ଜିଲ୍ଲାପାଳଙ୍କ କାର୍ଯ୍ୟାଳୟକୁ ଧସେଇ ପଶିଲେ, ଟ୍ରାକ୍ଟରରେ ଆଣିଥିବା ଧାନ ବସ୍ତା ଢ଼ାଳିଲେ

ଭଦ୍ରକ ୧୩।୨: ମିଲର ଉଠାଉ ନାହାନ୍ତି ଧାନ । ମଣ୍ଡିରେ ଚାଷୀ ହେଉଛନ୍ତି ହସ୍ତସନ୍ତ । ଜିଲ୍ଲାପାଳଙ୍କ କାର୍ଯ୍ୟାଳୟକୁ ଧସେଇ ପଶିଲେ ଚାଷୀ । ଟ୍ରାକ୍ଟରରେ ଆଣିଥିବା ଧାନ ବସ୍ତା ଢ଼ାଳିଲେ । ଧାନ ବିକ୍ରିର ଏଭଳି ବିକଳ ଚିତ୍ର ଦେଖିବାକୁ ମିଳିଛି ଭଦ୍ରକ ଜିଲ୍ଲାପାଳଙ୍କ ଅଫିସ୍ ଆଗରେ ।

ଏ ଖବର ବି ପଢ଼ନ୍ତୁ:- ଆଉନାହାଁନ୍ତି ପୂର୍ବତନ କେନ୍ଦ୍ରମନ୍ତ୍ରୀ, ୮୭ ବର୍ଷ ବୟସରେ ବରିଷ୍ଠ ରାଜନେତାଙ୍କ ଦେହାନ୍ତ

ସୂଚନାଯୋଗ୍ୟ ଯେ, ଭଦ୍ରକ ଜିଲ୍ଲାପାଳଙ୍କ କାର୍ଯ୍ୟାଳୟ ପରିସରରେ ହଠାତ୍ ଚାଷୀ ମାନେ ଧାନ ବୋଝେଇ ଟ୍ରାକ୍ଟର ନେଇ ଧସେଇ ପଶିଥିଲେ । ପରେ ଧାନ ବସ୍ତାକୁ ଢ଼ାଳିଥିଲେ । ଭଦ୍ରକ ଜିଲ୍ଲାରେ ମିଲର ମାନେ ଧାନ ଉଠାଇବା ପାଇଁ ମନା କରିଛନ୍ତି । ତେବେ ମିଲର ମାନେ ୮ କିଲୋରୁ ୧୩ କିଲୋ ପର୍ଯ୍ୟନ୍ତ ଧାନ କାଟୁଛନ୍ତି ମିଲର । ଏମିତି କି ଚାଷୀଙ୍କୁ ଅଖା ଦିଆଯାଉନାହିଁ ଓ ଗାଡ଼ି ମଧ୍ୟ ଦେଉନଥିବା ଅଭିଯୋଗ ହୋଇଛି । ତେବେ ସବୁ ମଣ୍ଡିରେ ଧାନ ଗଦା ହୋଇଥିବା ବେଳେ ବିଭାଗୀୟ ମନ୍ତ୍ରୀ ଓ ପ୍ରଶାସନ ମିଛ ତଥ୍ୟ ଦେଉଥିବା କହିଛି ନବ ନିର୍ମାଣ କୃଷକ ସଙ୍ଗଠନ । ଗ୍ରାଉଣ୍ଡକୁ ନଯାଇ ଚାଷୀଙ୍କ ଉପରେ ଦୋଷ ଲଦା ଯାଇଛି । ସମସ୍ୟାର ସମାଧାନ ନ ହେବା ପର୍ଯ୍ୟନ୍ତ ଚାଷୀ ଧାରଣାରେ ବସିବେ ବୋଲି କହିଛନ୍ତି ।

ଏ ଖବର ବି ପଢ଼ନ୍ତୁ:- ପାନେ ପାଇଲା ରୋଡ୍ ରୋମିଓ, ଛାତ୍ରୀ ମାନଙ୍କୁ କମେଣ୍ଟ କରି ଗଛରେ ବନ୍ଧାହେଲା