ବାଇକ୍ରେ ଆସିଲେ, ମହିଳାଙ୍କୁ ବେକରୁ ସୁନା ଚେନ୍ ଝାମ୍ପିନେଲେ

ବାଲିପାଟଣା ୩୦।୧୧ : ରାଜଧାନୀ ଉପକଣ୍ଠ ବାଲିପାଟଣା ଥାନା ବନମାଳିପୁର ଫାଣ୍ଡି ଆମଣାକୁଦ ଗାଁରେ ଲୁଟ୍ । ବାଇକ୍ରେ ମହିଳାଙ୍କ ବେକରୁ ଝାମ୍ପି ନେଲେ ସୁନା ଚେନ୍ । ଦୁଇ ଦୁର୍ବୃତ୍ତ ବାଇକ୍ରେ ଆସି ଲୁଟ୍ କରୁଥିବାର ଦୃଶ୍ୟ ସିସିଟିଭିରେ କଏଦ ହୋଇଛି ।

ଖବର ଅନୁଯାୟୀ, ରବିବାର ସକାଳୁ ଆମଣାକୁଦ ଗାଁର ସଂଧ୍ୟାରାଣୀ ମହାନ୍ତି ମନ୍ଦିରକୁ ପୂଜାର୍ଚ୍ଚନା କରିବାକୁ ଯାଉଥିଲେ । ଏହି ସମୟରେ ୨ ଜଣ ଯୁବକ ଏକ ସ୍ପିଡ୍ ବାଇକ୍ରେ ଆସିଥିଲେ ।ଜଣେ ଦୁର୍ବୃତ୍ତ ମହିଳାଙ୍କ ନିକଟକୁ ଚାଲି ଚାଲି ଯାଇ ସୁନା ଚେନ୍କୁ ଝାମ୍ପି ନେଇଥିଲେ । ପରେ ଦୁଇ ଜଣ ଦୁର୍ବୃତ୍ତ ବାଇକ୍ ଯୋଗେ ଘଟଣାସ୍ଥଳରୁ ଫେରାର ହୋଇଯାଇଥିଲେ । ଜଣେ ଦୁର୍ବୃତ୍ତ ମୁହଁରେ ମାସ୍କ ସହ ନାଲି ରଙ୍ଗର ଟୋପି ପିନ୍ଧିଥିବା ବେଳେ ଅନ୍ୟ ଜଣେ ମାସ୍କ ଏବଂ ହେଲମେଟ୍ ପିନ୍ଧିଥିଲେ । ଲୁଟ୍ ସୁନା ଚେନ୍ ଲକ୍ଷାଧିକ ଟଙ୍କାର ହେବ ବୋଲି ଅନୁମାନ କରାଯାଉଛି । ଅନ୍ୟପଟେ ଲୁଟ୍ ସଂପର୍କରେ ଖବର ପାଇ ବନମାଳିପୁର ଫାଣ୍ଡି ପୋଲିସ ଘଟଣାସ୍ଥୟଳରେ ପହଞ୍ଚି ସିସିଟିଭିକୁ ଯାଞ୍ଚ କରୁଛି । ଏହାସହ ଘଟଣାର ଅଧିକ ଛାନ ଜାରି ରଖିଛି ।