ବଜେଟ ୨୦୨୬: ପର୍ଯ୍ୟଟନ, ୱାର୍ଲଡ ଟ୍ରେକିଂ ଏବଂ କ୍ରୀଡା ପାଇଁ ବଡ଼ ଘୋଷଣା

ନୂଆଦିଲ୍ଲୀ: କେନ୍ଦ୍ର ଅର୍ଥମନ୍ତ୍ରୀ ନିର୍ମଳା ସୀତାରମଣ ରବିବାର ସଂସଦରେ ସାଧାରଣ ବଜେଟ୍ ୨୦୨୬ ଉପସ୍ଥାପନ କରୁଛନ୍ତି । ଅର୍ଥମନ୍ତ୍ରୀ ତାଙ୍କ ଭାଷଣରେ ବଜେଟର ପର୍ଯ୍ୟଟନ, ବିଶ୍ୱ ଟ୍ରେକିଂ ଏବଂ ହାଇକିଂ ଏବଂ କ୍ରୀଡା ପାଇଁ ଯୋଜନାଗୁଡ଼ିକର ରୂପରେଖ ଦେଇଛନ୍ତି ।

ପର୍ଯ୍ୟଟନ: ନ୍ୟାସନାଲ୍ ଇନଷ୍ଟିଚ୍ୟୁଟ୍ ଅଫ୍ ହସ୍ପିଟାଲିଟି ସ୍ଥାପନ କରାଯିବ । ୨୦ଟି ଲୋକପ୍ରିୟ ପର୍ଯ୍ୟଟନ ସ୍ଥାନରେ ୧୦,୦୦୦ ଗାଇଡଙ୍କ ଦକ୍ଷତା ବୃଦ୍ଧି ପାଇଁ ଏକ ଯୋଜନା ଆରମ୍ଭ ହେବ । ନ୍ୟାସନାଲ୍ ଡେଷ୍ଟିନେସନ ଡିଜିଟାଲ୍ ନଲେଜ୍ ଗ୍ରୀଡ୍ ସ୍ଥାପନ ହେବ ।

ୱାର୍ଲଡ ଟ୍ରେକିଂ ଏବଂ ହାଇକିଂ: ହିମାଚଳ ପ୍ରଦେଶ, ଉତ୍ତରାଖଣ୍ଡ, ଜମ୍ମୁ ଏବଂ କାଶ୍ମୀର, ଆରାକୁ ଉପତ୍ୟକାରେ ମାଉଣ୍ଟେନ ଟ୍ରେଲ୍ସ ନିର୍ମାଣ ହେବ । ଓଡ଼ିଶା, କର୍ଣ୍ଣାଟକ ଏବଂ କେରଳରେ ଟର୍ଟଲ ଟ୍ରେଲ୍ସ ବିକଶିତ କରାଯିବ ।

ଧୋଲାଭିରା ଭଳି ୧୫ଟି ପ୍ରତ୍ନତାତ୍ତ୍ୱିକ ସ୍ଥାନକୁ ସାଂସ୍କୃତିକ ସ୍ଥଳ ଭାବରେ ବିକଶିତ କରାଯିବ ।

କ୍ରୀଡା: ଖେଲୋ ଇଣ୍ଡିଆ ମିଶନ୍ ପ୍ରତିଷ୍ଠା କରାଯିବ । ଏହି ପଦକ୍ଷେପ ଅଧୀନରେ ଆଗାମୀ ୧୦ ବର୍ଷ ମଧ୍ୟରେ କାର୍ଯ୍ୟ କରାଯିବ । ତାଲିମ କେନ୍ଦ୍ର ପ୍ରତିଷ୍ଠା କରାଯିବ । ପ୍ରଶିକ୍ଷକ ଏବଂ ସହାୟକ କର୍ମଚାରୀମାନଙ୍କୁ ବ୍ୟବସ୍ଥିତ ଭାବରେ ତାଲିମ ଦିଆଯିବ । ପ୍ରତିଯୋଗିତା ଏବଂ ଲିଗ୍ ଅନୁଷ୍ଠିତ ହେବ । ତାଲିମ ଏବଂ ପ୍ରତିଯୋଗିତା ପାଇଁ କ୍ରୀଡା ଭିତ୍ତିଭୂମି ବିକଶିତ କରାଯିବ ।