜପତ୍ର ପରେ ପରିବାର ଲୋକଙ୍କୁ ଶିଶୁ ମାନଙ୍କୁ ହସ୍ତାନ୍ତର କରାଯିବ ବୋଲି ସୂଚନା ମିଳିଛି ।

ସୂଚନାଯୋଗ୍ୟ ଯେ, ଗତ ୧୦ ତାରିଖ ଦିନ ସ୍କୁଲ ପାଚେରୀ ଡେଇଁ ୩ ଛାତ୍ର ସ୍କୁଲରୁ ଚାଲିଯାଇଥିଲେ । ବହୁ ଖୋଜାଖୋଜି କରି ଛାତ୍ର ମାନଙ୍କୁ ଚଣ୍ଡିଖୋଲରୁ ପାଇଲା ପରେ ପରିବାର ଲୋକଙ୍କ ସହ ତାଙ୍କୁ ରାସୋଳ ଥାନାକୁ ଆଣିଥିଲେ।ସେଠାରେ ଉଦ୍ଧାର ହୋଇଥିବା ଛାତ୍ର ପାଚେରୀ ଡେଇଁ ଚାଲିଯାଇଥିବା ସ୍ୱୀକାର କରିଛନ୍ତି I ତେବେ ସବୁ ତଦନ୍ତ ଶେଷ କରି ପିଲା ମାନଙ୍କୁ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ରାସୋଳ ପୋଲିସ ତରଫରୁସୂଚନା ମିଳିଛି ।