ବିମାନକୁ ବିପଦ ଜ୍ବାଳାମୁଖୀର ପାଉଁଶ ! ମୁମ୍ବାଇ ଭଳି ଦିଲ୍ଲୀ ଏବଂ ଜୟପୁରରେ ବି ସମାନ ସ୍ଥିତି

ମୁମ୍ବାଇ: ମାୟାନଗରୀ ମୁମ୍ବାଇ ଲାଗି ନୂଆ ବିପଦ । ମୁମ୍ବାଇ ଏୟାର ସ୍ପେସ ବିପଦ ସୃଷ୍ଟି କରିଛି ଜ୍ବାଳାମୁଖୀର ପାଉଁଶ । ଏଥିପାଇଁ ଏୟାର ଲାଇନ୍ସଗୁଡ଼ିକୁ ସତର୍କ କରାଇ ଦିଆଯାଇଛି । ଆରବ ସାଗର ଆଡ଼ୁ ଏକ ଘନ କଳା‘ପାଉଁଶ ବାଦଲ’ମାଡ଼ି ଆସିଛି । ଏହି କ୍ଷେତ୍ର ଆଡ଼କୁ ନଯିବା ପାଇଁ ପାଇଲଟମାନଙ୍କୁ କୁହାଯାଇଛି । ବିମାନ ସୁରକ୍ଷା ଲାଗି ଏହା ବଡ଼ ବପଦ ହୋଇପାରେ ଏବଂ ଆଗାମୀ ସମୟରେ ବିମାନର ଗତି ପଥରେ ପିରବର୍ତ୍ତନ କରାଯାଇପାରେ ବୋଲି କୁହାଯାଉଛି ।

ଆମେରିକାର ହାଓ୍ବାଇସ୍ଥିତ କିଲାଉ ଆଗ୍ନେୟଗିରି ବିସ୍ଫୋରଣ ପରେ ସ୍ଥିତି ଆହୁରି ବିଗିଡ଼ି ଯାଇଛି । ଏହି ଆଗ୍ନେୟଗିରି ବିସ୍ଫୋରଣ ପରେ ଲାଭା ଉଦଗୀରଣ ଜାରି ରହିଛି । ଆମେରିକାର ଜିଓଲୋଜିକାଲ୍ ସର୍ଭେ ଅନୁସାରେ, ଗରମ ଲାଭା ଲଗାତାର ତଳିଆ ଅଞ୍ଚଳକୁ ମାଡ଼ି ଚାଲିଛି । ଏପରିକି ପୁଣି ଥରେ ବଡ଼ ବିସ୍ଫୋରଣର ମଧ୍ୟ ସଂକେତ ମିଳିଛି । ଏହି ଜ୍ବାଳାମୁଖୀ ଦୁନିଆର ସବୁଠାରୁ ସକ୍ରିୟ ଏବଂ ଗୋଟିଏ ବର୍ଷରେ ୩୬ ଥର ବିସ୍ଫୋରଣ ହେଲାଣି । ଏବେ ପୁଣି ଥରେ ଏହି ଜ୍ବାଳାମୁଖୀରେ ବିସ୍ଫୋରଣ ହୋଇପାରେ ।

ନଭେମ୍ବର ୯ ତାରିଖରେ ଜ୍ୱାଳାମୁଖୀରୁ ଦୀର୍ଘ ୫ ଘଣ୍ଟା ଯାଏଁ ଅନବରତ ଲାଭା ଉଦଗୀରଣ ହୋଇଥିଲା । ଏହି ସମୟ ମଧ୍ୟରେ, ଲାଭା ୧୨୦୦ ଫୁଟ୍ ଉଚ୍ଚତାରେ ପହଞ୍ଚିଥିଲା। ପ୍ରତି ପାଞ୍ଚ ସେକେଣ୍ଡରେ ଏକ ଅଲିମ୍ପିକ୍ ସୁଇମିଂ ପୁଲକୁ ପୂରଣ କଲା ଭଳି ଲାଭା ନିର୍ଗତ ହେଉଥିଲା । ଏହି ସମୟ ମଧ୍ୟରେ, ଜ୍ୱାଳାମୁଖୀ ପ୍ରାୟ ୧୧ ମିଲିୟନ ଘନ ୟାର୍ଡ ଲାଭା ନିର୍ଗତ କରିଥିଲା ଏବଂ ଏହି ପ୍ରବାହ ଧୀରେ ଧୀରେ ହାଲେମାଉମାଉ ଗର୍ତ୍ତର ୮୦ ପ୍ରତିଶତକୁ ଆଚ୍ଛାଦିତ କରିଥିଲା।

ସେପଟେ ମୁମ୍ବାଇ ଆକାଶରେ ଜ୍ବାଳାମୁଖୀ ପାଉଁଶର ଘନ ଆସ୍ତରଣ ଦେଖା ଦେଇଥିବାରୁ ବିମାନ ଉଡ଼ାଣକୁ ନେଇ ଆଶଙ୍କା ବୃଦ୍ଧି ପାଇଛି । ସେହିଭଳି ଦିଲ୍ଲୀ ଏବଂ ଜୟପୁରରେ ମଧ୍ୟ ସମାନ ସ୍ଥିତି । ଇଥୋପିଆର ହାୟାଲି ଗୁବ୍ବି ଜ୍ବାଳାମୁଖୀରେ ବିସ୍ଫୋରଣ ଘଟିଛି । ଏଥିରୁ ନିର୍ଗତ ଧୂଆଁ ଏବଂ ପାଉଁଶ ଦିଲ୍ଲୀ ଆଡ଼ୁକୁ ମୁହାଁଇଛି । ତେବେ ଏହି ପାଉଁଶର ସୟମ ଅନୁସାରେ ଏହି ପାଉଁଶର ଗତିପଥ ବଦଳିପାରେ ବୋଲି କୁହାଯାଉଛି । ତଥାପି ଏୟାର ଲାଇନ୍ସ ଏହି ସ୍ଥିତି ଉପରେ ନଜର ରଖିଛନ୍ତି, ଆଗାମୀ ସମୟରେ ବିମାନ ଉଡ଼ାଣକୁ ନେଇ ଚେତବାନୀ ଜାରି କରାଯାଇପାରେ ।