ଛାତ୍ରମାନଙ୍କୁ ଟଙ୍କା, ମଦ ଓ ଡ୍ରଗ୍ସ ଦେଇ ଶାରୀରିକ ସଂପର୍କ ରଖୁଥିଲେ ଶିକ୍ଷୟିତ୍ରୀ; ମିଳିଲା ୧୦ ବର୍ଷ ଜେଲଦଣ୍ଡ

ନୂଆଦିଲ୍ଲୀ: ଶିକ୍ଷୟିତ୍ରୀଙ୍କ ନାଁରେ କଳଙ୍କ । ପିଲାଙ୍କୁ ଉଚିତ ଶିକ୍ଷା ଦେଇ ଦେଶ ନିର୍ମାଣରେ ଗୁରୁତ୍ବପୂର୍ଣ୍ଣ ଅବଦାନ ଦେବା ବଦଳରେ, କରୁଥିଲେ ପାପ କାର୍ଯ୍ୟ । ନାବାଳକ ଛାତ୍ରଙ୍କୁ ଫସାଇ ରଖୁଥିଲେ ଯୌନ ସଂପର୍କ । ପିଲାଙ୍କୁ ନିଜ ଜାଲରେ ଫସାଇବାକୁ ଦେଉଥିଲେ ଟଙ୍କା, ମଦ ଏବଂ ଡ୍ରଗ୍ସ । ଏବେ ଶିକ୍ଷୟିତ୍ରୀଙ୍କ କଳାକାରନାମାର ପର୍ଦ୍ଦାଫାସ ହୋଇଛି ଏବଂ ସେ ୧୦ ବର୍ଷ ପାଇଁ ଜେଲ ଯାଇଛନ୍ତି । ଏଭଳି ଲଜ୍ଜାଜନକ ଘଟଣା ଆମେରିକାର ମିସୌରିରେ ଘଟିଛି । ଡିକ୍ସନ ମିଡିଲ୍ ସ୍କୁଲ୍ର ଶିକ୍ଷୟିତ୍ରୀ ୩୦ ବର୍ଷୀୟା କାରିସା ସ୍ମିଥଙ୍କୁ ନଭେମ୍ବର ୧୯ ତାରିଖରେ ୧୦ ବର୍ଷ ଜେଲ ଦଣ୍ଡାଦେଶ ଦେଇଛନ୍ତି କୋର୍ଟ ।

ଖବର ଅନୁଯାୟୀ, ସେପ୍ଟେମ୍ବର ମାସରେ ୩୦ ବର୍ଷୀୟା ସ୍ମିଥ ଜଣେ ଛାତ୍ରଙ୍କ ସହିତ ଦୁଇ ଥର ଯୌନ ସମ୍ପର୍କ ଏବଂ ଏକ ଶୈଶବକୁ ବିପଦରେ ପକାଇଥିବା ନେଇ ନିଜର ଦୋଷ ସ୍ୱୀକାର କରିଥିଲେ। ଶୈଶବକୁ ବିପଦରେ ପକାଇବା ମାମଲାରେ କାରିସାଙ୍କୁ ୬ ବର୍ଷ ଏବଂ ଛାତ୍ରଙ୍କ ସହ ଯୌନ ସଂପର୍କ ମାମଲାରେ ୪ ବର୍ଷ ଜେଲ ଦଣ୍ଡ ମିଳିଛି ।କୋର୍ଟ ରେକର୍ଡ ଅନୁଯାୟୀ, ସ୍ମିଥ ବହୁ ଅପରାଧିକ ଅଭିଯୋଗର ସମ୍ମୁଖୀନ ହୋଇଥିଲେ । ଏଥିରେ ଦୁଷ୍କର୍ମ, ସେକ୍ସ ଟ୍ରାଫିକିଂ, ଅପ୍ରାକୃତିକ ଯୌନ ସଂପର୍କ, ମାମଲାକୁ ବାଟବଣା କରିବା ଭଳି ମାମଲା ଅନ୍ତର୍ଭୁକ୍ତ ।

ପୁଲାସ୍କି କାଉଣ୍ଟି ସେରିଫ ବିଭାଗ ଅନୁସାରେ, ସ୍ମିଥଙ୍କ ବିରୋଧରେ ନଭେମ୍ବର ୨୦୨୪ରେ ୨,୫୦,୦୦୦ ଡଲାରର ଓ୍ବାରେଣ୍ଟ ଜାରି ହୋଇଥିଲା । ଏହାର ୪ ଦିନ ପରେ ତାଙ୍କୁ ଗିରଫ କରାଯାଇଥିଲା । ତାଙ୍କୁ ପୁଲାସ୍କି କାଉଣ୍ଟି ଜେଲ୍ରେ ରଖାଯାଇଛି । ସେପଟେ ଅନେକ ଛାତ୍ର ସ୍ବୀକାର କରିଛନ୍ତି, ସେମାନଙ୍କୁ ଟଙ୍କା ନେଇ ସ୍ମିଥଙ୍କ ସହ ଯୌନ ସଂପର୍କ ରଖିଥିଲେ ।

ମିଳିଥିବା ସୂଚନା ଅନୁସାରେ, ସ୍ମିଥ ଜଣେ ପୀଡ଼ିତଙ୍କୁ ସ୍ନାପଚାଟରେ ନିଜର ନଗ୍ନ ଫଟୋ ପଠାଇଥିଲେ । ତାପରେ ସଂପୃକ୍ତ ଛାତ୍ରଙ୍କ ସହ ସେକ୍ସ କରିଥିଲେ । ପରେ ସେ ଅନେକ ଛାତ୍ରଙ୍କ ସହ ଯୌନ ସଂପର୍କ ରଖିଥିଲେ । ତାଙ୍କ ସ୍ବାମୀ ଘରେ ନଥିବା ବେଳେ ପିଲାମାନଙ୍କୁ ତାଙ୍କ ସହ ନିଜ ଘରକୁ ଆଣୁଥିଲେ ସ୍ମିଥ । ବେଳେ ବେଳେ ସେ ନିଜ କାରରେ ଛାତ୍ରଙ୍କ ସହ ସଂପର୍କ ରଖୁଥିଲେ । ଶାରୀରିକ ସଂପର୍କ ରଖିବା ପରେ କ୍ୟାସଆପ୍ ମାଧ୍ୟରେ ପୀଡ଼ତଙ୍କୁ ଟଙ୍କା ପଠାଉଥିଲେ ଅଭିଯୁକ୍ତ । ଏପରିକି ସେମାନଙ୍କୁ ସେ ଡ୍ରଗ୍ସ ଏବଂ ମଦ ମଧ୍ୟ ଦେଉଥିଲେ । କୋର୍ଟରେ ଦିଆଯାଇଥିବା ସତ୍ୟପାଠ ଅନୁସାରେ, ପୀଡିତାମାନେ ପୋଲିସକୁ କହିଛନ୍ତି ଯେ, ସ୍ମିଥ ତାଙ୍କ ଖରାପ କାର୍ଯ୍ୟକୁ ଲୁଚାଇବା ପାଇଁ ସେମାନଙ୍କୁ ଭୟଭୀତ କରିବାକୁ ଚେଷ୍ଟା କରୁଥିଲେ । ମାମଲାର ପର୍ଦ୍ଦାଫାସ ହେବା ପରେ କାରିସା ସ୍ମିଥ ଜେଲ୍ ଯାଇଛନ୍ତି । ସେପଟେ ସ୍କୁଲ କର୍ତ୍ତୃପକ୍ଷ ଏଭଳି ଘଟଣାକୁ ନିନ୍ଦା କରିବା ସହ ପୀଡ଼ିତଙ୍କ ପରିବାରକୁ କ୍ଷମା ମାଗିଛନ୍ତି ।