କେଉଁ ଦେଶ ପାଖରେ ରହିଛି ସବୁଠୁ ଅଧିକ ସୁନା ଭଣ୍ଡାର ? ଏହି ସ୍ଥାନରେ ରହିଛି ଭାରତ

ନୂଆଦିଲ୍ଲୀ: ସୁନା ସବୁବେଳେ ଦୁନିଆର ସବୁଠୁ ସ୍ଥାୟୀ ଏବଂ ଭରସାଯୋଗ୍ୟ ନିବେଶର ମାଧ୍ୟମ ହୋଇ ରହିଆସିଛି।ଏଥିପାଇଁ ତ’ ବିଭିନ୍ନ ଦେଶର କେନ୍ଦ୍ରୀୟ ବ୍ୟାଙ୍କମାନେ ଏହାକୁ ରେକର୍ଡ ସ୍ତରରେ କ୍ରୟ କରୁଛନ୍ତି। ଆଉ ଏହି ନେଣଦେଣ କାରଣରୁ ହିଁ ୨୦୨୫ରେ ଏହାର ଦାମ୍ ରେକର୍ଡ ସ୍ତରରେ ପହଞ୍ଚିଛି। ତେବେ ନିକଟରେ ବୁଲିୟନ ଭଲ୍ଟ ପକ୍ଷରୁ ଜାରି ଏକ ରିପୋର୍ଟରେ କେଉଁ ଦେଶ ପାଖରେ କେତେ ସୁନା ରହିଛି ତାହା ଦର୍ଶାଯାଇଛି। ଏହି ରିପୋର୍ଟ ଅନୁସାରେ ସାମୂହିକ ଭାବରେ ଆମେରିକା ଏବଂ ୟୂରୋପ ପାଖରେ ରିପୋର୍ଟ ଦୁନିଆର ୬୦%ରୁ ଅଧିକ ସୁନା ଭଣ୍ଡାର ରହିଥିବା ଦର୍ଶାଯାଇଛି।

ରିପୋର୍ଟ ଅନୁସାରେ, ଟପ୍ ୧୦ ଦେଶ ମଧ୍ୟରୁ ୟୁଏସ ପାଖରେ ୮,୧୩୩.୫ ଟନ୍ ସୁନା ଗଚ୍ଛିତ ରହିଛି, ଦ୍ବିତୀୟରେ ୩,୩୫୧.୬ ଟନ୍ ସୁନା ସହ ଜର୍ମାନୀ , ତୃତୀୟରେ ୨,୪୫୧.୯ ଟନ୍ ସୁନା ସହ ଇଟାଲୀ, ଚତୁର୍ଥରେ ୨,୪୩୭ ଟନ୍ ସହ ଫ୍ରାନ୍ସ, ପଞ୍ଚମରେ ୨,୩୩୩.୧ ଟନ୍ ସୁନା ସହ ରୁଷ୍, ଷଷ୍ଠରେ ୨,୨୭୯.୬ ଟନ୍ ସହ ଚୀନ, ସପ୍ତମରେ ୧,୦୩୯.୯ ଟନ୍ ସୁନା ସହ ସ୍ବିଜରଲ୍ୟାଣ୍ଡ, ଅଷ୍ଟମରେ ୮୭୬.୨ ଟନ୍ ସହ ଭାରତ, ନବମରେ ୮୪୬ ଟନ୍ ସୁନା ସହ ଜାପାନ ଏବଂ ୧୦ମରେ ନେଦରଲ୍ୟାଣ୍ଡର ସୁନା ଭଣ୍ଡାରରେ ୬୧୨.୫ ଟନ୍ ସୁନା ରହିଛି।

ବଡ଼ କଥା ହେଲା ଯୁକ୍ତରାଷ୍ଟ୍ର ଆମେରିକା ୮,୧୩୩.୫ ଟନ୍ ସୁନା ସହ ଦୁନିଆର ସବୁଠୁ ବଡ଼ ସୁନା ଭଣ୍ଡାରକାରୀ ହୋଇ ରହିଛି। ଆଉ ଏହା ପ୍ରାୟ ୧ ଦଶନ୍ଧିରୁ ଅପରିବର୍ତ୍ତିତ ରହିଛି। ଏହି ସୁନାର ଅଧିକାଂଶ ଭାଗ ଫୋର୍ଟ ନକ୍ସ ଏବଂ ନ୍ୟୁୟର୍କ ଫେଡେରାଲ ରିଜର୍ଭରେ ଗଚ୍ଛିତ ରହିଛି। ତେଣୁ ବର୍ତ୍ତମାନ ମୂଲ୍ୟ ହିସାବରେ ଦେଖିଲେ, ଆମେରିକାର ଭଣ୍ଡାର ୧ ଟ୍ରିଲିୟନ ଡଲାରରୁ ଅଧିକ ରହିଛି। ଯାହା ଆମେରିକା ଡଲାରକୁ ମଜଭୁତ କରିବାରେ ଏକ ରଣନୈତିକ ପରିସମ୍ପତ୍ତି ଭାବରେ କାର୍ଯ୍ୟ କରୁଛି।

ସେହିଭଳି ୟୂରୋପର ପ୍ରମୁଖ ଅର୍ଥବ୍ୟବସ୍ଥା, ଜର୍ମାନୀ, ଇଟାଲି ଏବଂ ଫ୍ରାନ୍ସ ସାମୂହିକ ଭାବରେ ପ୍ରାୟ ୮,୨୦୦ ଟନ୍ ସୁନା ରଖିଛନ୍ତି। ଯାହା ଆମେରିକାର ସମୁଦାୟ ସୁନାର ପାଖାପାଖି। ଚୀନର ସ୍ବର୍ଣ୍ଣ ଭଣ୍ଡାର ୨୦୧୯ରେ ୧,୯୪୮ ଟନ୍ ରହିଥିଲା ଯାହା ୨୦୨୪ରେ ୨୨୮୦ ଟନ୍ ହୋଇଛି। କାରର ବିଜିଂ ଆମେରିକା ଟ୍ରେଜରି ହୋଲ୍ଡିଂସ ଠାରୁ ଦୂରକୁ ଯାଉଛି ଆଉ ୟୁଆନକୁ ଅନ୍ତର୍ଜାତୀୟକରଣ କରିବାକୁ ଚାହୁଛି।ଭାରତ, ବିଶ୍ବର ପଞ୍ଚମ ସବୁଠୁ ବଡ଼ ଅର୍ଥବ୍ୟବସ୍ଥା ହୋଇଛି। ଆଉ ଭାରତ ପାଖରେ ୮୭୬ ଟନ୍ ସୁନା ରହିଛି।

ସେପଟେ ତୁର୍କିଏ ୫୯୫ ଟନ୍ ଏବଂ ପୋଲାଣ୍ଡ ୪୪୮ ଟନ୍ ସୁନା ସହ ବିକାଶୀଳ ବଜାରରେ ମୁଦ୍ରାସ୍ଫୀତି, ମୁଦ୍ରା ଅସ୍ଥିରତା ଏବଂ ଭୂ- ରାଜନୈତିକ ଅନିଶ୍ଚିତତାରୁ ରକ୍ଷା ପାଇଁ ସୁନା କିଣିବା ବୃଦ୍ଧି କରିଛନ୍ତି।ସେହିଭଳି ଉଜବେକିସ୍ତାନ ଏବଂ ସାଉଦି ଆରବ, ଥାଇଲାଣ୍ଡ, ସିଙ୍ଗାପୁର ଏବଂ କାଜାଖସ୍ତାନ ଭଳି ଦେଶ ମଧ୍ୟ ବୈଶ୍ବିକ ଝଟକାରୁ ବର୍ତ୍ତିବା ପାଇଁ ସୁନା ଭଣ୍ଡାରରେ ବୃଦ୍ଧି କରୁଛନ୍ତି ।